പാഷാണഭേദിയുടെ ഔഷധഗുണങ്ങള്‍

Saturday, 10 March 2018 04:13 By KJ KERALA STAFF

നമ്മുടെ നാട്ടിൽ വ്യാപകമായി കണ്ടുവരുന്ന രോഗമാണ് മൂത്രക്കല്ല്. കൊഴുപ്പും കാത്സ്യവും നിറഞ്ഞ ഭക്ഷണം തന്നെയാണ് പ്രധാന കാരണം.വൃക്കയിലും മൂത്രാശയത്തിലും മൂത്രനാളിയിലും വസ്തിയിലും കാത്സ്യം കട്ടിയായി കിടക്കുന്നതാണ് കല്ലായി അനുഭവപ്പെടുന്നത്.
ആയുര്‍വേദത്തില്‍ മൂത്രാശ്മരി അല്ലെങ്കില്‍ കല്ലടപ്പ് എന്നുപറയുന്ന അസുഖത്തിന് ഫലപ്രദമായ മരുന്നാണ് പാഷാണഭേദി. കല്ലിനെ ദഹിപ്പിക്കുന്നത് അല്ലെങ്കില്‍ ഭേദിക്കുന്നത് എന്ന അര്‍ഥമാണ് പാഷാണദേഭിക്കുള്ളത്. അങ്ങനെ ഇത്തരത്തില്‍ കല്ലിനെ പൊടിക്കുന്ന പല സസ്യങ്ങളും പാഷാണഭേദിയായി അറിയപ്പെടുന്നു. സംസ്കൃതത്തില്‍ പാഷാണഭേദിയെന്നറിയപ്പെടുന്ന സസ്യത്തിന്‍റെ ശാസ്ത്രനാമം ബെര്‍ഗനിയ ലിഗുലേറ്റ എന്നാണ്. 

രൂപവും കാലാവസ്ഥയും

യഥാര്‍ഥ പാഷാണഭേദി വളരുന്നത് സമുദ്രനിരപ്പില്‍നിന്ന് 1000 അടി ഉയരത്തിലുള്ള പര്‍വത സാനുക്കളിലാണ് നല്ലചൂടുള്ള കാലാവസ്ഥയില്‍ വരണ്ടമണ്ണില്‍ കല്ലിന്‍റെ കൂട്ടങ്ങളോട് പറ്റിച്ചേര്‍ന്നാണ് ഇത് വളര്‍ന്നു കാണുന്നത്. പശ്ചിമഘട്ടത്തിന്‍റെ ഗുജറാത്തുമായി ബന്ധപ്പെട്ട ഭാഗങ്ങളില്‍ ഇത് കാണപ്പെടുന്നുണ്ട്.

അരമീറ്ററോളം മാത്രം ഉയരംവെക്കുന്ന ഒരു സസ്യമാണിത്. വെള്ളനിറത്തിലും ചുവപ്പുനിറത്തിലും നീലനിറത്തിലും പൂക്കളുണ്ടാകുന്നു. ഇലകള്‍ വട്ടത്തിലാണുണ്ടാവുക. ചില ഇലകള്‍ക്ക് ദീര്‍ഘവൃത്താകൃതിയും കണ്ടുവരുന്നു. ഇലയുടെ അറ്റത്ത് വിസ്തൃതികൂടും. ഇലകളുടെ മേല്‍ഭാഗം നല്ല പച്ചനിറമാണെങ്കിലും അടിഭാഗം മിക്കപ്പോഴും ചുവപ്പു നിറമായിരിക്കും. ഇലകള്‍ക്ക് 4-6 സെമീനീളവും 3-5 സെമീ വീതിയുംകാണും. പൂക്കള്‍ അടിയില്‍നിന്നുവരുന്ന കാണ്ഡതന്തുവില്‍നിന്നും കുലകളായാണ്കാണപ്പെടുക. ഓരോ പൂവിനും അഞ്ച് ഇതളുകള്‍ ഉണ്ടാകും.

