പൂനയിലെ വെങ്കിടേശ്വര ഹാച്ചറി വികസിപ്പിച്ചെടുത്ത BV 380 കോഴികള്‍ വര്‍ഷത്തില്‍ 280-300 മുട്ടകൾ വരെയിടാൻ കഴിവുള്ളവയാണ്. സര്‍ക്കാര്‍ ഫാമുകളില്‍ നിന്നും, സ്വകാര്യ നഴ്സറികളില്‍ നിന്നും BV 380 കോഴികളെ ലഭിക്കും.
BV 380 കോഴിയുടെ തവിട്ട് നിറത്തിലുള്ള മുട്ട കഴിക്കുന്നത് ശീലമാക്കിക്കോളൂ, ഈ ഗുണങ്ങൾ ലഭിക്കും
ഏറ്റവും മികച്ച സമീകൃതാഹാരങ്ങളിലൊന്നാണ് മുട്ട. ഇരുമ്പിന്റെ കുറവ് പരിഹരിക്കുന്നത് മുതൽ ശരീരഭാരം കുറയ്ക്കുന്നതിന് വരെ മുട്ട നിങ്ങളെ സഹായിക്കും. പ്രോട്ടീനും ആവശ്യമായ മറ്റ് പോഷകങ്ങളും ഇത് നമ്മുടെ ശരീരത്തിന് നൽകുന്നു.
ഏറ്റവും മികച്ച ഭക്ഷണം എന്ന് നിങ്ങൾക്ക് കണ്ണുമടച്ച് പറയാവുന്ന ചുരുക്കം ചില ഭക്ഷണങ്ങളിൽ ഒന്നാണ് മുട്ട. എല്ലാത്തരം പോഷകങ്ങളും മുട്ടകളിൽ സമ്പുഷ്ടമായി അടങ്ങിയിട്ടുണ്ടെന്നും, അവയിൽ പലതും ആധുനിക ഭക്ഷണക്രമത്തിൽ കുറവാണെന്നും അവർ കൂട്ടിച്ചേർക്കുന്നു. അതിനാൽ, നിങ്ങളുടെ ശരീരത്തിന്റെ ആവശ്യകതകൾ നിറവേറ്റാൻ ആവശ്യമായ മുട്ടകൾ നിങ്ങൾ കഴിക്കുന്നുണ്ടോ? മുട്ടയിലെ പോഷകഗുണങ്ങൾ ഇങ്ങനെ:
വിറ്റാമിൻ എ: 6 ശതമാനം
വിറ്റാമിൻ ബി: 5 - 7 ശതമാനം
വിറ്റാമിൻ ബി: 12 - 9 ശതമാനം
ഫോസ്ഫറസ്: 9 ശതമാനം
വിറ്റാമിൻ ബി: 2 - 15 ശതമാനം
സെലിനിയം: 22 ശതമാനം
പ്രകടനം മെച്ചപ്പെടുത്താൻ സഹായിക്കുന്നു
മുട്ടകൾക്ക് ഉയർന്ന സംതൃപ്തി സൂചികയുണ്ട്, അതിനർത്ഥം അവ നിങ്ങളെ ദീർഘനേരം വിശപ്പ് അനുഭവപ്പെടാതെ നിലനിർത്തുവാൻ സഹായിക്കുന്നു. ഒരു വലിയ മുട്ട വിറ്റാമിൻ സി ഒഴികെയുള്ള ആവശ്യമായ പോഷകങ്ങളും 6 ഗ്രാം ഉയർന്ന നിലവാരമുള്ള പ്രോട്ടീനും നൽകുന്നു. അതിനാലാണ് മുട്ടയും ഗോതമ്പ് ബ്രെഡും, ഒപ്പം ഒരു ഗ്ലാസ് ഫ്രൂട്ട് ജ്യൂസ് അല്ലെങ്കിൽ ഓറഞ്ച് ജ്യൂസ് അടങ്ങിയ പ്രഭാതഭക്ഷണം കഴിക്കുന്നത് നിങ്ങൾക്ക് ഇന്നത്തെ ഈ വെല്ലുവിളി നിറഞ്ഞ അന്തരീക്ഷത്തിൽ മികച്ച പ്രകടനം കാഴ്ചവയ്ക്കാൻ സഹായിക്കുന്നതാണ്.
