വിറ്റാമിൻ ഡിയുടെ കുറവ് ആരോഗ്യത്തെ ഒന്നിലധികം തരത്തിൽ ബാധിക്കുന്നു. ഈ വിറ്റാമിൻ കുറവിന്റെ ലക്ഷണങ്ങൾ അറിഞ്ഞിരിക്കേണ്ടത് അനിവാര്യമാണ്. ശരീരത്തിലുണ്ടാവുന്ന വിറ്റാമിന്റെ കുറവുകൾ, ഒരു വ്യക്തിയുടെ ആന്തരിക ആരോഗ്യത്തിന്റെ പലപ്പോഴും അവഗണിക്കപ്പെടുന്ന വശങ്ങളിലേക്ക് വെളിച്ചം വീശുന്നതിന് വളരെ നിർണായകമാണ്. ശരീരത്തിലുണ്ടാവുന്ന പല ലക്ഷണങ്ങളും ചിലപ്പോൾ വിറ്റാമിൻ ഡിയുടെ കുറവിന്റെ ലക്ഷണങ്ങളാകാം. ഇത് മനസിലാക്കേണ്ടത് വളരെ പ്രധാനമാണ്. വിറ്റാമിൻ ഡിയെ, സൺഷൈൻ വിറ്റാമിൻ എന്ന് വിളിക്കുന്നു, ഇതിനു കാരണം, ഇത് ചർമ്മത്തിൽ സൂര്യപ്രകാശം ഏൽക്കുമ്പോൾ, അത് ശരീരത്തിൽ കൊളസ്ട്രോൾ ഉണ്ടാക്കുന്നു.
ലോകമെമ്പാടുമുള്ള ഏറ്റവും സാധാരണമായ പോഷകാഹാര കുറവുകളിലൊന്നാണ് വിറ്റാമിൻ ഡിയുടെ കുറവ് എന്ന് പോഷകാഹാര വിദഗ്ധർ അഭിപ്രായപ്പെടുന്നു. വിറ്റാമിൻ ഡിയുടെ കുറവ് സാധാരണയായി രക്തത്തിന്റെ അളവ് 20 ng/mL-ൽ താഴെയുള്ളതായി നിർവചിക്കപ്പെടുന്നു, അതേസമയം 21-29 ng/mL വരെയുള്ള അളവ് അപര്യാപ്തമായി കണക്കാക്കപ്പെടുന്നു. വിറ്റാമിൻ ഡിയുടെ കുറവ് പരിഹരിക്കുന്നത് ശരീരത്തിന്, വളരെയധികം നേട്ടങ്ങൾ കൈവരിക്കാൻ സാധിക്കും. ഇതിനായി, ആളുകൾ പതിവായി പരിശോധന നടത്തുകയും വിറ്റാമിൻ ഡി അടങ്ങിയ ഭക്ഷണങ്ങളായ മുട്ടയുടെ മഞ്ഞക്കരു, കൂൺ, സാൽമൺ കഴിക്കുകയും വേണം. ഈ ഭക്ഷണങ്ങൾ കഴിക്കുന്നത് ശരീരത്തിലെ വിറ്റാമിൻ ഡിയുടെ അളവ് വർദ്ധിപ്പിക്കാൻ സഹായിക്കും.
വിറ്റാമിൻ ഡിയുടെ കുറവിന്റെ ലക്ഷണങ്ങൾ
1. വിട്ടുമാറാത്ത ക്ഷീണം
2. വിഷാദരോഗം
3. അസ്ഥികളുടെ സാന്ദ്രത കുറയുന്നു
5. ഇടയ്ക്കിടെയുള്ള അസുഖവും അണുബാധയും
6. മുറിവ് ഉണങ്ങാൻ സമയമെടുക്കുന്നു
7. IBS പോലുള്ള കുടൽ പ്രശ്നങ്ങൾ
8. സന്ധി വേദന
9. ശരീരഭാരം കൂടുന്നു
വിറ്റാമിൻ ഡി അടങ്ങിയ ഭക്ഷണങ്ങൾ
സാൽമൺ, മുട്ടയുടെ മഞ്ഞക്കരു, മത്തി, കൂൺ, പശുവിൻ പാൽ, ഓറഞ്ച് ജ്യൂസ്, ധാന്യങ്ങൾ, ഓട്സ് തുടങ്ങിയ ഭക്ഷണങ്ങളിൽ എല്ലാം തന്നെ വിറ്റാമിൻ ഡി ധാരാളം അടങ്ങിയിട്ടുണ്ട്. ഈ ഭക്ഷണങ്ങൾ കഴിക്കുന്നത് ശരീരത്തിലെ വിറ്റാമിൻ ഡിയുടെ അളവ് വർദ്ധിപ്പിക്കാൻ സഹായിക്കും.
ബന്ധപ്പെട്ട വാർത്തകൾ: പനീർ കഴിക്കാം, രോഗ പ്രതിരോധശേഷി വർധിപ്പിക്കുന്നു!
Pic Courtesy: Pexels.com
Share your comments