ഇലന്തപ്പഴം എന്ന മാന്ത്രിക പഴം

Wednesday, 29 August 2018 04:04 PM By KJ KERALA STAFF

ഇലന്തപ്പഴം പണ്ടുമുതൽക്കേ നമ്മുടെ നാട്ടിൽ പറഞ്ഞുകേൾക്കുന്ന ഒരു വിശിഷ്ട ഫലമാണ് . പാവങ്ങളുടെ ആപ്പിള്‍ എന്നും ഇത് അറിയപ്പെടുന്നു. രുചിയുടെയും പോഷക മൂല്യങ്ങളുടെയും കലവറയാണ് 'ഇലന്തപ്പഴം'. ചെറുവൃക്ഷമായി പടര്‍ന്നുപന്തലിച്ചു വളരുന്ന ഇലന്തയില്‍ ചെറുമുള്ളുകളുമുണ്ടാകും. ഈ ചെറുവൃക്ഷം നൂറ്റാണ്ടുകള്‍ക്ക് മുമ്പ് ഭാരതത്തില്‍ വളര്‍ന്നിരുന്നു. പുരാണങ്ങളിലും മറ്റും പരാമർശമുള്ള പേരാണ് ഇലന്തപ്പഴം. 1800 മീറ്റര്‍ വരെ ചൂടു പ്രദേശങ്ങളില്‍ ഇത് ഉണ്ടാകുമെങ്കിലും വരണ്ട കാലാവസ്ഥയാണ് നല്ലത്. അമേരിക്കയിലെ കാലിഫോര്‍ണിയയില്‍പോലും ഇലന്തപ്പഴം സുലഭമാണ്.

ജുജുബട്രീ, ബര്‍ട്രീ എന്നീ പേരുകളിലും ഇത് അറിയപ്പെടുന്നു. ഇതില്‍ ജീവകം എ, ബി, സി എന്നിവയ്ക്ക് പുറമെ കാല്‍സ്യം, ഫോസ്ഫറസ്, ഇരുമ്പ് എന്നിവയും അടങ്ങിയിട്ടുണ്ട്. ഇന്ത്യന്‍ ഈന്തപ്പഴം, ജീവന്റെ പഴം, അമരത്വത്തിന്റെ പഴം എന്നൊക്കെയാണ് ഇലന്തപ്പഴത്തിന്റെ വിളിപ്പേരുകള്‍. വിളവെടുപ്പിനുശേഷം പ്രൂനിംഗ് (കൊമ്പുകള്‍ കോതൽ) ചെയ്താൽ പുതിയ ശാഖകള്‍ വളരുകയും ധാരാളം കായ്കളുണ്ടാകുകയും ചെയ്യും.

കേരളത്തിൽ ഇലന്തപ്പഴം അധികം വളരുന്നതായി കണ്ടുവരുന്നില്ല. ആന്ധ്രാപ്രദേശ് തമിഴ്നാട് കർണാടകം എന്നിവിടങ്ങളിൽ നിന്നും ഇവ നമ്മുടെ വിപണിയിൽ എത്താറുണ്ട്. കായ്കള്‍ക്ക് ഒരു കിലോയ്ക്ക് അറുപത് രൂപവരെ വിലയുണ്ട്.

elanthapazham

ഇപ്പോൾ ചില നഴ്സറികളും മറ്റും വ്യാപകമായി ഇതിന്റെ തൈകൾ വിൽക്കുന്നതും കേരളത്തിന്റെ കാലാവസ്ഥയിൽ ഇവ നന്നായി കായ്ക്കുന്നതായും കണ്ടുവരുന്നു . ഇതിന്റെ കൃഷി രീതി വളരെ എളുപ്പമാണ്ഒ. രു മീറ്റര്‍ ചതുരശ്ര അളവിലും ആഴത്തിലും കുഴികളെടുത്ത് ചാണകപ്പൊടിയും, മേല്‍ മണ്ണും നിറച്ച് രണ്ടാഴ്ച കഴിഞ്ഞ് ഒട്ടുതൈ നടാം. നടുന്ന സമയത്തോ, പുതു ഇലകള്‍ വന്നശേഷമോ, ഒരു കിലോ വേപ്പിന്‍പിണ്ണാക്കും കാല്‍കിലോ എല്ലുപൊടിയും കൂടി നല്‍കണം. വേണ്ടവിധം നനയ്ക്കണം.ആദ്യതവണ കായ് കുറയുമെങ്കിലും വളരുംതോറും കായ് എണ്ണം കൂടിവരും. മുതിര്‍ന്ന ഒരു മരത്തില്‍നിന്നും ഒരാണ്ടില്‍ 100, 150 കിലോവരെ പഴങ്ങള്‍ കിട്ടും. ഒട്ടുതൈകളുടെ കായ്കള്‍ക്ക് ചെറുനാരങ്ങയോളം വലുപ്പവും ചെറിയ കുരുവുമാണ്.

