മുടിയെ സംരക്ഷിക്കാൻ വീട്ടിൽ തന്നെ ഉണ്ടാക്കാം ഹെയർ സെറം

മുടി സംരക്ഷണം വളരെ കാര്യമായി തന്നെ ശ്രദ്ധിക്കേണ്ട കാര്യമാണ്. ഇല്ലെങ്കിൽ താരൻ, കൊഴിച്ചിൽ, മുടി പൊട്ടിപ്പോകുന്നത് എന്നിങ്ങനെയുള്ള പ്രശ്നങ്ങൾക്ക് വഴി വച്ചേക്കാം. മുടി സംരക്ഷിക്കാൻ ആവശ്യമുള്ള വസ്തുവാണ് ഹെയർ സിറം എന്നത്, ഇത് മുടിയുടെ ഫ്രിസ് കുറയ്ക്കാനും മോശമായ മുടിക്ക് തിളക്കം നൽകാനും, കേടുപാടുകൾ തടയാനും സഹായിക്കുന്നു.

കടകളിൽ നിന്ന് ഇത് വാങ്ങിക്കാൻ സാധിക്കും, എന്നാൽ ഫാർമസിയിലെ സെറം വിലയേറിയതായിരിക്കും, പക്ഷെ മോശപ്പെട്ട മുടിയെ ചികിത്സിക്കുന്നതിനായി വീട്ടിലുണ്ടാക്കിയതും പ്രകൃതിദത്തവുമായ സെറങ്ങൾ നിങ്ങൾക്ക് ഉണ്ടാക്കി എടുക്കാൻ സാധിക്കും. അവ ഗുണങ്ങൾ ഉള്ളത് എന്ന് മാത്രമല്ല അവയിൽ കെമിക്കൽസ് ഒന്നും തന്നെ അടങ്ങിയിട്ടുമില്ല.

കറ്റാർ വാഴ ഹെയർ സെറം

സജീവമായ ചേരുവകളും അവശ്യ ധാതുക്കളും അടങ്ങിയ കറ്റാർ വാഴ നിങ്ങളുടെ മുടിയെ ശക്തിപ്പെടുത്തുകയും അതിന് തിളക്കവും പോഷണവും നൽകുകയും ചെയ്യുന്നു. പുതിയ കറ്റാർ വാഴ ജെൽ എടുക്കുക. ഇതിലേക്ക് റോസ് വാട്ടർ, വിറ്റാമിൻ ഇ ഓയിൽ, വെളിച്ചെണ്ണ എന്നിവ ചേർത്ത് മിനുസമാർന്നതുവരെ ഇളക്കുക. മിശ്രിതം ഒരു ബോട്ടിലിലേക്ക് ഒഴിക്കുക, അത് നന്നായി ഇളക്കി എടുത്ത് ആവശ്യാനുസരണം ഉപയോഗിക്കാവുന്നതാണ്.

ജോജോബ ഓയിൽ, മുന്തിരി വിത്ത് അവശ്യ എണ്ണ ഹെയർ സെറം

ജോജോബ ഓയിൽ മുടി സംരക്ഷണത്തിനും വളർച്ചയ്ക്കും മികച്ചതാണ്, അതേസമയം മുന്തിരി വിത്തിൻ്റെ എണ്ണ മുടിയുടെ ഇഴകളിലേക്ക് കയറുകയും നിങ്ങളുടെ ഇഴകളെ പോഷിപ്പിക്കുകയും ചെയ്യുന്നു. ഈ ഹെയർ സെറം തലയോട്ടിയെ തിളക്കമുള്ളതും പോഷകമുള്ളതും ആക്കും. ജൊജോബ ഓയിലും മുന്തിരി വിത്ത് എണ്ണയും മിക്സ് ചെയ്യുക, അതിൽ അല്പം പെപ്പർമിൻ്റ് ഓയിൽ ചേർത്ത് വീണ്ടും ഇളക്കുക. ഒരു ചെറിയ കുപ്പിയിൽ ഒഴിച്ച് മുടിയിൽ മസാജ് ചെയ്യുക, ഇത് ഫ്രിസ് കുറയ്ക്കാൻ സഹായിക്കും.