ശരീരത്തിന്റെ ഇരുമ്പ് ആവശ്യകത നിറവേറ്റാൻ
ശരീരത്തിൽ ഇരുമ്പിന്റെ അംശം മിതമായ അളവിലോ കുറവോ ആയിട്ടുള്ള പലരും ക്ഷീണം, തലവേദന, അസ്വസ്ഥത എന്നിവയുടെ അവ്യക്തമായ ലക്ഷണങ്ങൾ അനുഭവിക്കുന്നുവെന്ന് പോഷകാഹാര വിദഗ്ധർ പറയുന്നു. രക്തത്തിലെ ഓക്സിജന്റെ വാഹകനാണ് ഇരുമ്പ്. അതിനാൽ, പ്രതിരോധശേഷി, ഊർജ്ജ രാസവിനിമയം, തുടങ്ങി ശരീരത്തിലെ മറ്റ് പല പ്രവർത്തനങ്ങളിലും ഇരുമ്പ് പ്രധാന പങ്ക് വഹിക്കുന്നു. മുട്ടയുടെ മഞ്ഞക്കരുവിലുള്ള ഇരുമ്പിന്റെ അംശം ജെംസ് അയേൺ എന്ന തരം ഇരുമ്പിന്റെ രൂപത്തിലാണ്. ഇത് ഭക്ഷണത്തിലെ ഏറ്റവും എളുപ്പത്തിൽ ആഗിരണം ചെയ്യാവുന്നതും ഉപയോഗിക്കാവുന്നതുമായ ഇരുമ്പിന്റെ രൂപമാണ്. മിക്ക അയേൺ സപ്ലിമെന്റുകളിലെയും ഇരുമ്പിന്റെ രൂപത്തേക്കാൾ കൂടുതൽ ആഗിരണം ചെയ്യാവുന്നതുമാണ് ഇവ.
ഭക്ഷണത്തിന്റെ പോഷക പര്യാപ്തത മെച്ചപ്പെടുത്താൻ
മുട്ടയിൽ അടങ്ങിയിട്ടുള്ള പോഷകങ്ങളുടെ സാന്ദ്രത പോഷകസമൃദ്ധമായ ഭക്ഷണത്തിന് വിലപ്പെട്ട സംഭാവന നൽകുന്നു. മുട്ട കഴിക്കുന്നവരും കഴിക്കാത്തവരുമായ ഉപഭോക്താക്കളിൽ നടത്തിയ ഒരു താരതമ്യ പഠനത്തിൽ മുട്ട കഴിക്കാത്ത ഉപഭോക്താക്കളുടെ ഭക്ഷണക്രമത്തിൽ വിറ്റാമിൻ എ, ഇ, ബി 12 എന്നിവയുടെ അളവ് കുറയാൻ സാധ്യതയുണ്ടെന്ന് കണ്ടെത്തി. മുട്ട കഴിക്കുന്ന ആളുകളിൽ 10-20 ശതമാനം ഡിലേറ്റും 20-30 ശതമാനം വിറ്റാമിൻ എ, ഇ, ബി 12 എന്നിവയും മുട്ടകൾ സംഭാവന ചെയ്യുന്നതെയും വ്യക്തമായി. പോഷകങ്ങളുടെ പര്യാപ്തത ഉറപ്പുവരുത്തുന്നതിൽ ഒരു ഭക്ഷണത്തിന് വഹിക്കാവുന്ന പ്രധാന പങ്ക് എത്രത്തോളം ഉണ്ടെന്ന് ഈ പഠനം കാണിക്കുന്നു.
