തൈര് അടിപൊടി ജൈവവളമാണ്;പക്ഷെ ശ്രദ്ധിച്ച് ഉപയോഗിച്ചില്ലെങ്കിൽ ഗുണത്തിന് പകരം ദോഷം

തൈര് നമ്മൾ എപ്പോഴും കഴിക്കാനും അല്ലെങ്കിൽ സൗന്ദര്യ സംരക്ഷണങ്ങൾക്കുമാണ് ഉപയോഗിക്കാറ്, എന്നാൽ ഇത് വളമായി ഉപയോഗിക്കാനും പറ്റും എന്ന് നിങ്ങൾക്ക് അറിയാമോ? തൈര് ഒരു പ്രകൃതിദത്ത വളമായി ഉപയോഗിക്കുമ്പോൾ ചില ചെടികൾക്ക് ഗുണം ചെയ്യും. അത് പല തരത്തിൽ ഉപയോഗിക്കാനും സാധിക്കും. ചെടികളുടെ വളർച്ചയെ പ്രോത്സാഹിപ്പിക്കുന്ന നിരവധി പോഷകങ്ങളും ഗുണം ചെയ്യുന്ന സൂക്ഷ്മാണുക്കളും തൈരിൽ അടങ്ങിയിട്ടുണ്ട്.

ചെടികൾക്ക് തൈര് എങ്ങനെയാണ് ഉപയോഗിക്കുന്നത് എന്ന് നിങ്ങൾക്ക് അറിയില്ലെങ്കിൽ തുടർന്ന് വായിക്കൂ...

നേർപ്പിച്ച തൈര് വളമായി ഉപയോഗിക്കാം

മധുരമില്ലാത്ത പ്ലെയിൻ തൈര് വെള്ളത്തിൽ കലർത്തിയെടുക്കുക, ഓരോ ഗാലൻ വെള്ളത്തിനും നിങ്ങൾക്ക് സാധാരണയായി 1-2 ടേബിൾസ്പൂൺ തൈര് ഉപയോഗിക്കാം എന്നതാണ് കണക്ക്. ചെടികൾ നനയ്ക്കുന്നതിന് ആ ഈ മിശ്രിതം ഉപയോഗിക്കാവുന്നതാണ്. തൈരിലെ പോഷകങ്ങളായ കാൽസ്യം, ഗുണം ചെയ്യുന്ന ബാക്ടീരിയകൾ എന്നിവ മണ്ണിന്റെ സൂക്ഷ്മജീവികളുടെ പ്രവർത്തനം വർദ്ധിപ്പിക്കാനും സസ്യങ്ങൾക്ക് പോഷക ലഭ്യത മെച്ചപ്പെടുത്താനും കഴിയും.

ഇലകൾക്ക്

നേർപ്പിച്ച തൈര് നിങ്ങളുടെ ചെടികളുടെ ഇലകളിൽ നേരിട്ട് സ്പ്രേ ചെയ്യാം. ഇത് ഫോളിയർ സ്പ്രേ എന്നാണ് അറിയപ്പെടുന്നത് തൈര് വെള്ളത്തിൽ ലയിപ്പിച്ച് സ്പ്രേ ബോട്ടിൽ ഒഴിച്ച് ഇലകളിലേക്ക് സ്പ്രേ ചെയ്യാവുന്നതാണ്. ചെടികൾക്ക് അവയുടെ ഇലകളിലൂടെ പോഷകങ്ങൾ കൂടുതൽ കാര്യക്ഷമമായി ആഗിരണം ചെയ്യാൻ ഇങ്ങനെ ചെയ്യുന്നത് സഹായിക്കും.

കമ്പോസ്റ്റിംഗ്

നിങ്ങളുടെ കമ്പോസ്റ്റ് കൂമ്പാരത്തിലോ അല്ലെങ്കിൽ ബിന്നിലോ ചെറിയ അളവിൽ തൈര് ചേർക്കാം. തൈരിലെ ഗുണം ചെയ്യുന്ന ബാക്ടീരിയകൾ നിങ്ങളുടെ കമ്പോസ്റ്റിലെ ജൈവവസ്തുക്കളെ വിഘടിപ്പിക്കാൻ സഹായിക്കും, ഇത് വിഘടിപ്പിക്കൽ പ്രക്രിയയെ ത്വരിതപ്പെടുത്തുന്നതിന് സഹായിക്കുന്നു.

തൈരിൻ്റെ pH ലെവൽ

തൈര് ചെറുതായി അസിഡിറ്റി ഉള്ളതാണ്, അതിനാൽ ഇത് നിങ്ങളുടെ മണ്ണിന്റെ pH കുറയ്ക്കും. നിങ്ങളുടെ മണ്ണിന്റെ pH പരിശോധിച്ച് നിങ്ങൾ വളരുന്ന ചെടികൾക്ക് അനുയോജ്യമാണെന്ന് ഉറപ്പാക്കുക. പിഎച്ച് ആവശ്യാനുസരണം ക്രമീകരിക്കുക.

ഗുണം ചെയ്യുന്ന സൂക്ഷ്മാണുക്കൾ

തൈരിൽ പ്രോബയോട്ടിക് ബാക്ടീരിയകൾ അടങ്ങിയിട്ടുണ്ട്, ഇത് നിങ്ങളുടെ മണ്ണിൽ ചേർക്കുന്നത് മണ്ണിന് ഗുണപ്രദമാണ്. ഈ സൂക്ഷ്മാണുക്കൾക്ക് മണ്ണിന്റെ ആരോഗ്യം മെച്ചപ്പെടുത്താനും സസ്യങ്ങൾ പോഷകങ്ങൾ ആഗിരണം ചെയ്യാനുമുള്ള കഴിവുണ്ട്. പക്ഷെ ഉപയോഗിക്കുമ്പോൾ രുചികളോ അല്ലെങ്കിൽ പഞ്ചസാരയോ ചേർക്കാത്ത തൈരാണ് ഉപയോഗിക്കേണ്ടത്. കൂടാതെ, ഏതെങ്കിലും പ്രിസർവേറ്റീവുകളോ അഡിറ്റീവുകളോ ഉള്ള തൈര് ഒഴിവാക്കുക.

തൈര് ചെടികൾക്ക് ഗുണം ചെയ്യുമെങ്കിലും എല്ലാ ചെടികളും ഇതിനോട് അനുകൂലമായി പ്രതികരിക്കണം എന്നില്ല. അത്കൊണ്ട് തന്നെ നിങ്ങളുടെ ചെടികൾ ഇതിനോട് എങ്ങനെ പ്രതികരിക്കുന്നു എന്ന് അറിഞ്ഞ ശേഷം മാത്രം സ്ഥിരമായി ഉപയോഗിക്കുക.

നിങ്ങൾ തൈര് ഉപയോഗിക്കാൻ തീരുമാനിക്കുകയാണെങ്കിൽ, അത് വെള്ളത്തിൽ ലയിപ്പിക്കുക. നേർപ്പിക്കാത്ത തൈര് ഉപയോഗിക്കുന്നത് മണ്ണിൽ ദോഷകരമായ സൂക്ഷ്മാണുക്കളുടെ വളർച്ചയെ പ്രോത്സാഹിപ്പിക്കും.

ബന്ധപ്പെട്ട വാർത്തകൾ: മധുരം ഇല്ലാതാക്കും ചക്കരക്കൊല്ലി; പ്രമേഹം നിയന്ത്രിക്കുന്നതിന് ഉത്തമം