മാങ്ങ ഇഞ്ചി

മാങ്ങാ ഇഞ്ചി, പച്ച മാങ്ങയുടെ മണവും ഇഞ്ചിയുടെ സ്വാദുമുള്ള ഒരു ഉഷ്ണമേഖല സുഗന്ധ വിളയാണ്. പക്ഷെ എന്നാൽ പേര് പോലെ മാവുമായോ ഇഞ്ചിയുമായോ ഈ വിളയ്ക്ക് യാതൊരു സാമ്യമോ ബന്ധമോ ഇല്ലെന്നതാണ് ഏറെ രസകരം. മാങ്ങയിഞ്ചിക്ക്   നിരവധി ഗുണങ്ങളാണ് ഉള്ളത്  കേരളത്തിൻ്റെ കാലാവസ്ഥയില്‍ എവിടെ വേണമെങ്കിലും മാങ്ങയിഞ്ചി നടാം.

വിശപ്പില്ലായ്മ അകറ്റാന്‍ ഏറെ ഉത്തമമാണ് മാങ്ങാ ഇഞ്ചി. ശരീരത്തിൻ്റെ  ഊഷ്മാവ് കുറയ്ക്കുവാൻ  ഇതിന് കഴിവുണ്ട്. മുളകിൻ്റെ  അളവ് കുറച്ചു  മാങ്ങാ യിഞ്ചി ചേര്‍ത്ത് ഉപ്പിലിട്ട കറികള്‍ മലബന്ധം അകറ്റാന്‍ ഉത്തമമാണ്. തേങ്ങയും പച്ചമുളക്, ഉള്ളി എന്നിവയും ചേര്‍ത്ത ചമ്മന്തി വളരെ സ്വാദിഷ്ടമാണ്. ഒരേസമയം ഔഷധവും സുഗന്ധവിളയുമാണ് മാങ്ങാ ഇഞ്ചി.കാഴ്ചയില്‍  അലങ്കാര ചെടികളെപ്പോലെ ഭംഗിയുള്ളതാണ് 

എവിടെ വേണമെങ്കിലും നട്ടുവളർത്താവുന്ന ചെടിയാണ് ഇത്. തണലുവേണമെന്നോ ,സൂര്യപ്രകാശം നന്നായി വേണമെന്നോ  നിര്‍ബന്ധമില്ല. ഗ്രോ ബാഗ്, ചാക്ക്, ചട്ടികളിലുമൊക്കെ യഥേഷ്ടം നടാം. പ്രധാനമായും ഇഞ്ചി,മഞ്ഞള്‍ എന്നിവ നടുന്ന മെയ് – ജൂണ്‍ മാസങ്ങളാണ് മാങ്ങാ ഇഞ്ചി നടാന്‍ ഉത്തമമെങ്കിലും മൂപ്പെത്തിയ മാങ്ങാ ഇഞ്ചി ലഭിച്ചാല്‍ ഏതു കാലാവസ്ഥയിലും നടാം.