അയൂബിൻ്റെ പരീക്ഷണം വിജയിച്ചു; ഇനി കുരുമുളക് കൃഷിയില്‍ വിയറ്റ്‌നാം മാതൃക

Thursday, 12 July 2018 12:06 By KJ KERALA STAFF
കുരുമുളക് ഉല്പാദനത്തില്‍ മുന്‍പന്തിയില്‍ നില്‍ക്കുന്ന വിയറ്റ്‌നാമില്‍ പരീക്ഷിച്ച് വിജയിച്ച താങ്ങുകാല്‍ മാതൃക കേരളത്തിലും പരീക്ഷിച്ച് വിജയിപ്പിച്ചിരിക്കുകയാണ് കാര്‍ഷിക മേഖലയിലെ മാതൃക ഗവേഷക കര്‍ഷകനായ വെള്ളമുണ്ട ആറുവാള്‍ തോട്ടോളി അയൂബ്. എടവക പഞ്ചായത്തിലെ സഫ ഓര്‍ഗാനിക് ഫാമിലാണ് അയൂബ് കുരുമുളക് കൃഷിയില്‍ വിയറ്റ്‌നാം മാതൃക പരീക്ഷിച്ച് വിജയം കണ്ടത്.
Vietnam pepper
 
2016 ലാണ് മാനന്തവാടി എടവക പഞ്ചായത്തിലെ താനിയാടുള്ള കൃഷിസ്ഥലത്ത് എടവക കൃഷിഭവനിലെ കൃഷി ഓഫീസര്‍ മണികണ്ഠന്റെ സഹായത്തോടെ അയൂബ് ഈ രീതിയില്‍ കൃഷി ആരംഭിച്ചത്. കുരുമുളക് കൃഷിയക്ക് സാധാരണയായി ഉപയോഗിക്കുന്ന മരങ്ങളുടെ താങ്ങു കാലുകള്‍ക്ക് പകരം നിര്‍ജ്ജീവ കാലുകള്‍ (dead Post) ഉപയോഗിക്കുന്നതാണ് രീതി. മരത്തടികള്‍ ദീര്‍ഘകാലം നിലനില്‍ക്കാന്‍ വേണ്ടി രാസവസ്തുക്കളുപയോഗിച്ച് ട്രീറ്റ് ചെയ്‌തോ, കോണ്‍ക്രീറ്റ്, ജി.ഐ പൈപ്പ്‌ എന്നിവ ഉപയോഗപെടുത്തിയോ താങ്ങു കാലുകള്‍ ഉണ്ടാക്കാം. പതിനഞ്ച് അടി നീളവും നാല് ഇഞ്ച് കനവുമുള്ള കോണ്‍ക്രീറ്റിന്റെ ചതുര തൂണുകളാണ്  അയൂബ് തിരഞ്ഞെടുത്തത്. തോട്ടത്തില്‍ തന്നെ ഒരു പോസ്റ്റിന് 1150 രൂപ നിരക്കില്‍ 3 കമ്പി ഇട്ട് വാര്‍ത്തെടുക്കുകയായിരുന്നു.
 
പതിമൂന്ന്‌ അടി മുകളില്‍ വരത്തക്കവിധം രണ്ടടിയുടെ കുഴികളെടുത്ത് അതില്‍ പോസ്റ്റ് ചെരിവോ, ഇളക്കമോ ഇല്ലാതെ ഉറപ്പിച്ചു. അടിയില്‍ കോണ്‍ക്രീറ്റ് ചെയ്യാതെ തന്നെ ചെറിയ കല്ലുകള്‍, ഇഷ്ടിക കഷണങ്ങള്‍ ഇതൊക്കെ ഉപയോഗിച്ചാണ് പോസ്റ്റ് ഉറപ്പിച്ചത്. പോസ്റ്റിന്റെ വടക്കുഭാഗത്തു ഒരടി സമചതുര കുഴി എടുത്ത് അതില്‍ ട്രൈക്കോഡര്‍മ കൊണ്ട് സമ്പുഷ്ടീകരിച്ച ചാണകവും മേല്‍മണ്ണും കൊണ്ട് നിറച്ച് ഒരാഴ്ച കഴിഞ്ഞ് ഒരു കുഴിയില്‍ 3 വീതം തൈകള്‍ നട്ടു. വേനലില്‍ ജലസേചനത്തിന് ഡ്രിപ്പ് ഇറിഗേഷന്‍ സൗകര്യം ഏര്‍പെടുത്തി. മഴ മാറിക്കഴിഞ്ഞപ്പോള്‍ ഒരു മാസം ഇടവേളയില്‍ ചാണകം, കടലപിണ്ണാക്ക്, വേപ്പിന്‍ പിണ്ണാക്ക് പുളിപ്പിച്ചത് നേര്‍പ്പിച്ച് ചെടികള്‍ക്ക് ചുവട്ടില്‍ ഒരു ലിറ്റര്‍ വീതം 3 മാസക്കാലം കൊടുത്തു.
 