രക്തത്തിലെ കൊളസ്ട്രോൾ നിയന്ത്രിക്കാൻ
കാര്യങ്ങൾ കുറച്ച് കൂടി വ്യക്തമാക്കുകയാണെങ്കിൽ, കൊഴുപ്പ് കൂടുതലുള്ള ഭക്ഷണങ്ങൾ, പ്രത്യേകിച്ച് സാച്ചുറേറ്റഡ്, ട്രാൻസ് ഫാറ്റി ആസിഡുകൾ ഭക്ഷണത്തിലെ കൊളസ്ട്രോളിനേക്കാൾ ഹൃദയാരോഗ്യത്തെ വളരെയധികം സ്വാധീനിക്കുന്നുവെന്ന് മനസ്സിലാക്കേണ്ടതുണ്ട്. കൊളസ്ട്രോൾ വർദ്ധിക്കാതെ തടയുവാൻ പ്രോട്ടീന്റെ ഏറ്റവും വിലകുറഞ്ഞതും വൈവിധ്യമാർന്നതും എളുപ്പം ദഹിക്കുന്നതുമായ മുട്ടകൾ സ്ഥിരമായി കഴിക്കുക.
ശരീരഭാരം കുറയ്ക്കാൻ
ടോസ്റ്റും മുട്ടയും ചേർത്ത് പ്രഭാതഭക്ഷണം കഴിക്കുന്നത് മറ്റ് പ്രഭാതഭക്ഷണങ്ങളെക്കാൾ 50 ശതമാനം കൂടുതൽ തൃപ്തി നൽകുന്നതാണ്. ഒരു മുട്ട ചേർത്ത പ്രഭാതഭക്ഷണം കഴിച്ചുകൊണ്ട് ദിവസം ആരംഭിക്കുന്നത് അമിതവണ്ണമുള്ള ആളുകളിൽ സംതൃപ്തി വർദ്ധിപ്പിക്കുകയും ശരീരഭാരം കുറയ്ക്കാൻ സഹായിക്കുകയും ചെയ്യും. മുഴു ധാന്യങ്ങൾ, പഴങ്ങൾ, പച്ചക്കറികൾ എന്നിവയുമായി ചേരുമ്പോൾ, മുട്ട ഒരു സമ്പൂർണ്ണ ഭക്ഷണമാണ്. ഇവ എളുപ്പത്തിൽ ലഭ്യമാണ്, എളുപ്പത്തിൽ പാകം ചെയ്യാം, വിലകുറഞ്ഞതുമാണ് എന്നതിനാൽ ശരീരഭാരം കുറയ്ക്കുന്നതിനുള്ള പരിപാടികളിൽ ഇവ ഏറെ ഉപയോഗപ്രദമാകും.
മസ്തിഷ്ക ആരോഗ്യം പ്രോത്സാഹിപ്പിക്കാൻ
ഗർഭസ്ഥ ശിശുവിന്റെയും നവജാതശിശുവിലെയും മസ്തിഷ്ക വികാസത്തിനും വയസ്സായവർക്ക് പോലും ഓർമ്മശക്തി കൂട്ടുവാനും സഹായിക്കുന്ന ഒരു പോഷകമാണ് ക്ലോറിൻ. ഇവ നമുക്ക് നൽകുന്ന മികച്ച ഭക്ഷണ സ്രോതസ്സാണ് മുട്ട. പ്രതിദിനം ഒരു മുട്ട കഴിക്കുന്നത് ഗർഭിണിയായ സ്ത്രീയുടെ കോളിൻ ആവശ്യകതയുടെ 28 ശതമാനം നൽകുന്നു. ഗർഭകാലത്തും മുലയൂട്ടുന്ന സമയത്തും ഇത് കഴിക്കേണ്ടത് പ്രധാനമാണ്. അതേസമയം, ഗർഭസ്ഥ ശിശുവിന്റെ മസ്തിഷ്ക വികാസത്തിനും ആജീവനാന്ത കാലത്തെക്കുള്ള ഓർമ്മശക്തി വർദ്ധിപ്പിക്കുന്നതിനും ഇത് ഒരു നിർണായക കാലഘട്ടമാണ്.