ഊദ് ,ഒരു സുഗന്ധ വൃക്ഷം 

Tuesday, 09 January 2018 11:33 By KJ KERALA STAFF
പൊന്നിനെക്കാള്‍ വിലയുള്ള മരത്തെകുറിച്ചു കേട്ടിട്ടുണ്ടോ? പണം കായ്ക്കുന്ന മരം എന്ന ചൊല്ലിനെ അന്വര്‍ത്ഥമാക്കുന്ന ഒരു മരം. അതാണ് ചന്ദനത്തിന്‍റെ അപരനായി കരുതുന്ന ഊദ് അഥവാ അകിൽ. കാഴ്ചയില്‍ വെറുമൊരു  മരക്കഷ്ണമായ ഇതിൻ്റെ  മൂല്യം വളരെ വലുതാണ്  സുഗന്ധ ലേപനങ്ങൾ നിര്‍മ്മിക്കാന്‍ ഉപയോഗിക്കുന്ന അകിലിന്‍റെ വില സ്വർണ്ണത്തേക്കാൾ കൂടുതലാണ്. നുറ്റാണ്ടുകള്‍ക്ക്  മുൻപ് ഒരു തടികഷണം പുകച്ചാല്‍ മനസിനും, ശരീരത്തിനും ഉന്മേഷവും, സമാധാനവും ലഭിക്കുമെന്ന് നമ്മുടെ പിതാമഹാന്മാര്‍ കണ്ടുപിടിച്ചു. 

oudh

ഊദ് അഥവാ അഗര്‍-അക്വിലേറിയ എന്ന മരത്തില്‍ നിന്നാണ് നമ്മള്‍ ഉപയോഗിക്കുന്ന തരത്തില്‍ സുഗന്ധദ്രവ്യമായി ഇതു തയ്യാറാക്കുന്നത്. 40 മീറ്ററോളം ഉയരത്തില്‍ ഊദ് മരം വളരും. ലോകത്തിൻ്റെ  വിവിധ ഭാഗങ്ങളില്‍ 17 വിഭാഗത്തില്‍പെട്ട ഊദ് മരങ്ങള്‍ വളരുന്നുണ്ട്. ഇതില്‍ എട്ടെണ്ണത്തില്‍ നിന്ന് മാത്രമാണ് ഊദ് ലഭിക്കുന്നത്.  ഊദ് എണ്ണയാണ് ലോകത്ത് ഏറ്റവും വില കൂടിയ എണ്ണ.  ആയുര്‍വേദ, യുനാനി ഔഷധങ്ങളിലും ഊദ് ഉപയോഗിക്കുന്നുണ്ട്.അന്‍പത് വര്‍ഷത്തോളം കാലമെടുത്താലെ ഊദ് സുഗന്ധമരമാകൂ. എന്നാല്‍ ഇതിനേക്കാള്‍ പ്രാധാന്യമുള്ളതാണ് ഈ മരം തുളയ്ക്കുന്ന ഒരു തരം വണ്ടിൻ്റെ  സാന്നിധ്യത്തിന്. ഊദ് മരത്തിൻ്റെ  തൊലി പൊട്ടിപിളര്‍ന്നു ഒരു തരം ദ്രാവകം പുറത്തേക്ക് വരും. ഈ ദ്രാവകത്തിന്പ്രത്യേകസുഗന്ധമുണ്ടാവും.ഇത് വണ്ടുകളെ മരത്തിലേക്ക് ആകര്‍ഷിക്കുന്നു. ഈ വണ്ടുകളാണ് യദാര്‍ത്ഥത്തില്‍ ഊദ് ഉല്‍പാദിപ്പിക്കുന്നത്. ഊദ് മരത്തിൻ്റെ  കാതലിനുള്ളില്‍ വണ്ടുകള്‍ സഹവാസം തുടങ്ങുന്നു. . ഈ വണ്ടുകളില്‍ നിന്നും പുറത്തുവരുന്ന ഒരു തരം എന്‍സെം മരത്തില്‍ ഒരു തരം പൂപ്പല്‍ബാധയുണ്ടാക്കുന്നൂ. മാത്രമല്ല മരത്തിന്റെ കാതല്‍ വിവിധ രൂപങ്ങളിലായി പൊടിഞ്ഞുമാറുകയും ചെയ്യുന്നു. ഈ പ്രക്രിയ പൂര്‍ത്തിയാകുമ്പോള്‍ ഊദ് മരം വലിയ ചിതല്‍പ്പുറ്റ് പോലെയാവും. ഈ മരകഷ്ണമാണ് അമൂല്യമായ സുഗന്ധദ്രവ്യമാകുന്നത്.

