പ്രധാനമന്ത്രി നരേന്ദ്ര മോദി 2023 ജനുവരി 3 ന്, വീഡിയോ കോൺഫറൻസിംഗിലൂടെ 108-ാമത് ഇന്ത്യൻ സയൻസ് കോൺഗ്രസിനെ (ISC) അഭിസംബോധന ചെയ്യും. ഐഎസ്‌സിയുടെ 108-ാമത് വാർഷിക സമ്മേളനം ജനുവരി 3-7 തീയതികളിൽ രാഷ്ട്രസന്ത് തുക്കാഡോജി മഹാരാജ് നാഗ്പൂർ സർവകലാശാലയിൽ നടക്കും. 'സ്ത്രീ ശാക്തീകരണത്തിനൊപ്പം സുസ്ഥിര വികസനത്തിനായുള്ള ശാസ്ത്രവും സാങ്കേതികവിദ്യയും' എന്നതാണ് ഈ വർഷത്തെ ഐഎസ്‌സിയുടെ പ്രധാന തീം എന്ന് പ്രധാനമന്ത്രിയുടെ ഓഫീസിൽ നിന്നുള്ള പ്രസ്താവനയിൽ പറയുന്നു.
സുസ്ഥിര വികസനം, സ്ത്രീ ശാക്തീകരണം, ഇത് കൈവരിക്കുന്നതിൽ ശാസ്ത്ര സാങ്കേതിക വിദ്യയുടെ പങ്ക് തുടങ്ങിയ വിഷയങ്ങളിൽ ചർച്ചകൾക്ക് ഇത് സാക്ഷ്യം വഹിക്കുമെന്ന് പ്രസ്താവനയിൽ പറയുന്നു. STEM (സയൻസ്, ടെക്‌നോളജി, എഞ്ചിനീയറിംഗ്, മാത്തമാറ്റിക്സ്) വിദ്യാഭ്യാസം, ഗവേഷണം എന്നിവയിൽ സ്ത്രീകൾക്ക് തുല്യ പ്രവേശനം നൽകുന്നതിനുള്ള വഴികൾ കണ്ടെത്തുന്നതിനൊപ്പം അദ്ധ്യാപനം, ഗവേഷണം, വ്യവസായം, അവസരങ്ങളും സാമ്പത്തിക പങ്കാളിത്തവും എന്നീ ഉയർന്ന തലങ്ങളിൽ സ്ത്രീകളുടെ എണ്ണം വർദ്ധിപ്പിക്കുന്നതിനുള്ള വഴികളെക്കുറിച്ച് പങ്കെടുക്കുന്നവർ ചർച്ച ചെയ്യുകയും ചെയ്യും.
ശാസ്ത്രസാങ്കേതിക രംഗത്തെ സ്ത്രീകളുടെ സംഭാവനകൾ പ്രദർശിപ്പിക്കുന്നതിനുള്ള പ്രത്യേക പരിപാടിയും നടക്കും, പ്രശസ്ത വനിതാ ശാസ്ത്രജ്ഞരുടെ പ്രഭാഷണങ്ങൾക്കും ഇത് സാക്ഷ്യം വഹിക്കും. ഐഎസ്‌സിക്കൊപ്പം മറ്റ് നിരവധി പരിപാടികളും സംഘടിപ്പിക്കും. കുട്ടികളിൽ ശാസ്ത്രാഭിരുചിയും സ്വഭാവവും ഉണർത്താൻ ‘കുട്ടികളുടെ ശാസ്ത്ര കോൺഗ്രസും’ സംഘടിപ്പിക്കും. ജൈവ സമ്പദ്‌വ്യവസ്ഥ മെച്ചപ്പെടുത്തുന്നതിനും, യുവാക്കളെ കാർഷിക മേഖലയിലേക്ക് ആകർഷിക്കുന്നതിനും ഫാർമേഴ്‌സ് സയൻസ് കോൺഗ്രസിനു
വേദിയൊരുക്കും.
കൂടാതെ, ആദിവാസി സ്ത്രീകളുടെ ശാക്തീകരണത്തിൽ ശ്രദ്ധ കേന്ദ്രീകരിക്കുന്നതിനൊപ്പം തദ്ദേശീയ പ്രാചീന വിജ്ഞാന സമ്പ്രദായത്തിന്റെയും ശാസ്ത്രീയ പ്രദർശനത്തിനുള്ള വേദി കൂടിയായ ‘ഗോത്ര ശാസ്ത്ര കോൺഗ്രസും’ നടക്കും. ഇന്ത്യൻ സയൻസ് കോൺഗ്രസ് ആദ്യമായി നടന്നത് 1914-ലാണ്. ഇന്ത്യൻ സയൻസ് കോൺഗ്രസ് അസോസിയേഷന്റെ (ISCA) വെബ്‌സൈറ്റ് പറയുന്നത്, ഇന്ത്യയിൽ ശാസ്ത്രത്തിന്റെ പുരോഗതിയും ഉന്നമനവും ലക്ഷ്യമിട്ടാണ് അസോസിയേഷൻ രൂപീകരിച്ചത്.
ബന്ധപ്പെട്ട വാർത്തകൾ: ബാങ്ക് അക്കൗണ്ട്, പാസ്‌പോർട്ട് പോലെ തന്നെ ആധാർ കാർഡും ശ്രദ്ധയോടെ ഉപയോഗിക്കുക: UIDAI