സുവർണ പുഷ്പ കൃഷി

Saturday, 07 April 2018 03:52 PM By KJ KERALA STAFF
പുഷ്പ കൃഷിയിൽ പുതുമ തേടുന്നവർക്ക് അനുയോജ്യമാണ് സ്ട്രോഫ്ലവർ അഥവാ സുവർണ പുഷ്പ കൃഷി. സ്ട്രോഫ്ളവർ എന്ന പേരിലറിയപ്പെടുന്ന സുവർണ പുഷ്പം ഉഷ്ണമേഖലാ പ്രദേശങ്ങളിൽ നന്നായി വളരുന്ന പൂച്ചെടിയാണ് .ഓസ്ട്രേലിയൻ സ്വദേശിയാണ് ഈ പൂച്ചെടി.  തീരെ കനംകുറഞ്ഞ പേപ്പർ പോലുള്ളതാണ് ഇതിന്‍റെ ഇതളുകൾ. അതുകൊണ്ടാണ് ഇതിന് സ്ട്രോഫ്ളവർ എന്നും പേപ്പർ ഡെയ്സി എന്നും പേരുള്ളത്. പരമാവധി മൂന്നു മീറ്റർ വരെ ഉയരത്തിൽ വളരുന്ന സ്ട്രോഫ്ളവർ ചെടി വാർഷിക പുഷ്പിണിയാണ് . സ്വർണ നിറമുള്ള പൂത്തലപ്പുകളാണ് സുവർണ പുഷ്പത്തിന് ആ പേരുവരാൻ കാരണം. 
 
സാധാരണഗതിയിൽ 20 മുതൽ 80 സെന്‍റീ മീറ്റർ വരെയാണ് ചെടി ഉയരം വക്കുക പതിവ്. മൃദുരോമങ്ങൾ നിറഞ്ഞ തണ്ടിന് പച്ചനിറമാണ്. വളരുന്ന തണ്ടിന്‍റെ അഗ്രഭാഗത്തായി ഏഴു സെന്‍റീ മീറ്റർ വരെ വ്യാസത്തിലാണ് പൂത്തലപ്പുകൾ വിടരുക. ഡിസംബർ മുതൽ മാർച്ച് വരെയാണ് സ്ട്രോ ഫ്ളവറിന്‍റെ പൂവിടൽ കാലം.

swarnaapushppam

പൂവിതളുകൾ (ബ്രാക്റ്റ്)കടലാസുപോലെ നേർത്തതും ഉണങ്ങിയതും തീരെ കുറച്ചു മാത്രം ജലാംശം അടങ്ങിയതുമാണ്. ഇലകൾക്കു തന്നെ രൂപാന്തരം പ്രാപിച്ച് പൂവിതൾ പോലെ ആയ പൂക്കളുടെ സാന്നിധ്യം സൂചിപ്പിക്കുന്നു. പൂത്തലപ്പിലെ ഇതളുകളാണ് ഈ ബ്രാക്റ്റുകൾ.സ്വർണ്ണ മഞ്ഞനിറം  കൂടാതെ പൂത്തലപ്പിന്  പിങ്ക്, വെങ്കലനിറം, ക്രീം, പർപ്പിൾ, വെള്ള എന്നീ നിറങ്ങളും കണ്ടുവരുന്നു. വേനൻ മൂക്കുമ്പോഴാണ് ചെടി നിറയെ പൂവിടുന്നത്. വിത്തു പാകി തൈകൾ മുളപ്പിച്ചാണ് ചെടി വളർത്തുക. 8 മുതൽ 10 ഇഞ്ച് വരെ ആഴത്തിൽ മണ്ണ് കിളച്ചിളക്കി പരുവപ്പെടുത്തി ജൈവവളം അടിവളമായി ചേർത്ത് മണ്‍ നിരപ്പിൽ വിത്തുവിതറുന്നു.
 
നേരിയ തോതിൽ നനച്ചുകൊടുക്കാനും ശ്രദ്ധിക്കണം. തൈകൾ മുളച്ച് 2-3 ഇഞ്ച് വളർന്നു കഴിയുന്പോൾ 10-12 ഇഞ്ച് ഇടയകലം ലഭിക്കത്തക്കവിധം നടുക. പോട്ടിംഗ് മിശ്രിതം നിറച്ച പ്രോട്രേകളിൽ വിത്തുപാകി മുളപ്പിക്കാം. തൈകൾ വളരുന്നതനുസരിച്ച് കുറേശെ ജൈവവളം ചേർത്താൽ ചെടികൾക്ക് നന്നായി വളരും.
 
