പടനിലത്തിന് നിന്ന് ഒരു പൂച്ചെടി

Thursday, 07 December 2017 08:31 PM By KJ Staff

ചരിത്രത്താളുകളില്‍ രേഖപ്പെടുത്തിയിട്ടുളള ട്രോജന്‍ യുദ്ധത്തിന്റെ പടനായകനായിരുന്നു അക്കിലസ്. യുദ്ധക്കളത്തില്‍ മുറിവേറ്റുവീഴുന്ന തന്റെ ഭടന്മാരുടെ മുറിവുകളില്‍ നിന്നുളള രക്തസ്രാവം നിറുത്താന്‍ ഒരു ചെടിയുടെ ഇലകള്‍ അദ്ദേഹം ഉപയോഗിച്ചിരുന്നു. പിന്നീട് ഈ ചെടിക്ക് അക്കിലസിന്റെ ഓര്‍മ്മയ്ക്കായി 'അക്കിലിയ' എന്ന് പേരും നല്‍കി. ഇതാണ് അതിസുന്ദരമായ മഞ്ഞപ്പൂക്കള്‍ വിടര്‍ത്തുന്ന 'അക്കിലിയ' എന്നു പേരായ ഉദ്യാന പുഷ്പിണി.

അക്കിലിയയുടെ പൂക്കള്‍ വെറും മഞ്ഞനിറമാണ്. 'കമ്പോസിറ്റേ' സസ്യകുലത്തില്‍ പെട്ട അക്കിലിയയുടെ ശാസ്ത്രനാമം 'അക്കിലിയ ഫിലിപെന്‍ഡുലിന' എന്നാണ്.മൂന്നു മുതല്‍ നാല് അടി വരെ ഉയരത്തില്‍ വളരുന്ന ഈ ചെടിക്ക് സൂര്യപ്രകാശവും നീര്‍വാര്‍ച്ചയുളള വളര്‍ച്ചാമാധ്യമവും നിര്‍ബന്ധമാണ്. യൂറോപ്പ് ആണ് ഈ സുന്ദര പുഷ്പിണിയുടെ ജന്മനാട്. ' ഗ്ലോബ് യാരോ' എന്നും ഇതിന് പേരുണ്ട്. ഇതിന്റെ നേരിയ തവിട്ടുകലര്‍ന്ന പച്ചിലകള്‍ പന്നല്‍ച്ചെടിയുടേതുപോലെ വിഭജിച്ചതും 2-6 ഇഞ്ച് നീളമുളളതും സുഗന്ധവാഹിയുമാണ്.

ചെടിച്ചുവട്ടില്‍ വിത്ത് വീണു കിളിര്‍ക്കാന്‍ 30-90 ദിവസമെടുക്കും. തൈകള്‍ 3-4 ഇല പാകമാകുമ്പോള്‍ എട്ട് സെ.മീ. വലിപ്പമുളള ചട്ടികളിലേക്ക് മാറ്റി നടണം. തുടര്‍ന്ന് വളരുന്നതിനനുസരിച്ച് നല്ല വെയില്‍ കിട്ടുന്ന സ്ഥലത്ത് 60 സെ.മീ. അകലത്തില്‍ തൈകള്‍ നടാം. ചാണകപ്പൊടി കമ്പോസ്റ്റ്, എല്ലുപൊടി, മണ്ണിരകമ്പോസ്റ്റ് തുടങ്ങിയ ജൈവവളങ്ങളാണ് ചെടി നന്നായി വളരാനും കടും നിറമുളള മഞ്ഞപ്പൂക്കള്‍ വിടര്‍ത്താനും നല്ലത്. കടുകുമണിയുടെ വലിപ്പമുളള ചെറിയ ചെറിയ മഞ്ഞപ്പൂക്കള്‍ ഒരുമിച്ചു ചേര്‍ന്ന് പരന്ന ഒരു വലിയ 'ഡിസ്‌ക്' അഥവാ തളിക പോലെ രൂപപ്പെടുന്ന ഒറ്റപ്പൂവാണ് അക്കിലിയയുടെ പ്രത്യേകത. ശിലാരാമങ്ങള്‍, ഉദ്യാനത്തിലെ ചെറിയ ചരിവുകള്‍, അതിര്‍ത്തികള്‍ തുടങ്ങിയ സ്ഥലങ്ങളിലൊക്കെ ഇത് നന്നായി വളര്‍ത്താം. അതിരുകളില്‍ വളര്‍ത്തുമ്പോള്‍ ഉയരമുളള ഇനങ്ങളാണ് നന്ന്. 

