റെയിൽടെൽ കോർപ്പറേഷൻ ഓഫ് ഇന്ത്യ ലിമിറ്റഡിലെ വിവിധ തസ്തികകളിലെ ഒഴിവുകളിലേക്ക് അപേക്ഷകൾ ക്ഷണിച്ചു.
ഡെപ്യൂട്ടി മാനേജർ, മാനേജർ, സീനിയർ മാനേജർ എന്നീ തസ്തികകളിലായി റിപ്പോർട്ട് ചെയ്തിരിക്കുന്ന 69 ഒഴിവുകളിലേക്ക് നിശ്ചിത യോഗ്യതയുള്ള ഉദ്യോഗാർത്ഥികൾക്ക് ഇപ്പോൾ അപേക്ഷിക്കാം. യോഗ്യതയുള്ള ഉദ്യോഗാർത്ഥികൾക്ക് റെയിൽടെൽ ഇന്ത്യയുടെ വെബ്സൈറ്റായ railtelindia.com സന്ദർശിച്ച് അപേക്ഷ സമർപ്പിക്കാം. 69 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്.
സൈറ്റ് അഡ്മിനിസ്‌ട്രേറ്റർ, അധ്യാപകർ എന്നീ തസ്‌തികകളിൽ ഒഴിവുകൾ
അവസാന തീയതി
ഫെബ്രുവരി 23 ആണ് അപേക്ഷിക്കാനുള്ള അവസാന തീയതി.
ഓൺലൈൻ വഴിയല്ലാത്ത അപേക്ഷകൾ ഒരു കാരണവശാലും സ്വീകരിക്കില്ലെന്ന് റെയിൽടെൽ ഇന്ത്യ അറിയിച്ചിട്ടുണ്ട്.
ഒഴിവുകളുടെ വിശദാംശങ്ങൾ
ഡെപ്യൂട്ടി മാനേജർ- 52 ഒഴിവുകൾ
മാനേജർ- 10 ഒഴിവുകൾ
സീനിയർ മാനേജർ- 7 ഒഴിവുകൾ
എന്നിങ്ങനെ ആകെ 69 ഒഴിവുകളിലേക്ക് അപേക്ഷിക്കാം.
യു.പി.എസ്.സിയിലെ വിവിധ വകുപ്പുകളിലുള്ള 78 ഒഴിവുകളിലേയ്ക്ക് നിയമനം നടത്തുന്നു
യോഗ്യത
ഓരോ തസ്തികയിലേക്കും അപേക്ഷിക്കാൻ വേണ്ട വിദ്യാഭ്യാസ യോഗ്യതയും അപേക്ഷിക്കാനുള്ള ഉയർന്ന പ്രായപരിധിയും ഔദ്യോഗിക വെബ്സൈറ്റിൽ നൽകിയിട്ടുണ്ട്.
അപേക്ഷാ ഫീസ്
ജനറൽ വിഭാഗക്കാർക്ക് 1200 രൂപയാണ് അപേക്ഷാ ഫീസ്. പട്ടിക ജാതി, പട്ടിക വർഗം, ഭിന്നശേഷിക്കാർ എന്നിവർക്ക് 600 രൂപ അടച്ചാൽ മതിയാകും. ഓൺലൈൻ രജിസ്ട്രേഷൻ നടക്കുന്നതിനിടയിൽ ഫീസുമടയ്ക്കണം.
ഒരു ഉദ്യോഗാർത്ഥി ഒരു രജിസ്ട്രേഷനിൽ ഒരു തസ്തികയിലേക്ക് മാത്രമേ അപേക്ഷിക്കാൻ പാടുള്ളൂ. കൂടുതൽ തസ്തികയിലേക്ക് അപേക്ഷിക്കണമെങ്കിൽ അപേക്ഷ രണ്ടു തവണ പൂരിപ്പിച്ച് രണ്ടു തവണയും അപേക്ഷാ ഫീസ് അടയ്ക്കണം.