സംസ്ഥാനത്തെ പൗള്‍ട്രി ഹാച്ചറികള്‍ പുനരുദ്ധരിക്കും: മന്ത്രി തോമസ് ഐസക്ക്

Wednesday, 15 November 2017 02:58 PM By KJ KERALA STAFF

അനുഭവങ്ങളില്‍ നിന്നും പാഠം ഉള്‍ക്കൊണ്ട് നവീകരിച്ച് പുനരാരംഭിക്കാന്‍ കഴിഞ്ഞു എന്നതാണ് തൃശൂര്‍ ജില്ലാ പഞ്ചായത്തിന്റെ പൗള്‍ട്രി ഹാച്ചറിയെ വ്യത്യസ്തമാക്കുന്നതെന്നും സംസ്ഥാനമൊട്ടാകെ മുടങ്ങികിടക്കുന്ന പൗള്‍ട്രി ഹാച്ചറികള്‍ പുനരുദ്ധരിക്കാനുളള ശ്രമത്തിലാണ് സംസ്ഥാന സര്‍ക്കാരെന്നും ധനമന്ത്രി തോമസ് ഐസ്‌ക്ക് പറഞ്ഞു. തൃശൂര്‍ ജില്ലാ പഞ്ചായത്തും മൃഗസംരക്ഷണ വകുപ്പും ചേര്‍ന്ന് നവീകരിച്ച ഒല്ലൂരിലെ പൗള്‍ട്രി ഹാച്ചറി നാടിന് പുനര്‍സമര്‍പ്പിച്ച് സംസാരിക്കുകയായിരുന്നു അദ്ദേഹം. 1998 ല്‍ ആരംഭിച്ച പൗള്‍ട്രി ഹാച്ചറി ഇടക്കാലത്ത് മുടങ്ങിപ്പോയത് നിര്‍വ്വഹണ ഏജന്‍സിയുടെ അഭാവമൂലമാണെന്ന യാഥാര്‍ത്ഥ്യം തിരിച്ചറിഞ്ഞ്, ഇപ്പോള്‍ സുതാര്യമായ രീതിയില്‍ എനിമല്‍ ഹസ്ബന്ററി എംപ്ലോയീസ് വെല്‍ഫെയര്‍ കോഓപ്പറേറ്റീവ് സൊസൈറ്റിക്ക് നടത്തിപ്പ് ചുമതല നല്‍കിയ നടപടിയെ ധനമന്ത്രി അഭിനന്ദിച്ചു.

കോഴികുഞ്ഞുങ്ങള്‍ക്ക് കേരളത്തില്‍ വിപണിയുണ്ടെന്നും കോഴിയിറച്ചിയുടെയും മുട്ടയുടെയും കാര്യത്തില്‍ സംസ്ഥാനം സ്വയംപര്യാപ്തത നേടണമെന്നാണ് സര്‍ക്കാരിന്റെ ആഗ്രഹമെന്നും മന്ത്രി തോമസ് ഐസക്ക് വ്യക്തമാക്കി. ഹാച്ചറികളുടെ അപര്യാപതത പരിഹരിക്കാനുളള നടപടികളുമായാണ് സര്‍ക്കാര്‍ മുന്നോട്ട് പോകുന്നത്. ഒരു കാലത്ത് അന്യനാടുകളിലേക്ക് വരെ കോഴിമുട്ട വിറ്റവരാണ് കേരളീയര്‍. ഇപ്പോള്‍ നമ്മുടെ ഭക്ഷണത്തില്‍ ഇറച്ചിയും മുട്ടയും വ്യാപകമായി. എന്നാല്‍ പരമ്പരാഗത കോഴി വളര്‍ത്തല്‍ നമുക്കിടയില്‍ ഇല്ലാത്തായി, ഇത് മാറ്റാനാണ് സര്‍ക്കാര്‍ ശ്രമിക്കുന്നത്. ഈ സാഹചര്യത്തില്‍ തൃശൂര്‍ ജില്ലാ പഞ്ചായത്തിന്റെ നടപടി തികച്ചും മാതൃകാപരമാണെന്ന് ധനമന്ത്രി തോമസ് ഐസക്ക് പറഞ്ഞു. ജില്ലാ പഞ്ചായത്ത് പ്രസിഡണ്ട് ഷീല വിജയകുമാര്‍ അദ്ധ്യക്ഷത വഹിച്ചു. ഒരു വര്‍ഷം കൊണ്ട് ഹാച്ചറി വഴി 65 ലക്ഷം കോഴികുഞ്ഞുങ്ങളെ നല്‍കാനാണ് ജില്ലാ പഞ്ചായത്ത് ലക്ഷ്യമിടുന്നതെന്ന് അവര്‍ പറഞ്ഞു. നിര്‍വ്വഹണ ഏജന്‍സിക്ക് പുറമേ ഹാച്ചറിയുടെ പ്രവര്‍ത്തനം വിലയിരുത്താന്‍ ഒരു ഗവേണിംഗ് ബോഡി കൂടെ രൂപീകരിച്ച് മുന്നോട്ട് പോവുകയാണ് ലക്ഷ്യം.