ലാവെൻഡറും റോസ് വാട്ടർ ഹെയർ സെറവും

ഈ ഹെയർ സെറത്തിന് ശാന്തവും സൗമ്യവുമായ സുഗന്ധമുണ്ട്, മാത്രമല്ല തലയോട്ടിയിൽ അധിക എണ്ണ ഉൽപാദനം തടയുകയും അതിന്റെ തിളക്കം നിലനിർത്തുകയും ചെയ്യും. ആവണക്കെണ്ണ, ജോജോബ ഓയിൽ, ഏതാനും തുള്ളി റോസ് വാട്ടർ എന്നിവ ഒരുമിച്ച് ഇളക്കുക. ലാവെൻഡർ എസൻഷ്യൽ ഓയിലിൻ്റെ ഏതാനും തുള്ളി ചേർത്ത് എല്ലാം നന്നായി ഇളക്കുക. ഒരു സ്പ്രേ ബോട്ടിലിലേക്ക് ഒഴിക്കുക, 24 മണിക്കൂർ ഫ്രിഡ്ജിൽ വയ്ക്കുക, ആവശ്യാനുസരണം ഇത് നിങ്ങൾക്ക് ഉപയോഗിക്കുക. ഇത് മുടിക്ക് നല്ല തിളക്കം നൽകുന്നതിനും സഹായിക്കുന്നു.

അർഗൻ, അവോക്കാഡോ ഓയിൽ ഹെയർ സെറം

പ്രകൃതിദത്ത എണ്ണകളുടെ മിശ്രിതം തലയോട്ടിയിലെ പ്രശ്നങ്ങൾ പരിഹരിക്കുകയും മുടി വളർച്ച വർദ്ധിപ്പിക്കുകയും നിങ്ങളുടെ മുടി ആരോഗ്യകരവും സിൽക്കിയും തിളക്കവുമുള്ളതാക്കുകയും ചെയ്യും. അർഗൻ ഓയിൽ, അവോക്കാഡോ ഓയിൽ, ജൊജോബ ഓയിൽ, ഗ്രേപ് സീഡ് ഓയിൽ എന്നിവ യോജിപ്പിച്ച് ഒരു ഗ്ലാസ് ബോട്ടിലിലേക്ക് ഒഴിക്കുക. കുളിക്കുന്നതിന് മുമ്പോ ശേഷമോ നിങ്ങൾക്ക് ഇത് ഉപയോഗിക്കാം.

ജോജോബ ഓയിലും സോയ ഓയിലും ഹെയർ സെറം

നിങ്ങളുടെ മുടി സ്ട്രെയിറ്റ് ചെയ്യുന്നതിന് മുമ്പ് ഈ ഹെയർ സെറം ഉപയോഗിക്കാൻ അനുയോജ്യമാണ്.
ഇത് നിങ്ങളുടെ മുടിയെ മിനുസമുള്ളതും സിൽക്കിയും ആക്കുന്നു, അതേസമയം ചൂടിൽ നിന്ന് അവയെ സംരക്ഷിക്കുന്നു. ജൊജോബ ഓയിൽ, സോയാ ഓയിൽ, വെളിച്ചെണ്ണ, ഒലിവ് ഓയിൽ എന്നിവ യോജിപ്പിച്ച് ഒരു ഗ്ലാസ് ബോട്ടിലിലേക്ക് ഒഴിക്കുക. നനഞ്ഞ മുടിയിൽ കുറച്ച് എടുത്ത് മസാജ് ചെയ്യുക. എല്ലാ ഭാഗത്തേക്കും ഇത് എത്തിയിട്ടുണ്ട് എന്ന് ഉറപ്പ് വരുത്തുക.

Hair care is critical. If not, it can lead to problems like dandruff, hair loss, and hair breakage. Hair serum is a must-have product to protect hair, it helps reduce frizz, add shine to dull hair and prevent damage.

It can be bought from stores, but drugstore serums can be expensive, but you can make homemade and natural serums to treat damaged hair. Not only are they beneficial, they also contain no chemicals.

ബന്ധപ്പെട്ട വാർത്തകൾ:ഇടുപ്പിലെ കൊഴുപ്പിനെ ഇല്ലാതാക്കാൻ ഇക്കാര്യങ്ങൾ ശ്രദ്ധിക്കാം