സരസമ്മ എപ്പോഴും തിരക്കിലാണ്.

സരസു അമ്മച്ചിക്ക്  87 വയസായെങ്കിലെന്താ.രാവിലെ 5 മണിക്ക് എഴുന്നേൽക്കും.ഒരു സമയം പോലും വെറുതെ ഇരിക്കില്ല. വീട്ടിലെ കൃഷികാര്യം മുഴുവൻ നോക്കുന്നത് അമ്മച്ചിയാണ്. സ്ഥലം ഒരുക്കുന്നതുമുതൽ വിളവെടുപ്പ് വരെ . എല്ലാം പുള്ളിക്കാരിക്ക് തനിയെ ചെയ്യണം.

ആലപ്പുഴ ജില്ലയിലെ മുഹമ്മപ്പഞ്ചായത്തിൽ 12-ാം വാർഡിലെ ഭുവനചന്ദ്രന്റെ അമ്മ സരസമ്മയാണ് ഈ കൃഷിക്കാരി.

സരസു     അമ്മച്ചിയുടെ തോട്ടത്തിൽ ഓറഞ്ചുമുതൽ കാന്താരിവരെയുള്ള വിഭവങ്ങൾ ഉണ്ട്. ചീര, വെണ്ട . വഴുതന, പീച്ചിൽ, പടവലം, പാവൽ, പച്ചമുളക് അങ്ങനെ ഒരു വീട്ടിലേയ്ക്കാവശ്യമുള്ളതെല്ലാം കൃഷി ചെയ്യും. കൃഷി ചെയ്യുന്നതു കൂടാതെ വീട്ടിലെ മറ്റു ജോലികളും സരസു അമ്മയുടെ മേൽനോട്ടത്തിലേ പാടുള്ളൂ. അത് നിർബന്ധമാണ്.