Corona Health Insurance: ഇൻഷുറൻസ് പദ്ധതികളുടെ അവസാന തീയതി നീട്ടി, കൊറോണ കവച്, കൊറോണ രക്ഷക് പോളിസികളിൽ ഏതാണ് മികച്ചത്?

കൊറോണ ഹെൽത്ത് ഇൻഷുറൻസ്: ആഗോളതലത്തിൽ സാമൂഹികമായും സാമ്പത്തികമായും ആഘാതം സൃഷ്ടിച്ച മഹാമാരിയായിരുന്നു കോവിഡ്. എന്നാൽ സാമ്പത്തികമായി ഭദ്രത നൽകുക എന്ന ലക്ഷ്യത്തോടെ, കൊറോണ വൈറസിന്റെ റിസ്‌ക് കവര്‍ ചെയ്യുന്ന രണ്ട് പോളിസികളാണ് കൊറോണ കവച്, കൊറോണ രക്ഷക്. ഹ്രസ്വകാല ആരോഗ്യ ഇൻഷുറൻസ് പോളിസികളാണ് ഇവ എന്നതാണ് ഏറ്റവും വലിയ പ്രത്യേകത.

ബന്ധപ്പെട്ട വാർത്തകൾ: LIC ജീവന്‍ ലാഭ് പോളിസി: 262 രൂപ മാറ്റി വയ്ക്കൂ, 20 ലക്ഷം രൂപ കൈയിലെത്തും

ഈ രണ്ട് ഇൻഷുറൻസ് പോളിസികളും നാമമാത്രമായ പ്രീമിയത്തിൽ സ്റ്റാൻഡേർഡ് കവറേജ് ആനുകൂല്യങ്ങൾ നൽകുന്നതിനാണ് രൂപകൽപ്പന ചെയ്തിരിക്കുന്നത്. ഇപ്പോഴിതാ, കൊറോണ കവച്, കൊറോണ രക്ഷക് പോളിസിയിൽ അംഗമായിട്ടുള്ളവർ അറിഞ്ഞിരിക്കേണ്ട പ്രധാനപ്പെട്ട നിർദേശമാണ് ഇവിടെ പങ്കുവക്കുന്നത്.
അതായത്, ഇൻഷുറൻസ് റെഗുലേറ്റർ ഐആർഡിഎ ഈ രണ്ട് പോളിസികളുടെയും വിൽപ്പനയ്ക്കും പുതുക്കുന്നതിനുമുള്ള തീയതി നീട്ടിയിരിക്കുകയാണ്.

പുതുക്കിയ തീയതി

2022 സെപ്തംബർ 30 വരെ പോളിസികൾ വാങ്ങുകയോ പുതുക്കുകയോ ചെയ്യാം. അതായത്, കോവിഡ് ചികിത്സക്കും മറ്റും നിങ്ങളിൽ നിന്ന് ഭീമമായ തുക ഈടാക്കാനുള്ള സാഹചര്യം ഒഴിവാക്കി, ചികിത്സയുമായി ബന്ധപ്പെട്ട ചെലവുകൾ വഹിക്കാൻ നിങ്ങൾക്ക് മതിയായ കവറേജ് ഉണ്ടാക്കുക എന്നതാണ് കൊറോണ കവച്, കൊറോണ രക്ഷക് പോളിസിയിലൂടെ ഉദ്ദേശിക്കുന്നത്.

ബന്ധപ്പെട്ട വാർത്തകൾ: LIC Scheme: 28 ലക്ഷം രൂപ ലഭിച്ച് ഭാവി സുരക്ഷിതമാക്കുന്നതിന് ജീവൻ പ്രഗതി പോളിസി; വിശദാംശങ്ങൾ

കോവിഡ് ബാധയുണ്ടായാൽ ചികിത്സയ്ക്കായി ലക്ഷക്കണക്കിന് രൂപ ചിലവഴിക്കേണ്ടി വരുമെന്നതിനാൽ നിങ്ങളുടെ സാമ്പത്തിക പദ്ധതികൾ താളംതെറ്റാം. ഇത്തരമൊരു സാഹചര്യത്തിൽ, കൊറോണ ചികിത്സയുമായി ബന്ധപ്പെട്ട ചെലവുകൾ വഹിക്കാൻ നിങ്ങൾക്ക് മതിയായ കവറേജ് ഉണ്ടായിരിക്കേണ്ടത് പ്രധാനമാണ്.