വെട്ടുപൂക്കളായും ഡ്രൈഫ്ളവറായും ഒരുപോലെ ഉപയോഗിക്കാവുന്നതാണ് സുവർണ പുഷ്പം. വീടുകളിൽ അലങ്കാരത്തിനും ഈ പുഷ്പം ഉത്തമമാണ്. കോട്ടേജ് ബ്രോണ്‍സ്, കോട്ടേജ് പിങ്ക്, കോട്ടേജ് വൈറ്റ്, കോട്ടേജ് യെല്ലോ തുടങ്ങിയവയാണ് മറ്റ് സുവർണ പുഷ്പങ്ങൾ. പൂക്കളുടെ സവിശേഷമായ സുഗന്ധമാണ് ഇവയുടെ മറ്റൊരു പ്രത്യേകത. ഇതിൽ നിന്ന് വേർതിരിക്കുന്ന സുഗന്ധതൈലം ത്വക്ക് സംരക്ഷണത്തിനു പുറമേ സുഗന്ധതൈല ചികിത്സയിലും (അരോമ തെറാപ്പി) വ്യാപകമായി ഉപയോഗപ്പെടുത്തുന്നു.

Comments



More from Flowers

ബൊഗേൻ വില്ല പൂന്തോട്ടത്തിലെ റാണി

ബൊഗേൻ  വില്ല പൂന്തോട്ടത്തിലെ റാണി എക്കാലത്തും പൂന്തോട്ടത്തിലെ സ്ഥിരം സാന്നിധ്യമായ ബൊഗേൻ വില്ല പരിചയമില്ലാത്തവർ കുറവായിരിക്കും. പേരുകേൾക്കുമ്പോൾ ഏതോ വിലകൂടിയ മറുനാടൻ പൂച്ചെടിയാണെന്നു പലർക്കും തോന്നാം എന്നാൽ ഇത് നമ്മുടെ നാട്ടിൻപുറങ്ങളിലെ വേലിയ…

December 13, 2018

കുറ്റിമുല്ല കൃഷിചെയ്യാം

 കുറ്റിമുല്ല കൃഷിചെയ്യാം കുറച്ചു ശ്രദ്ധയോടെ പരിപാലിച്ചാൽ എല്ലാകാലത്തും നല്ലവരുമാനം ലഭിക്കാവുന്ന കൃഷിയാണ് കുറ്റിമുല്ലക്കൃഷി. സൂര്യപ്രകാശം നന്നായി ലഭിക്കുന്ന തുറസ്സായ സ്ഥലമാണ് കൃഷിക്കായി തിരഞ്ഞെടുക്കേണ്ടത് .കേരളത്തിലെ ഏതുകാലാവസ്ഥയിലും കു…

November 01, 2018

ആദായപ്പൂക്കള്‍

ആദായപ്പൂക്കള്‍ നീളന്‍ പൂത്തണ്ടിന്റെ അറ്റത്ത് വിവിധ വര്‍ണങ്ങളില്‍ നിറയെ ഇതളുകളുമായി ഉദയസൂര്യനെപ്പോലെ വിടര്‍ന്നു നില്‍ക്കുന്ന ജര്‍ബറ പൂക്കള്‍ നിഷ്‌കളങ്കതയുടെയും പരിശുദ്ധിയുടെയും പ്രതീകമാണ്.

October 23, 2018


FARM TIPS

വെള്ളീച്ചയെ തടയാം

December 12, 2018

വേനല്‍ക്കാലങ്ങളില്‍ വിളകളുടെ ഇലകളില്‍ ബാധിച്ച് നീരൂറ്റിക്കുടിക്കുന്ന കീടമാണ്‌ വെള്ളീച്ച. ആദ്യകാലങ്ങളില്‍ ഇവ പപ്പായയിലും മരച്ചീനിയിലും മാത്രമാണ് കണ്ടുവ…

സുഗന്ധവ്യഞ്ജനങ്ങൾക്കൊണ്ട് ജൈവകീടനാശിനികള്‍

November 29, 2018

ഗ്രോബാഗിലോ മട്ടുപ്പാവിലോ വീട്ടവശ്യത്തിനു കുറച്ചു മാത്രം ജൈവ കൃഷി ചെയ്യുന്നവരെ പലപ്പോഴും വലയ്ക്കുന്ന ഒന്നാണ് ജൈവകീടനാശിനികളുടെ ചേരുവകൾ. ജൈവകീടനാശിനികള…

കൃഷിയറിവ്‌

November 21, 2018

തക്കാളിച്ചെടികളെ ആക്രമിക്കുന്ന വെള്ളീച്ചയെ തടയാന്‍ പാത്രം കഴുകുന്ന ഡിഷ് വാഷ് ലായനി ഇലകളുടെ അടിവശം തളിക്കുന്നത് നല്ല ഫലം ലഭിക്കും.






CopyRight - 2018 Krishi Jagran Media Group. All Rights Reserved.