ഒട്ടുതൈ ഒന്നാം വര്‍ഷം കായ്ക്കും. ആദ്യവര്‍ഷം തന്നെ കൊമ്പുകോതല്‍ നടത്താം. ആരോഗ്യമുള്ള ഒരു പ്രധാന ശിഖരം മാത്രം നിര്‍ത്തി ചെടിയുടെ പ്രധാന തടിയില്‍ 75 സെന്റീമീറ്ററിനു താഴെ വളരുന്ന കൊമ്പുകള്‍ നീക്കം ചെയ്യണം. നല്ല വെളിച്ചം കിട്ടിയാല്‍ നന്നായി കായ് പിടിക്കും.

വര്‍ഷംതോറും വിളവെടുപ്പിനുശേഷം മഴക്കാലത്ത് വളപ്രയോഗം ആവര്‍ത്തിച്ചാല്‍ കൂടുതല്‍ ഫലം കിട്ടും. ഏപ്രില്‍ മാസങ്ങളില്‍ പൂവ് വന്ന് നവംബര്‍ മുതല്‍ ജനുവരി വരെ പഴങ്ങള്‍ കാണും. വിളഞ്ഞ് പഴുത്താല്‍ ഓറഞ്ചു നിറമാകും. പഴങ്ങള്‍ കിളികള്‍ തിന്നാതിരിക്കാന്‍ മരം മൊത്തമായി വലകൊണ്ട് മൂടാം. ചെറു മുള്ളുകളുള്ള ചെടിക്ക് കീടരോഗങ്ങള്‍ ഒന്നും വരാറില്ല. ഇരുപതു വര്‍ഷക്കാലം ഫലം തരുന്നവയാണ് ഇലന്ത ചെടികൾ.

Comments



More from Fruits

പഴങ്ങളിലെ താരം പപ്പായ

പഴങ്ങളിലെ താരം പപ്പായ പഴങ്ങളിലെ താരമാണ് പപ്പായ. മഴയും, മഞ്ഞും , വേനലും വകവയ്ക്കാതെ എക്കാലത്തും നിറയെ ഫലം തരുന്ന പപ്പായ നഗരത്തിലും നാട്ടിൻ പുറത്തും ഒരുപോലെ കായ്ക്കുന്ന ഒരു ഫലം.

September 06, 2018

കൈതച്ചക്ക മലയാളിയുടെ സ്വന്തംഫലം 

കൈതച്ചക്ക മലയാളിയുടെ സ്വന്തംഫലം  കൈതച്ചക്ക അല്ലെങ്കിൽ പൈനാപ്പിൾ നമ്മൾ എല്ലാവരുടെയും ഇഷ്ട വിഭവമാണ്. പണ്ടൊക്കെ നമ്മുടെ പറമ്പുകളിൽ യാതൊരു പരിചരണവും ഇല്ലാതെ കൂട്ടമായി നിന്നിരുന്ന പൈനാപ്പിൾ ചെടികൾ നല്ല മധുരമുള്ള പഴങ്ങൾ നമുക്ക് നൽകിയിരുന്നു എ…

September 01, 2018

ഇലന്തപ്പഴം എന്ന മാന്ത്രിക പഴം

ഇലന്തപ്പഴം എന്ന മാന്ത്രിക പഴം ഇലന്തപ്പഴം പണ്ടുമുതൽക്കേ നമ്മുടെ നാട്ടിൽ പറഞ്ഞുകേൾക്കുന്ന ഒരു വിശിഷ്ട ഫലമാണ് . പാവങ്ങളുടെ ആപ്പിള്‍ എന്നും ഇത് അറിയപ്പെടുന്നു.

August 29, 2018


FARM TIPS

 ചക്കയിടാന്‍ ഒരു സൂത്രം

September 22, 2018

പ്ലാവില്‍ കയറി ചക്കയിടാന്‍ 500 രൂപ കൂലി ചോദിക്കും. ഇതില്‍ ഭേദം പക്ഷികളും അണ്ണാന്മാരും ചക്ക തിന്ന് താഴേക്ക് ഇട്ടു തരുന്ന ചക്കക്കുരു പെറുക്കി വിഭവങ്ങളുണ…

കര്‍ഷകര്‍ക്ക് കൃഷിഭവനില്‍ നിന്നും ലഭിക്കുന്ന സേവനങ്ങള്‍

September 11, 2018

* കാര്‍ഷികാവശ്യത്തിന് പമ്പ് സെറ്റ് സ്ഥാപിച്ച് വൈദ്യുതി കണക്ഷന് മുന്‍ഗണന ലഭിക്കുന്നതിനുളള സര്‍ട്ടിഫിക്കറ്റ് ലഭിക്കാന്‍. നിര്‍ദ്ദിഷ്ട ഫോറത്തില്‍ പമ്പ്‌സ…

വെള്ളപ്പൊക്കം; വീടുകള്‍ ശുദ്ധീകരിക്കാന്‍ ബ്ലീച്ചിംങ് പൗഡര്‍

August 21, 2018

വെള്ളപൊക്കത്തിനു ശേഷം മലിനമായ വീടുകള്‍ അണു വിമുക്തം ആക്കാന്‍ ഏറ്റവും നല്ലത് ബ്ലീച്ചിംങ് പൗഡര്‍ ഉപയോഗിക്കുകയാണ്.






CopyRight - 2018 Krishi Jagran Media Group. All Rights Reserved.