സ്റ്റാഫ് സെലക്ഷൻ നടത്തിയ എസ്.എസ്.സി എസ്.ഐ പോലീസ് പരീക്ഷയുടെ ഫിസിക്കൽ എൻഡ്യൂറൻസ് ടെസ്റ്റ്/ ഫിസിക്കൽ സ്റ്റാൻഡേർഡ് ടെസ്റ്റിന്റെ ഫലം പ്രസിദ്ധീകരിച്ചു. ടെസ്റ്റിൽ പങ്കെടുത്ത ഉദ്യോഗാർത്ഥികൾക്ക് എസ്.എസ്.സിയുടെ ഔദ്യോഗിക വെബ്സൈറ്റായ ssc.nic.in സന്ദർശിച്ച് ഫലം പരിശോധിക്കാം. യോഗ്യത നേടിയവർക്ക് പേപ്പർ 2 പരീക്ഷയുണ്ടായിരിക്കും.
2020 നവംബർ 23 മുതൽ നവംബർ 25 വരെയായിരുന്നു പേപ്പർ 1 പരീക്ഷ. ഇതിന്റെ ഫലം 2021 ഫെബ്രുവരി 26നും മാർച്ച് 30നും പ്രഖ്യാപിച്ചു. 28,227 ഉദ്യോഗാർത്ഥികളാണ് യോഗ്യത നേടിയത് (വനിതകൾ- 2242, പുരുഷൻമാർ- 25,985). ഇതിൽ 11,164 പേർ ഫിസിക്കൽ ടെസ്റ്റിൽ പങ്കെടുക്കാനെത്തി. 17,063 പേർ പങ്കെടുത്തില്ല. ഫിസിക്കൽ ടെസ്റ്റിൽ യോഗ്യത നേടിയത് 5572 പേരാണ്. ഇവർക്ക് രണ്ടാം പേപ്പർ എഴുതണം.
2021 നവംബർ 8നാണ് രണ്ടാം പേപ്പർ സംഘടിപ്പിക്കുന്നത്. യോഗ്യത നേടിയ ഉദ്യോഗാർത്ഥികൾക്ക് അഡ്മിഷൻ സർട്ടിഫിക്കറ്റുകൾ ലഭ്യമാക്കും.
ഡൽഹി പോലീസിൽ എസ്.ഐ, സി.എ.പി.എഫ്, സി.ആർ.പി.എഫ്, ബി.എസ്.എഫ്, സി.ഐ.എസ്.എഫ്, എസ്.എസ്.ബി, ഐ.ടി.ബി.പി എന്നീ സേനകളിലായി 1564 ഒഴിവുകളിലേക്കാണ് പരീക്ഷ നടത്തുന്നത്. വിശദ വിവരങ്ങൾക്ക് എസ്.എസ്.സിയുടെ ഔദ്യോഗിക വെബ്സൈറ്റ് സന്ദർശിക്കുക.
എച്ച്.പി.സി.എൽ ബയോഫ്യുവൽസ് ലിമിറ്റഡിലെ 255 വിവിധ തസ്തികകളിലേയ്ക്ക് നിയമനം നടത്തുന്നു
ഇന്ത്യൻ റെയർ എർത്ത് ലിമിറ്റഡിലെ ട്രെയിനികളുടെ ഒഴിവുകളിലേക്ക് അപേക്ഷകൾ ക്ഷണിച്ചു