ഔഷധഗുണങ്ങള്‍

ആയുര്‍വേദത്തില്‍ ഇതിന്‍റെ വേരാണ് മൂത്രക്കല്ലിനെ പൊടിച്ചുകളയാന്‍ ഉപയോഗിക്കുന്നത്. ഇതിന്‍റെ 50 ഗ്രാംവേര് 400 മില്ലിവെള്ളത്തില്‍ ചതച്ചിട്ട് കഷായമാക്കി അത് 100 മില്ലിയിലേക്ക് വറ്റിച്ച്‌ അതില്‍ 25 മില്ലി വീതം രാവിലെയും വൈകിട്ടുംകഴിച്ചാല്‍ മൂത്രത്തിലെ കല്ല് മാറിക്കിട്ടും. മാത്രമല്ല വിഷത്തെ ശമിപ്പിക്കാനും ശ്വാസകോശ രോഗങ്ങള്‍ക്കും നേത്രസംബന്ധിയായ രോഗങ്ങള്‍ക്കും ഇത് ഫലപ്രദമായി പലരും ഉപയോഗിക്കുന്നു. വേരില്‍ ടാനിക് അമ്ലം, ഗാലിക് അമ്ലം, മെഴുക്, ഗൂക്കോസ്, അഫ്സെലാക്ടിന്‍, സാക്സിന്‍, സിറ്റോസ്റ്റെറോള്‍എ എന്നിവയടങ്ങിയിരിക്കുന്നു.

 

 

Comments



MORE ON FEATURES

ലൂയിസ് എന്നും ശരിയുടെ വഴിയിലാണ്

കൃഷിക്കാരില്‍ ചിലരങ്ങനെയാണ് വീട്ടില്‍ നിന്നും നാട്ടില്‍ നിന്നും കിട്ടുന്ന കൃഷിയറിവുകള്‍ കൂട്ടിയിണക്കി കൃഷിയങ്ങു തുടങ്ങും. സ്വന്തം കൃഷിയിടത്തില്‍ നിന്നും കിട്ടുന്ന ചില്ലറയറിവുകളും ച…

December 05, 2018

'ഭക്ഷ്യ സുരക്ഷ സേന' സര്‍വസജ്ജമായ കാര്‍ഷികസേന

കാര്‍ഷിക യന്ത്രവത്ക്കരണത്തിലെ വിജ്ഞാന വ്യാപന പ്രവര്‍ത്തനങ്ങള്‍ക്ക് പുത്തന്‍ ഉണര്‍വ്വും പുതിയ പ്രവര്‍ത്തനങ്ങളും വേറിട്ട സമീപനങ്ങളുമായി മുന്നേറുകയാണ് ഭക്ഷ്യസുരക്ഷാ സേന.

December 05, 2018

പൊട്ടുവെള്ളരി -കക്കിരി പാടങ്ങൾ

തൃശ്ശൂര്‍ ജില്ലയിലെ കൊടുങ്ങല്ലൂര്‍ മീനഭരണി മഹോത്സവത്തിന് മാത്രമല്ല പരമ്പരാഗതമായി ചെയ്തു പോന്ന ജൈവകൃഷിക്കും പ്രശസ്തമാണ് എന്ന് സാക്ഷ്യപ്പെടുത്തുന്നതാണ് അവിടുത്തെ പൊട്ടുവെള്ളരി അഥവാ ക…

November 29, 2018

FARM TIPS

വെള്ളീച്ചയെ തടയാം

December 12, 2018

വേനല്‍ക്കാലങ്ങളില്‍ വിളകളുടെ ഇലകളില്‍ ബാധിച്ച് നീരൂറ്റിക്കുടിക്കുന്ന കീടമാണ്‌ വെള്ളീച്ച. ആദ്യകാലങ്ങളില്‍ ഇവ പപ്പായയിലും മരച്ചീനിയിലും മാത്രമാണ് കണ്ടുവ…

സുഗന്ധവ്യഞ്ജനങ്ങൾക്കൊണ്ട് ജൈവകീടനാശിനികള്‍

November 29, 2018

ഗ്രോബാഗിലോ മട്ടുപ്പാവിലോ വീട്ടവശ്യത്തിനു കുറച്ചു മാത്രം ജൈവ കൃഷി ചെയ്യുന്നവരെ പലപ്പോഴും വലയ്ക്കുന്ന ഒന്നാണ് ജൈവകീടനാശിനികളുടെ ചേരുവകൾ. ജൈവകീടനാശിനികള…

കൃഷിയറിവ്‌

November 21, 2018

തക്കാളിച്ചെടികളെ ആക്രമിക്കുന്ന വെള്ളീച്ചയെ തടയാന്‍ പാത്രം കഴുകുന്ന ഡിഷ് വാഷ് ലായനി ഇലകളുടെ അടിവശം തളിക്കുന്നത് നല്ല ഫലം ലഭിക്കും.






CopyRight - 2018 Krishi Jagran Media Group. All Rights Reserved.