ഊദില്‍ നിന്നുമെടുക്കുന്ന സുഗന്ധദ്രവ്യത്തിന് ലിറ്ററിന് ലക്ഷങ്ങള്‍ വില വരും. മരത്തിൻ്റെ  കാലപ്പഴക്കമാണ് ഊദിൻ്റെ   വില നിശ്ചയിക്കുന്നത്. ആറായിരം മുതല്‍ പത്തുലക്ഷം വരെ വിലയുള്ള ഊദ് വിപണിയില്‍ ലഭ്യമാണ്.എണ്ണയുടെ കട്ടിയും കടുത്ത നിറവുമാണ് ഏറ്റവും മുന്തിയവയെ തിരിച്ചറിയാന്‍ ഇടയാക്കുന്നത്.  ഊദ് എണ്ണക്ക് 12 മില്ലിഗ്രാമിന് 3,000 മുതല്‍ 22,000 വരെയാണ് വില. ഇത്രയും ആദായമുള്ള ഈ മരം നട്ടുവളര്‍ത്താന്‍ പക്ഷെ ബുദ്ധിമുട്ടാണ്. 70 കിലോ ഊദില്‍ നിന്നും കഷ്ടിച്ച് 20 മില്ലി തൈലം മാത്രമാണ് ലഭിക്കുക. ഊദ് കൃഷി വ്യാപകമാകാതിരിക്കാനുളള കാരണം ഇതാണ്.  100 കൊല്ലമെങ്കിലും പ്രായമുള്ള മരത്തില്‍ നിന്ന് പ്രകൃത്യാ രോഗം വന്ന് സ്രവിക്കുന്ന ഊദ് ഏറ്റവും മികച്ചതായി കരുതപ്പെടുന്നു

Oudh bark

സൗത്ത് ഏഷ്യന്‍ കാടുകളിലാണ് ഊദ് മരം കൂടുതലും കാണപ്പെടുന്നത്. ഏറ്റവും മുന്തിയ ഇനം ഊദ് ഇന്ത്യയില്‍ നിന്നുള്ളതാണ്.   ഇന്ത്യയില്‍ ആസാമിലെ ഗുവാഹത്തി മേഖലയിലെ വനങ്ങളിലാണ്. ഇന്ത്യ, ദ് മരത്തിൻ്റെ  തൈ നമ്മുടെ മണ്ണിലും വളരും.  കേരളത്തിലും ഇപ്പോള്‍ വ്യാപകമായി ഊദ് മരങ്ങള്‍ കൃഷി ചെയ്യുന്നുണ്ട്. കൊല്ലം ജില്ലയില്‍ വ്യാവസായികമായി തന്നെ ഊദ് കൃഷി ചെയ്യുന്നവരുണ്ട്.. കേരളത്തിന്‍റെ കാലാവസ്ഥയിൽ തഴച്ചു വളരുന്ന മരമാണിത്.

കുറഞ്ഞ മുതല്‍ മുടക്കില്‍ ഉയര്‍ന്ന വരുമാനം ഈ മരം നമുക്ക് നല്‍കുന്നു.പ്രത്യേകമായി ഒരു പരിചരണവും ഇതിനാവശ്യമില്ല .കേരളത്തിലെ കാലാവസ്ഥ ഇതിന് ഏറെ അനുയോജ്യവും ആണ് ,അധികകൂലി ചെലവില്ലാതെ ഇടവിളയായി (കവുങ്ങ് ,റബ്ബര്‍,തെങ്ങ്,ഏലം) തോട്ടങ്ങളിലും ഇത് കൃഷി ചെയ്യാം .വെള്ളം കെട്ടി നില്‍ക്കാത്ത ഉപ്പുരസമില്ലാത്ത ഏത് മണ്ണിലും ഊദ് കൃഷി ചെയ്യാം .8×8 അടി അകലത്തില്‍1.5 അടി താഴ്ചയില്‍ കുഴികളെടുത്തു നടാം .ആദ്യത്തെ ഒരു വര്‍ഷം വേനലില്‍ നനച്ചു കൊടുക്കണം ,നട്ടുകഴിന്ച് 5 -ആം വര്‍ഷം ഇതിനെ കൃത്രിമ ഇന്നോക്കുലേഷന്‍ (ഫംഗസ് ട്രീറ്റ്മെന്റ്)നല്‍കുകയാണെങ്കില്‍ 8ആം വര്‍ഷം വിളവെടുക്കാം .കൃഷി ചെലവില്ല, രോഗകീടബാധകള്‍ തീരെ ഇല്ല,പരിചരണ മുറകളും തീരെ ഇല്ല എന്ന് തന്നെ പറയാം .