'അക്കിലിയഫിലിപെന്‍ഡുല' എന്ന ഇനം ഒരു നിത്യഹരിത പുഷ്പിണിയാണ്. ദൃഢമായ തണ്ടില്‍ വളരുന്ന ഇലകളും സ്വര്‍ണ്ണ മഞ്ഞനിറമുളള പൂക്കളും നിറഞ്ഞ ഒറ്റപ്പൂവിന് അഞ്ച് ഇഞ്ച് വലിപ്പമുണ്ട്. 'അക്കിലിയ ക്ലാവ്' എന്ന ഇനത്തിന്റെ ഇലകള്‍ തിളക്കമുളളതും രോമാവൃതവുമായിരിക്കും. രണ്ട് ഇഞ്ച് വലിപ്പമുളള ഓരോ പൂവിനും 25 കുഞ്ഞുപൂക്കള്‍ വീതം കാണും. ഇതില്‍ വെളളയും മഞ്ഞയും കലര്‍ന്ന പൂക്കള്‍ ഉണ്ടായിരിക്കും. പിങ്ക്, കടും ചുവപ്പ്, ഓറഞ്ച് കലര്‍ന്ന ചുവപ്പ്, ഇളം മഞ്ഞ എന്നിങ്ങനെ വിവിധ ഇനങ്ങളില്‍ പൂക്കള്‍ വിടര്‍ത്തുന്ന ഇനങ്ങളുണ്ട്. ജൂണ്‍ മുതല്‍ ഓഗസ്റ്റ് വരെയാണ് അക്കിലിയയുടെ പൂക്കാലം. ഇതിന്റെ പൂക്കള്‍ അലങ്കാര പുഷ്പമായി പുഷ്പ സംവിധാനത്തിലും ഉണക്കിയ പൂക്കളായും ഉപയോഗിക്കുന്നുണ്ട്.

വിത്തു പോകുന്നതിനു പുറമെ, ചെടിച്ചുവട്ടില്‍ വളരുന്ന ചെടികള്‍ ഇളക്കി നട്ടും അക്കിലിയ വളര്‍ത്താം. ഉണങ്ങിയ പൂക്കള്‍ യഥാസമയം മുറിച്ചു നീക്കിയാല്‍ അത് പുതിയ പൂക്കള്‍ വിടരാന്‍ പ്രേരകമാകും. പുഷ്പിച്ച ചെടിയുടെ തലപ്പ് ഇടയ്ക്ക് മുറിച്ചു നീക്കുന്നതും നല്ലതാണ്. അക്കിലിയയുടെ ശ്രദ്ധേയമായ ഒരിനമാണ് 'പാര്‍ക്കേഴ്‌സ് വെറൈറ്റി' പന്നല്‍ച്ചെടിയോട് വളരെ സാമ്യമുളള ഇതിന്റെ ഇലകള്‍ക്ക് തവിട്ടു കലര്‍ന്ന പച്ചനിറമാണ്. സുഗന്ധവുമുണ്ട്. പ്രകാശമാനമായ മഞ്ഞനിറമുളള പൂക്കള്‍ ആരുടെയും ശ്രദ്ധ പിടിച്ചു പറ്റും. ചെടികള്‍ 3-4'' പൊക്കത്തില്‍ വളരും. ഇതിന്റെ സുഗന്ധവാഹിയായ ഇലകള്‍ ഉണങ്ങിയാലും സുഗന്ധം നിലനില്‍ക്കുന്നതും പുഷ്പ സംവിധാനത്തില്‍ ഉപയോഗിക്കാവുന്നതാണ്.അക്കിലിയ പുഷ്പങ്ങള്‍ക്ക് ഔഷധഗുണവും ഉണ്ട്. പൂക്കളില്‍ നിന്നുണ്ടാക്കുന്ന ഔഷധം ഉദരസംബന്ധമായ അസ്വസ്ഥതകള്‍ക്ക് പരിഹാരമാണ്.