കൊറോണ കവച്- കൊറോണ രക്ഷക്: വ്യത്യാസവും സവിശേഷതകളും

കൊറോണ കവച് പോളിസികൾ ജനറൽ അല്ലെങ്കിൽ ഹെൽത്ത് ഇൻഷുറൻസ് കമ്പനികൾക്ക് മാത്രമേ വാഗ്ദാനം ചെയ്യാൻ കഴിയൂ, അതേസമയം ലൈഫ് ഇൻഷുറൻസ് കമ്പനികൾ ഉൾപ്പെടെ എല്ലാ ഇൻഷുറൻസ് കമ്പനികളിൽ നിന്നും കൊറോണ രക്ഷക് പോളിസിയുടെ സേവനം ലഭിക്കുന്നതാണ്.
18-65 വയസ് പ്രായമുള്ള ആളുകൾക്ക് ഈ പോളിസി വാങ്ങാം. ഒരു ദിവസം പ്രായമുള്ള കുഞ്ഞ് മുതൽ 25 വയസ്സ് വരെയുള്ളവർക്കായി രക്ഷിതാക്കൾക്ക് ഈ പോളിസി വാങ്ങാം.
കൊറോണ കവചിന് കീഴിൽ, 50,000 മുതൽ 5 ലക്ഷം രൂപയുടെ പരിരക്ഷ ലഭ്യമാണ്. അതേസമയം കൊറോണ പ്രൊട്ടക്ടർ പോളിസി പ്രകാരം നിങ്ങൾക്ക് 50,000 മുതൽ 2.5 ലക്ഷം രൂപയുടെ കവറേജ് പ്ലാൻ തിരഞ്ഞെടുക്കാം.

പോളിസിയുടെ കാലാവധി

രണ്ട് പ്ലാനുകളും മൂന്നര വർഷം, ആറര വർഷം, ഒമ്പതര വർഷം എന്നീ കാലാവധികളിൽ ലഭ്യമാണ്. ഈ കാലയളവിൽ 15 ദിവസത്തെ കാത്തിരിപ്പ് കാലയളവും ഉൾപ്പെടുന്നു. കൊറോണ കവചിന് കീഴിൽ, കുറഞ്ഞത് 24 മണിക്കൂർ ആശുപത്രിയിൽ പ്രവേശിപ്പിക്കുന്നതിന് ആനുകൂല്യങ്ങൾ ലഭ്യമാകും. അതേസമയം കൊറോണ രക്ഷക് പോളിസിക്ക് കീഴിൽ, പോളിസി ആനുകൂല്യങ്ങൾ ലഭിക്കണമെങ്കിൽ കുറഞ്ഞത് 72 മണിക്കൂർ ആശുപത്രിവാസം ഉണ്ടായിരിക്കണം.

• കൊറോണ കവച്

കൊറോണ കവച് പോളിസി നഷ്ടപരിഹാരം അടിസ്ഥാനമാക്കിയുള്ള പദ്ധതിയാണ്. അതായത്, ആശുപത്രി ബില്ലിന്റെ അടിസ്ഥാനത്തിൽ ക്ലെയിം അടയ്ക്കപ്പെടും. കൊറോണ കവച് പോളിസിക്ക് കീഴിൽ, മൊത്തം തുകയിൽ നിന്നും 0.5 ശതമാനം ദിവസേനയുള്ള ഹോസ്പിറ്റൽ ക്യാഷ് കവറായി ലഭിക്കും. കൂടാതെ, പോളിസി സമയത്ത് പരമാവധി 15 ദിവസത്തേക്ക് സാധുതയുള്ളതാണ് കൊറോണ കവച്.

• കൊറോണ രക്ഷക്

എന്നാൽ, കൊറോണ രക്ഷക് പോളിസി ഒരു ആനുകൂല്യ പദ്ധതിയാണ്. അതായത് കൊറോണ ബാധിതരായി ചികിത്സ തേടുകയാണെങ്കിൽ ഒരു നിശ്ചിത തുക നൽകുന്നു. എന്നാൽ കവചിലുള്ള പോലെ 15 ദിവസത്തേക്കുള്ള സാധുത ഇത്തരം ആനുകൂല്യങ്ങളിൽ ലഭിക്കില്ല.

ബന്ധപ്പെട്ട വാർത്തകൾ: PPF അക്കൗണ്ട്: പ്രതിമാസം 500 രൂപയ്ക്ക് 15 ലക്ഷം രൂപ നിങ്ങൾക്ക് ലഭിക്കും