കോഴികുഞ്ഞുങ്ങളെ വളര്‍ത്താന്‍ ആയിരം കുടുംബശ്രീ യൂണിറ്റുകള്‍ തയ്യാറാക്കി കഴിഞ്ഞു. ജില്ലാ പഞ്ചായത്തും മൃഗസംരക്ഷണ വകുപ്പും ഒത്തൊരുമിച്ച് പ്രവര്‍ത്തിച്ചതിതിനാലാണ് ഹാച്ചറിയുടെ പ്രവര്‍ത്തനം പുനരാരംഭിക്കാന്‍ കഴിഞ്ഞത്. ജില്ലാ പഞ്ചായത്ത് പ്രസിഡണ്ട് ഷീല വിജയകുമാര്‍ വ്യക്തമാക്കി. നിര്‍വ്വഹണ ഉദ്യോഗസ്ഥര്‍ അവരവരുടെ കടമ നിര്‍വഹിക്കാത്തത് പദ്ധതികള്‍ വൈകാന്‍ കാരണമാകുന്നുണ്ടെന്നും വെളളാങ്കല്ലൂര്‍ അറവ് ശാല സമയബന്ധിതമായി നാടിന് സമര്‍പ്പിക്കാന്‍ കഴിയാത്തത് അത്തരം പ്രശ്‌നങ്ങള്‍ മൂലമാണെന്നും അവര്‍ പറഞ്ഞു. പൗള്‍ട്രി ഹാച്ചറിയുടെ നവീകരണത്തിന് മുന്‍കൈയ്യെടുത്ത മൃഗസംരക്ഷണ ഉദ്യോഗസ്ഥരെ ജില്ലാ പഞ്ചായത്ത് പ്രസിഡണ്ട് ഷീല വിജയകുമാര്‍ അഭിനന്ദിച്ചു.

ഹാച്ചറിയുടെ സ്വിച്ച് ഓണ്‍ കര്‍മ്മം അഡ്വ.കെ.രാജന്‍ എം.എല്‍.എ നിര്‍വഹിച്ചു. മേയര്‍ അജിത ജയരാജന്‍, ജില്ലാ കളക്ടര്‍ ഡോ.എ.കൗശിഗന്‍, ജില്ലാ പഞ്ചായത്ത് സ്ഥിരം സമിതി ഭാരവാഹികളായ കെ.ഡിക്‌സണ്‍ എം.പത്മിനി ടീച്ചര്‍, അംഗങ്ങളായ മേരി തോമസ്, സി ജി സിനി, സിജി മോഹന്‍ദാസ്, സെക്രട്ടറി ടി എസ് മജീദ്, ജില്ലാ മൃഗസംരക്ഷണ ഓഫീസര്‍ ഡോ. എ എസ് വിജയകുമാര്‍, ചീഫ് വെറ്റിനറി ഓഫീസര്‍ ഡോ. എം കെ പ്രദീപ് കുമാര്‍, കുടുംബശ്രീ മിഷന്‍ കോഓര്‍ഡിനേറ്റര്‍ കെ വി ജ്യോതികുമാര്‍, വെറ്റിനറി സര്‍ജന്‍ ഡോ. പി ബി ഗിരിദാസ് എന്നിവര്‍ പങ്കെടുത്തു. ജില്ലാ പഞ്ചായത്ത് വികസന കാര്യ സ്ഥിരസമിതി ചെയര്‍പേഴ്‌സണ്‍ ജെന്നി ജോസഫ് സ്വാഗതവും മൃഗസംരക്ഷണ വകുപ്പ് ഡെപ്യൂട്ടി ഡയറക്ടര്‍ ഡോ. എം കെ ഗിരിജ നന്ദിയും പറഞ്ഞു.

