Vegetables

മാങ്ങയിഞ്ചി 

Mango Ginger
നമ്മുടെ പറമ്പുകളിൽ നിന്ന് വംശ നാശം വന്ന മഞ്ഞളിന്റെ വർഗ്ഗത്തിൽ  പെട്ട ഒരു വിളയാണ് മാങ്ങാ ഇഞ്ചി പഴയകാല വിളകൾ കണ്ടെത്തി വളർത്തുവാൻ പ്രോത്സാഹനം നല്കിവരുന്നതിന്റെ ഭാഗമായി മാങ്ങയിഞ്ചിയും പല കർഷകരും കൃഷി ചെയ്യുന്നുണ്ട് . വൈറ്റ് ടർമാറിക്‌  എന്നാണ് ഇതിനു ഇംഗ്ലീഷിൽ പേര് . ഇലയ്ക്കും തണ്ടുകൾക്കും  മഞ്ഞളിന്റെ രൂപഭാവങ്ങളും മണവുമുള്ള, മഞ്ഞളിന്റെതുപോലുള്ള പൂവുകൾ ഉണ്ടാകുന്ന  എന്നാൽ കിഴങ്ങിന് ഇഞ്ചിയുടെയും മാങ്ങയുടെയും സമ്മിശ്ര ഗന്ധവുമാണ് ഈ ചെടിയുടെ സവിശേഷത.  കേരളത്തിന്റെ വിവിധഭാഗങ്ങളിൽ കച്ചൂരം, ചണ്ണ, മാങ്ങാഞ്ചി, മാങ്ങയിഞ്ചി, .ഇഞ്ചിമാങ്ങ എന്നെല്ലാം ഈ ചെടി അറിയപ്പെടുന്നു. ഇതിന്റെ ജന്മദേശങ്ങൾ ഇന്ത്യയും ഇന്തൊനേഷ്യയുമാണ്. വിദേശ നാടുകളിൽ ഒരു സുഗന്ധ വ്യഞ്ജനമായാണ് ഇത്  അറിയപ്പെടുന്നത്.


കേരളത്തിലെ കാലാവസ്ഥയും എവിടെയും വളരുന്ന ഈ ചെടി ഒന്നോ രണ്ടോ വർഷങ്ങൾ ആയുസ്സുള്ള ഒന്നാണ്. ഒരു മീറ്ററോളം ഉയരം വയ്ക്കുന്ന ഈ ചെടിയുടെ തണ്ടുകൾക്ക്  ഇളം ചുവപ്പു നിറം കാണാറുണ്ട്. ആഹാരപദാര്ഥങ്ങളിൽ മാങ്ങയിഞ്ചി വളരെയധികം ഉപയോഗിക്കാറുണ്ട്. അച്ചാർ, ചമ്മന്തി , സാലഡുകൾ എന്നിവയിൽ മാങ്ങാ ഇഞ്ചി ചേർക്കുന്നത് രുചികരമാണ്. അതീവ ഹൃദ്യമായ ഇതിന്റെ ഗന്ധം മൂലം  മാങ്ങയിഞ്ചി സുഗന്ധവസ്തുക്കളുടേയും സോപ്പിന്റേയും നിർമ്മാണത്തിൽ ഉപയോഗിക്കാറുണ്ട്.  ഉണക്കിയ കിഴങ്ങിൽ നിന്ന് വേർതിരിച്ചെടുക്കുന്ന എണ്ണ വിദേശികൾക്ക് പ്രിയപ്പെട്ടതാണ്.


Share your comments