Comments



More from Flowers

കുറ്റിമുല്ല കൃഷിചെയ്യാം

 കുറ്റിമുല്ല കൃഷിചെയ്യാം കുറച്ചു ശ്രദ്ധയോടെ പരിപാലിച്ചാൽ എല്ലാകാലത്തും നല്ലവരുമാനം ലഭിക്കാവുന്ന കൃഷിയാണ് കുറ്റിമുല്ലക്കൃഷി. സൂര്യപ്രകാശം നന്നായി ലഭിക്കുന്ന തുറസ്സായ സ്ഥലമാണ് കൃഷിക്കായി തിരഞ്ഞെടുക്കേണ്ടത് .കേരളത്തിലെ ഏതുകാലാവസ്ഥയിലും കു…

November 01, 2018

ആദായപ്പൂക്കള്‍

ആദായപ്പൂക്കള്‍ നീളന്‍ പൂത്തണ്ടിന്റെ അറ്റത്ത് വിവിധ വര്‍ണങ്ങളില്‍ നിറയെ ഇതളുകളുമായി ഉദയസൂര്യനെപ്പോലെ വിടര്‍ന്നു നില്‍ക്കുന്ന ജര്‍ബറ പൂക്കള്‍ നിഷ്‌കളങ്കതയുടെയും പരിശുദ്ധിയുടെയും പ്രതീകമാണ്.

October 23, 2018

ആര്‍ക്കും വളര്‍ത്താം ഓര്‍ക്കിഡ് കൃഷി

ആര്‍ക്കും വളര്‍ത്താം ഓര്‍ക്കിഡ് കൃഷി ദൈവം സൃഷ്ടിച്ച ഏറ്റവും ഭംഗിയുളള ഓര്‍ക്കിഡ് പൂക്കളാണ് വശ്യമായ സൗന്ദര്യവും സുദീര്‍ഘമായ സൂക്ഷിപ്പു കാലവും. അത്യാകര്‍ഷകമായ നിറങ്ങളും ആകാര വൈവിദ്ധ്യവുമാണ് ഈ പുപ്രത്തെ അമൂല്യമാക്കുന്നത്.

October 15, 2018


FARM TIPS

കൊമ്പൻചെല്ലിയെ തുരത്താൻ

November 03, 2018

തെങ്ങിനെ ബാധിക്കുന്ന നിരവധികീടങ്ങളിൽ പ്രധാനപ്പെട്ടതാണ് കൊമ്പൻ ചെല്ലി തെങ്ങുകളെ ആക്രമിക്കുന്ന ഇവ വണ്ട് വർഗത്തിൽപ്പെട്ട പറക്കാൻ കഴിവുള്ള ഒരു .ഷഡ്പദമാണിത…

ചേമ്പിനു വിത്തായി തള്ളച്ചേമ്പും പിള്ളച്ചേമ്പും ഉപയോഗിക്കാം.

October 22, 2018

ചെറു ചേമ്പിന്റെ വിളവെടുപ്പിന് ഒരു മാസം മുന്‍പ് ചെടിയുടെ ഇലകള്‍ കൂട്ടിക്കെട്ടി ചുവട്ടില്‍ വളച്ച് മണ്ണിടുകയും നന നിര്‍ത്തുകയും ചെയ്താല്‍ കിഴങ്ങുകള്‍ കൂട…

പച്ചക്കറി കൃഷിക്ക് ചില നാടൻ നുറുങ്ങുകൾ

October 22, 2018

മുളകു വിത്തു പാകമാകുമ്പോള്‍ അതോടൊപ്പം കുറച്ച് അരിപ്പൊടി കൂടി വിതറിയാല്‍ വിത്തു നഷ്ടം ഒഴിവാക്കാവുന്നതാണ്. മുളകിന്റെ കുരുടിപ്പ് മാറ്റുവാന്‍ റബര്‍ ഷീറ…






CopyRight - 2018 Krishi Jagran Media Group. All Rights Reserved.