Comments



More from Krishi Jagran

അറിയിപ്പുകൾ

അറിയിപ്പുകൾ പച്ചക്കറി കൃഷി വികസന പദ്ധതിയിന്‍ കീഴില്‍ ജില്ലയിലെ മികച്ച വിദ്യാര്‍ഥി, മികച്ച സ്‌കൂള്‍, മികച്ച പ്രധാനാധ്യാപകന്‍, മികച്ച അധ്യാപകന്‍, മികച്ച കര്‍ഷകന്‍, മികച്ച ക്ലസ്റ്റര്‍, മികച്ച സ്ഥാപനം, മികച്ച ടെറസ് ഗാര്‍ഡന്‍ എ…

December 15, 2018

പുഞ്ചക്കുഴി തോടിന് ശാപമോക്ഷമാകുന്നു

പുഞ്ചക്കുഴി തോടിന് ശാപമോക്ഷമാകുന്നു കൊച്ചി: പുഞ്ചക്കുഴി തോട്ടിൽ നവീകരണ പ്രവർത്തനങ്ങൾ നടത്തി ' നാട്ടുകാരുടെ നാളുകളായുള്ള ആവശ്യം സഫലമാകുന്നു. ഇനി കൃഷിക്കാവശ്യ മായ വെള്ളം ലഭിക്കുമെന്നതിനാൽ കർഷകർക്കും ആശ്വാസമായി കൂവപ്പടി ബ്ലോക്ക് പഞ്ചായത്തില്‍ നിന്…

December 15, 2018

പ്രളയദുരന്തം ബാധിച്ച കര്‍ഷകര്‍ക്ക് പലിശ ഇളവ് നൽകും

പ്രളയദുരന്തം ബാധിച്ച  കര്‍ഷകര്‍ക്ക് പലിശ ഇളവ് നൽകും ളയക്കെടുതി ബാധിച്ച കര്‍ഷകര്‍ക്ക് പലിശ ഇളവ് നല്‍കാന്‍ മന്ത്രിസഭാ തീരുമാനം. പലിശയുടെ ബാധ്യത സര്‍ക്കാര്‍ ഏറ്റെടുക്കും.കിസാന്‍ ക്രഡിറ്റ് കാര്‍ഡ് വഴിയുള്ള വായ്പകളുടെ പലിശ ഒഴിവാക്കാനാണ് മന്ത്രിസഭായോഗം തീരുമാനം.പ്രളയ…

December 15, 2018


FARM TIPS

വെള്ളീച്ചയെ തടയാം

December 12, 2018

വേനല്‍ക്കാലങ്ങളില്‍ വിളകളുടെ ഇലകളില്‍ ബാധിച്ച് നീരൂറ്റിക്കുടിക്കുന്ന കീടമാണ്‌ വെള്ളീച്ച. ആദ്യകാലങ്ങളില്‍ ഇവ പപ്പായയിലും മരച്ചീനിയിലും മാത്രമാണ് കണ്ടുവ…

സുഗന്ധവ്യഞ്ജനങ്ങൾക്കൊണ്ട് ജൈവകീടനാശിനികള്‍

November 29, 2018

ഗ്രോബാഗിലോ മട്ടുപ്പാവിലോ വീട്ടവശ്യത്തിനു കുറച്ചു മാത്രം ജൈവ കൃഷി ചെയ്യുന്നവരെ പലപ്പോഴും വലയ്ക്കുന്ന ഒന്നാണ് ജൈവകീടനാശിനികളുടെ ചേരുവകൾ. ജൈവകീടനാശിനികള…

കൃഷിയറിവ്‌

November 21, 2018

തക്കാളിച്ചെടികളെ ആക്രമിക്കുന്ന വെള്ളീച്ചയെ തടയാന്‍ പാത്രം കഴുകുന്ന ഡിഷ് വാഷ് ലായനി ഇലകളുടെ അടിവശം തളിക്കുന്നത് നല്ല ഫലം ലഭിക്കും.






CopyRight - 2018 Krishi Jagran Media Group. All Rights Reserved.