ഇങ്ങനെ വളർത്തിയാൽ റോസ് തഴച്ച് വളരും നിറയേ പൂക്കളോടെ

റോസാപ്പൂക്കൾ പ്രണത്തിൻ്റെ പ്രതീകമാണ്. അത് ഇഷ്ടപ്പെടാത്തവരായി ആരുമില്ല. റോസാപ്പൂവിൻ്റെ മനോഹാരിത മനം കവരുന്നതാണ്. റോസിന് പല ഇനങ്ങളുണ്ട്. അത്കൊണ്ട് തന്നെ പല വർണങ്ങളിൽ ഇത് കാഴ്ചയ്ക്കും നമ്മുടെ പൂന്തോട്ടത്തിനും ഭംഗി കൂട്ടുന്നു. നിങ്ങൾ പൂവിനേയും ചെടികളേയും ഇഷ്ടപ്പെടുന്ന ആളാണെങ്കിൽ ഉറപ്പായും റോസ് നട്ട് പിടിപ്പിക്കണം... പല ഇനങ്ങളിലുള്ള, പല നിറത്തിലുള്ള റോസ് ചെടികൾ.

നിങ്ങൾക്ക് റോസ് ചെടികൾ നട്ട് പിടിപ്പിക്കുന്നതിന് സ്ഥലം ഇല്ലെങ്കിൽ/ ഒരു അപ്പാർട്ട്മെൻ്റിലാണ് താമസിക്കുന്നതെങ്കിൽ നിങ്ങൾക്ക് കണ്ടെയ്നറിലും റോസ് ചെടി നട്ട് പിടിപ്പിക്കാം. റോസ് ചെടി നട്ട് വളർത്താൻ നിങ്ങൾക്ക് പരിചയ കുറവുണ്ടോ? തുടക്കക്കാരാണോ നിങ്ങൾ? എങ്കിൽ ഇത് വായിക്കാം.

ചെടികൾ ശ്രദ്ധാപൂർവ്വം നനയ്ക്കുക

റോസാപ്പൂക്കൾക്ക് ധാരാളം വെള്ളം ആവശ്യമാണ്, പക്ഷേ അവ അമിതമായി നനയ്ക്കുന്നത് ചെടിയെ ബാധിച്ചേക്കാം, ഇത് വെരുകൾ ചീഞ്ഞ് പോകുന്നതിന് കാരണമാകുന്നു. മണ്ണ് എല്ലായ്‌പ്പോഴും ഈർപ്പമുള്ളതായിരിക്കണം, അതിനാൽ മുകളിലെ പാളി ഉണങ്ങുന്നതായി തോന്നിയാൽ അപ്പോൾ തന്നെ നനയ്ക്കണം. സൂര്യൻ ഉദിക്കുന്നതിന് മുമ്പോ അല്ലെങ്കിൽ അതിന് ശേഷമോ വെള്ളം നനയ്ക്കുന്നതാണ് നല്ലത്, എപ്പോൾ നനച്ചാലും ഇലകളിൽ വെള്ളം തളിക്കാൻ അനുവദിക്കരുത്, ഇത് ടൺ ഫംഗസ് പ്രശ്നങ്ങൾക്ക് കാരണമാകും.

പതിവായി വളപ്രയോഗം നടത്തുക

റോസാപ്പൂക്കൾക്ക് പതിവായി വളപ്രയോഗം നടത്തേണ്ടതുണ്ട്. പൂക്കൾക്ക് എപ്സം സാൾട്ടും ബോൺ മീലും ഒരു കോമ്പിനേഷൻ ആയി ഉപയോഗിക്കുന്നത് നല്ലതാണ്.റോസ് പൂക്കൾക്ക് മാത്രമായി ഉപയോഗിക്കാൻ പറ്റുന്ന വളങ്ങളുമുണ്ട്. അത് ചെടിക്ക് ആവശ്യമായ പോഷകങ്ങൾ നൽകും.എന്നിരുന്നാലും നിങ്ങൾ ചെടിക്ക് അമിതമായി വളപ്രയോഗം നടത്തുന്നില്ലെന്ന് ഉറപ്പാക്കുക.

പൂർണ്ണ സൂര്യപ്രകാശത്തിൽ റോസാപ്പൂവ് സൂക്ഷിക്കുക

റോസ് നല്ല സൂര്യപ്രകാശം ആവശ്യമുള്ള ചെടിയാണ്.അത്കൊണ്ട് തന്നെ ദിവസത്തിൽ 6-7 മണിക്കൂറെങ്കിലും പൂർണ്ണ സൂര്യപ്രകാശം ലഭിക്കുന്ന ഒരു സ്ഥലത്ത് ചെടി നടുന്നതാണ് നല്ലത്.

പതിവായി പ്രൂൺ ചെയ്യുക

നിങ്ങളുടെ റോസാപ്പൂക്കൾ പതിവായി പൂക്കണമെങ്കിൽ, വിരിഞ്ഞുണങ്ങിയ പൂക്കളെ കളയേണ്ടതുണ്ട്. വിരിഞ്ഞുണങ്ങിയ പൂവിനൊപ്പം തന്നെ ശിഖരങ്ങളും വെട്ടിമാറ്റിക്കളയുന്നതാണ് നല്ലത്. ഇത് പുതിയ ചിനപ്പുപൊട്ടലും മുകുളങ്ങളും ഉണ്ടാകുന്നതിന് സഹായിക്കുന്നു.

ബന്ധപ്പെട്ട വാർത്തകൾ: ക്യാരറ്റ് കൃഷിയിൽ ഇങ്ങനെ വളപ്രയോഗം ചെയ്താൽ ഇരട്ടി വിളവ്