രാജ്യത്ത് ഭവന വായ്പകളുടെ പലിശ നിരക്ക് ഏറ്റവും കുറഞ്ഞ നിരക്കുകളിലാണിപ്പോൾ. വീട് എന്ന സ്വപ്നം സാക്ഷാത്കരിയ്ക്കാൻ ഹോം ലോൺ വേണ്ടി വരുന്നവര്‍ക്ക് ലോണുകളെ ആശ്രയിക്കാൻ പറ്റിയ സമയം തന്നെയാണിത്.
ഹോം ലോണിന് വിവിധ ബാങ്കുകൾ അധിക ഓഫറുകളും നൽകുന്നുണ്ട്. രാജ്യത്തെ ഏറ്റവും വലിയ പൊതുമേഖലാ ബാങ്കായ SBI ഭവന വായ്പകള്‍ക്ക് സിബില്‍ സ്‌ക്കോറിന്റെ അടിസ്ഥാനത്തില്‍ 30 basis point ഇളവ് ഉള്‍പ്പെടെ നിരവധി ആനുകൂല്യങ്ങള്‍ പ്രഖ്യാപിച്ചു.
30 ലക്ഷം രൂപ വരെയുള്ള വായ്പകള്‍ക്ക് 6.80 ശതമാനം മുതലും അതിനു മുകളിലുള്ളവയ്ക്ക് 6.95 ശതമാനം മുതലുമാണ് പലിശ നിരക്ക്.
ബാലന്‍സ് കൈമാറ്റം ചെയ്യുമ്പോഴും ഡിജിറ്റല്‍ രീതിയില്‍ വായ്പ എടുക്കുമ്പോഴും വനിതകള്‍ വായ്പ എടുക്കുമ്പോഴും അഞ്ച് ബേസിക്ക് പോയിൻറ് അധിക ഇളവു ലഭിക്കും.
എട്ടു മെട്രോ നഗരങ്ങളില്‍ അഞ്ചു കോടി രൂപ വരെ വായ്പ എടുക്കുമ്പോള്‍ 30 ബേസിക്ക് വരെ പോയിൻറ് വരെ പലിശ ഇളവു ലഭിക്കും. വായ്പ എടുക്കുന്നവര്‍ക്ക് 2021 മാര്‍ച്ച് വരെയാണ് ഇളവുകള്‍ നല്‍കുക.
യോനോ ആപിലൂടെ ഏതാനും എളുപ്പത്തിൽ മുന്‍കൂര്‍ അനുമതിയുള്ള ഭവന വായ്പാ ടോപ് അപുകള്‍ നേടാനുമാകും.