ഒരു ഡിജിറ്റൽ ബാങ്ക് തിരഞ്ഞെടുക്കുന്നതിന് മുമ്പ് നിങ്ങൾ അറിഞ്ഞിരിക്കേണ്ട പ്രധാന കാര്യങ്ങൾ

ഡിജിറ്റൽ ബാങ്കുകളുടെ പ്രാധാന്യം ഭൂരിഭാഗം ആളുകളും തിരിച്ചറിഞ്ഞിട്ടുണ്ട്. അത്തരമൊരു സംവിധാനം കൂടുതൽ നല്ലതാണ്. നമ്മുടെ സ്മാർട്ട് ഫോണിലൂടെ വീട്ടിൽ ഇരുന്ന് തന്നെ നമ്മുടെ സാമ്പത്തികം അഥവാ റീചാർജുകൾ, മറ്റു ഷോപ്പിംഗുകൾ അല്ലെങ്കിൽ പണമിടപാടുകൾ എന്നിവ നിയന്ത്രിക്കാനാകുന്നത് ചെറിയ കാര്യമല്ല. ബാങ്കിലെ വലിയ ക്യൂവിൽ നിന്ന് നമുക്ക് രക്ഷപ്പെടാനും ആകും എന്നതാണ് ഡിജിറ്റൽ ബാങ്കിൽ ഇടപാടുകളുടെ പ്രാധാന്യം. എന്നാൽ ഇത്തരത്തിലുള്ള ബാങ്കിങ് തിരഞ്ഞെടുക്കുന്നതിന് മുൻപ് അവയെ പറ്റി അറിഞ്ഞിരിക്കേണ്ടത് അനിവാര്യമാണ്.

ഇന്ത്യ പോസ്റ്റ് ഡിജിറ്റൽ പേയ്‌മെന്റ് ആപ്പ് സമാരംഭിച്ചു - DakPay

1. ഉയർന്ന സുരക്ഷ

ഡിജിറ്റലിന്റെ കാര്യത്തിൽ ആളുകൾ പലപ്പോഴും സുരക്ഷയുടെ ഫലപ്രാപ്തിയെ ചോദ്യം ചെയ്യുന്നു. ഇത് അവരുടെ കഷ്ടപ്പെട്ട് സമ്പാദിച്ച പണത്തിന്റെ കാര്യമായതിനാൽ ഒരു സാധുവായ ചോദ്യമാണ്. അതിനാൽ, ഒരു ഡിജിറ്റൽ ബാങ്ക് തിരഞ്ഞെടുക്കുന്നതിന് മുമ്പ് ഈ വശം ആലോചിക്കേണ്ടതുണ്ട്. അത്തരമൊരു സംവിധാനത്തിൽ തങ്ങൾക്ക് എത്ര സുരക്ഷാ സംവിധാനങ്ങൾ ഉണ്ടെന്ന് അറിഞ്ഞിരിക്കണം. ഉദാഹരണത്തിന്, എയർടെൽ പേയ്‌മെന്റ് ബാങ്ക് 'എയർടെൽ സേഫ് പേ' എന്ന ഫീച്ചർ വാഗ്ദാനം ചെയ്യുന്നു, എന്നത് പോലെ ഓരോ ബാങ്ക് അവരുടെ സുരക്ഷാ ഫീച്ചർ വാഗ്ദാനം ചെയ്യുന്നുണ്ട്.

2. വേഗതയും സൗകര്യവും

ശാരീരികമായി ബാങ്കിൽ പോകുന്നതിന്റെ സമയവും ഊർജവും നഷ്ടപ്പെടുന്നതിനു പകരം പണം കൈകാര്യം ചെയ്യുന്നതിനായി ഡിജിറ്റൽ ബാങ്ക് ഉപയോഗിക്കാവുന്നതാണ്. എയർടെൽ പേയ്മെന്റ്സ് ബാങ്ക് ഉപയോഗിച്ച്, ഒരു വീഡിയോ കോൾ സ്ഥിരീകരണ പ്രക്രിയയിലൂടെ ഒരാൾക്ക് അക്കൗണ്ട് തുറക്കാം. കൂടാതെ, എയർടെൽ താങ്ക്സ് ആപ്പ് വഴി ആളുകൾക്ക് അവരുടെ എല്ലാ ഇടപാടുകളും മറ്റ് പണ പ്രവർത്തനങ്ങളും നിയന്ത്രിക്കാനാകും.

3. റിവാർഡിംഗ് സിസ്റ്റം

ഒരു ബാങ്ക് സ്ഥിരമായ റിവാർഡ് മെക്കാനിസത്തിലൂടെ ആളുകളെ പിന്തുണയ്‌ക്കുമ്പോൾ, അവരുടെ പണം വിവേകത്തോടെ നീക്കാൻ അവരെ പ്രോത്സാഹിപ്പിക്കുവാൻ ഇത് സഹായിക്കുന്നു. Rewards123 പ്രോഗ്രാമിനൊപ്പം പേയ്‌മെന്റുകൾക്കും ഷോപ്പിംഗ് ആനുകൂല്യങ്ങൾക്കും മറ്റും എയർടെൽ പേയ്‌മെന്റ് ബാങ്ക് എക്‌സ്‌ക്ലൂസീവ് റിവാർഡുകൾ വാഗ്ദാനം ചെയ്യുന്നു. എല്ലാ ഇടപാടുകളിലും ആകർഷകമായ ക്യാഷ്ബാക്ക് നേടുന്ന സ്ഥിരമായ ഒരു റിവാർഡ് പ്രോഗ്രാമാണ് Rewards123 പ്രോഗ്രാം.

4. ലാഭകരമായ നിക്ഷേപ ഓപ്ഷനുകൾ

പണം കൈവശം വയ്ക്കുന്നതിനോ ദൈനംദിന അടിസ്ഥാനത്തിൽ ഇടപാട് നടത്തുന്നതിനോ ഉള്ള ഒരു മാർഗം എന്നതിലുപരി, ഒരു ഡിജിറ്റൽ ബാങ്ക് വാഗ്ദാനം ചെയ്യുന്ന സാമ്പത്തിക സേവനങ്ങളുടെ ഒരു കൂട്ടം കൂടി കാണേണ്ടതുണ്ട്.

ഡിജിറ്റൽ പ്ലാറ്റ്‌ഫോമായ ഡിജിഗോൾഡിലൂടെ സ്വർണത്തിൽ നിക്ഷേപം നടത്താൻ എയർടെൽ പേയ്‌മെന്റ് ബാങ്ക് ഉപഭോക്താക്കളെ പ്രാപ്തരാക്കുന്നു. അക്കൗണ്ട് ഉടമകൾക്ക് എയർടെൽ താങ്ക്സ് ആപ്പ് വഴി 24K സ്വർണത്തിൽ നിക്ഷേപിക്കാം കൂടാതെ ഈ ചോയ്സ് ഒരു സമ്മാന ഓപ്ഷനായി ഉപയോഗിക്കാനും കഴിയും.