Features

സ്വാഭാവിക കൃഷിയിടത്തിൽ ... തനത് കൃഷി വിശേഷങ്ങളോടെ ...രാജൻ

സ്വാഭാവിക കൃഷിയിടത്തിൽ ... തനത് കൃഷി വിശേഷങ്ങളോടെ ...രാജൻ

എഴുതിയത് ഗിരീഷ് അയിലക്കാട്

സ്വാഭാവിക കൃഷിയിടമാണ്.. പാലക്കാട്, പടിഞ്ഞാറങ്ങാടിയിലെ മുക്കടക്കാട്ട് രാജനിലൂടെയുള്ള കാർഷിക സവിശേഷതയെന്ന്.. ആമുഖമായ് പറഞ്ഞു വെക്കാവുന്നതാണ്... തെങ്ങും, കമുകും, ഇഞ്ചിയും, മഞ്ഞളും, ചേമ്പും, ചേനയും, വാഴയും, പച്ചക്കറികളും, മീൻ വളർത്തലുമൊക്കെ നിറഞ്ഞ ഒരേക്കർ കൃഷിയിടം... ഗൃഹത്തിലേക്കാവശ്യമായ ജൈവ, ഭക്ഷ്യസ്വയംപര്യാപ്തത സുഭിക്ഷമാക്കുന്നുണ്ട്...

ജൈവ പച്ചക്കറി കൃഷിക്കാണ് രാജൻ കൃഷിയിൽ കൂടുതൽ പ്രാധാന്യം നല്കുന്നത്..

ജൈവകൃഷിക്ക് പ്രാധാന്യം നല്കുന്ന കൃഷിയിടത്തിന്റെ.. ജൈവ സമൃദ്ധിയെ സമ്പുഷ്ടമാക്കുന്നതിനായ് പട്ടിത്തറ കൃഷിഭവൻ പച്ചക്കറി വികസന പദ്ധതി പ്രകാരം അനുവദിച്ച മികച്ചൊരു മണ്ണിര കമ്പോസ്റ്റ് യൂണിറ്റും ഇവിടെയുണ്ട്. ഊർജ്ജസ്വലരായ ആഫ്രിക്കൻ മണ്ണിരകൾ സമ്പുഷ്ടമായ മണ്ണിര വളം രാജന് നല്കുന്നു... കൃഷിയാവശ്യങ്ങൾ കഴിഞ്ഞുള്ള മണ്ണിര വളങ്ങൾ ആവശ്യക്കാർക്ക് രാജൻ വിലക്ക് നല്കുകയും ചെയ്യുന്നുണ്ട്..

പ്ലാസ്റ്റിക്ക് ക്യാനുകളിലും, ഗ്രോബാഗുകളിലും, ചാക്കിലും, ചെടിച്ചട്ടികളിലുമൊക്കെ ഇവിടെ പച്ചക്കറി കൃഷികൾ നിറയുന്നുണ്ട്

ചുരുങ്ങിയ സ്ഥലങ്ങൾ പ്രയോജനപ്പെടുത്തി, മുപ്പത്തിയഞ്ചിലേറെ ചെടിച്ചട്ടികൾ നിരത്തി പച്ചക്കറി കൃഷികൾ ചെയ്യാവുന്ന തരത്തിൽ രാജൻ തന്നെ രൂപകല്പന ചെയ്ത വെജിറ്റബിൾ ഗ്രോ ടവറിലും ഇവിടെ പച്ചക്കറി കൃഷിയുണ്ട്.. പച്ചക്കറി കൃഷികൾ ചെയ്യുന്നതിനായ് ആവശ്യക്കാർക്ക് ഇവ നിർമ്മിച്ച് നല്കുവാനും രാജൻ തയ്യറാണ്...

പച്ചക്കറി കൃഷി ചെയ്യുവാൻ സ്ഥലമില്ല എന്ന് സങ്കടപ്പെടുന്നവർക്ക് രാജൻ രൂപകല്പന ചെയ്ത വെജിറ്റബിൾ ഗ്രോടവർ പ്രയോജനപ്പെടുത്താവുന്നതാണ്...

കൂടുതൽ മണ്ണും, ജൈവവളങ്ങളുമൊക്കെ നിറക്കാവുന്ന തരത്തിലുള്ള കൂടുതൽ ഈട് നിൽക്കുന്ന ഗ്രോബാഗുകളും രാജൻ ആവശ്യക്കാർക്ക് നിർമ്മിച്ച് നല്കുന്നുണ്ട്..

മീൻ വളർത്തൽ ടാർപായയിൽ ഒരുക്കിയ താല്ക്കാലിക കുളത്തിലാണ്. തിലോപ്പിയ ഇനത്തിൽ പ്പെട്ട മത്സ്യങ്ങൾ ഇവിടെ സുഭിക്ഷമായാണ് വളരുന്നത്... കൂടാതെ ഗപ്പിയുടെയും, അലങ്കാര മത്സ്യങ്ങളുടേയും നല്ലൊരു ശേഖരവും ഇവിടെയുണ്ട്...

പശുവിനും ആടിനു മൊക്കെ തീറ്റയായ് നല്കാവുന്ന പുൽകൃഷിക്കുള്ള നല്ലൊരു നഴ്സറിയും ഇവിടെ ഒരുക്കിയിട്ടുണ്ട്.. ആവശ്യക്കാർക്ക് കൃഷിക്കായുള്ള പുൽകമ്പുകളും ഇവിടെ തയ്യാറാണ്.... ആവശ്യമുള്ളവർക്ക് താല്പര്യപ്രകാരം രാജനെ സമീപിക്കാവുന്നതാണ് Mob: രാജൻ 9946363429


English Summary: Natural Farming

Share your comments

Subscribe to newsletter

Sign up with your email to get updates about the most important stories directly into your inbox
Krishi Jagran Malayalam Magazine