വന്‍ ആഗോള വിപണിയാണ് ഊദിനുള്ളത്,ലോകത്തിലെ ഏറ്റവും കൂടുതല്‍ ഉപഭോക്താക്കള്‍ അറേബ്യന്‍ നാടുകളിലാണ് .ഇവയുടെ വില ഗ്രേഡ് അനുസരിച്ചാണ്.ഊദ് മരത്തിൻ്റെ  കായകള്‍ മരുന്നായും ഇലകള്‍ ചായയായും ഉപയോഗിക്കുന്നു .അപസ്മാരം, സന്ധിവാതം, പ്രസവാനന്തരം ഉണ്ടാകുന്ന രോഗങ്ങള്‍, ശ്വസനസംബന്ധിയായ പ്രശ്‌നങ്ങള്‍, ആസ്മ, കാന്‍സര്‍, കരള്‍രോഗം, വാര്‍ധക്യ പ്രശ്‌നങ്ങള്‍ തുടങ്ങി ഒട്ടനവധി രോഗങ്ങള്‍ക്ക് ഊദ് മരുന്നായി ഉപയോഗിച്ചിരുന്നു. വിവിധ ത്വക്കുരോഗങ്ങള്‍ക്ക് ഇന്നും അറബികള്‍ ഊദ് .ഉപയോഗിക്കാറുണ്ട് .
 

Comments



MORE ON FEATURES

തളിര്‍വെറ്റിലയുണ്ടോ വരദക്ഷിണവെയ്ക്കാന്‍'

ഷിബു ചക്രവര്‍ത്തിയുടെ വരികള്‍ക്ക് എസ്.പി. വെങ്കിടേഷ് സംഗീതം പകര്‍ന്ന് മലയാളത്തിന്റെ വാനമ്പാടി കെ.എസ്. ചിത്ര ആലാപനം ചെയ്ത ഈ സിനിമാഗാന വരി വെറ്റിലയും മലയാളിയും തമ്മിലുള്ള ജൈവിക ബന്ധത…

September 24, 2018

ജലം:  സംരക്ഷിക്കാം.സംഭരിക്കാം. പരിപാലിക്കാം.

കുടിവെള്ളത്തിന് പ്രധാനമായും മഴവെള്ളത്തെ ആശ്രയിക്കുന്ന ഒരു കൊച്ചു സംസ്ഥാനമാണ് കേരളം. ലോകത്തിലെ മൂന്നിലൊരുഭാഗം ജനങ്ങള്‍ ഇന്ന് കുടിവെള്ളക്ഷാമം അനുഭവിച്ചുകൊണ്ടിരിക്കുകയാണ്. കാലവര്‍ഷവ…

September 17, 2018

പ്രത്യാശയുടെ 'ചേക്കുട്ടി'

കാഴ്ച്ചയില്‍ അത്ര ഭംഗിയോ നമ്മൾ പ്രതീക്ഷിക്കുന്ന പൂര്‍ണതയോ ഉണ്ടാകണമെന്നില്ല. എങ്കിലും നമ്മൾചേർത്തു പിടിക്കണം ചേക്കുട്ടിയെ.

September 13, 2018

FARM TIPS

 ചക്കയിടാന്‍ ഒരു സൂത്രം

September 22, 2018

പ്ലാവില്‍ കയറി ചക്കയിടാന്‍ 500 രൂപ കൂലി ചോദിക്കും. ഇതില്‍ ഭേദം പക്ഷികളും അണ്ണാന്മാരും ചക്ക തിന്ന് താഴേക്ക് ഇട്ടു തരുന്ന ചക്കക്കുരു പെറുക്കി വിഭവങ്ങളുണ…

കര്‍ഷകര്‍ക്ക് കൃഷിഭവനില്‍ നിന്നും ലഭിക്കുന്ന സേവനങ്ങള്‍

September 11, 2018

* കാര്‍ഷികാവശ്യത്തിന് പമ്പ് സെറ്റ് സ്ഥാപിച്ച് വൈദ്യുതി കണക്ഷന് മുന്‍ഗണന ലഭിക്കുന്നതിനുളള സര്‍ട്ടിഫിക്കറ്റ് ലഭിക്കാന്‍. നിര്‍ദ്ദിഷ്ട ഫോറത്തില്‍ പമ്പ്‌സ…

വെള്ളപ്പൊക്കം; വീടുകള്‍ ശുദ്ധീകരിക്കാന്‍ ബ്ലീച്ചിംങ് പൗഡര്‍

August 21, 2018

വെള്ളപൊക്കത്തിനു ശേഷം മലിനമായ വീടുകള്‍ അണു വിമുക്തം ആക്കാന്‍ ഏറ്റവും നല്ലത് ബ്ലീച്ചിംങ് പൗഡര്‍ ഉപയോഗിക്കുകയാണ്.






CopyRight - 2018 Krishi Jagran Media Group. All Rights Reserved.