ആദ്യവര്‍ഷത്തെ വേനല്‍ക്കാലം എല്ലാ ദിവസവും ഒരു നേരം മുടങ്ങാതെ നനച്ചു കോണ്‍ക്രീറ്റ് ചൂടാവും എന്ന ആശങ്ക ഉണ്ടായിരുന്നെങ്കിലും ആദ്യവര്‍ഷം തണലുകൊടുത്തിട്ടില്ല. പറ്റിപ്പിടിച്ചു വളരാനുള്ള സൗകര്യത്തിന് പോസ്റ്റ് ഷെയ്ഡ് നെറ്റ് കൊണ്ട് പൊതിഞ്ഞു. നല്ല വളര്‍ച്ച ഉണ്ടായിരുന്നതായി അയൂബ് പറയുന്നു. ഒരു വര്‍ഷം ആയപ്പോള്‍ തന്നെ ഒന്നു രണ്ട് ചെടികള്‍ തിരിയിട്ടിരുന്നു. രണ്ടാം വര്‍ഷം വേനലില്‍ ചെടികളില്‍ മഞ്ഞളിപ്പ് മാറാതിരുന്നത് ആശങ്കയുണ്ടാക്കി. സൂര്യാഘാതമാണ് കാരണമെന്ന് കണ്ടെത്തി ഓലകൊണ്ട് തണലൊരിക്കയപ്പോള്‍ ആ പ്രശ്‌നവും പരിഹരിക്കാനായി. എന്താണ് രോഗമെന്നറിയാതെ ആകെ വിഷമിച്ച് നില്‍ക്കുമ്പോള്‍ പരിഹാരം കണ്ടെത്താന്‍ സഹായിച്ചത്, ആത്മ വയനാടിന്റെ മുന്‍ ഡെപ്യൂട്ടി ഡയറക്ടറായിരുന്ന ആശയാണന്ന് ഇദ്ദേഹം പറഞ്ഞു. 

Comments



MORE ON FEATURES

നിരപ്പേല്‍ നഴ്‌സറിയിലെ മള്‍ട്ടിപ്പിള്‍ വിപ്ലവം

കേരളത്തിലെ കാര്‍ഷിക മേഖലയിലെ നഴ്‌സറികളുടെ തലസ്ഥാനമാണ് തൃശൂര്‍. മണ്ണുത്തി, പട്ടിക്കാട്, നടത്തറ പഞ്ചായത്തുകളിലായി ചെറുതും വലുതുമായ 350 ഓളം നഴ്‌സറികളുണ്ട്. ഈ പ്രദേശത്തെ കുടില്‍ വ്യവസാ…

November 12, 2018

ബോൺസായ് - തളികയിലെ കൗതുകവൃക്ഷം

പൂന്തോട്ടത്തിലും വീടിന്റെ അകത്തളത്തിലും കൗതുകവും ആഡംബരവുമായ ബോൺസായ് ഏതുകാലത്തും ഏവർക്കും പ്രിയങ്കരമായ പുഷ്‌പാലങ്കാര രീതിയാണ്. പുരാതനകാലത്ത് ചൈനയിലും ജപ്പാനിലുമുള്ളവരാണ് വൃക്ഷങ്ങള…

November 05, 2018

തൈക്കാട് ഗാന്ധിഭവനിലെ നന്മയുടെ നാട്ടുവിപണി

നാട്ടുചന്തയും നാടന്‍ വിപണി സമ്പ്രദായവും തികച്ചും അന്യമായ ഈ കാലഘട്ടത്തില്‍ ഇത്തരം ചന്തകളും വിപണികളും പുതുലമുറയ്ക്ക് പരിചയ പ്പെടുത്തുകയാണ് ഹൈടെക് കൂട്ടായ്മ എന്ന് നമ്മള്‍ വിളിക്കുന്ന …

November 03, 2018

FARM TIPS

കൊമ്പൻചെല്ലിയെ തുരത്താൻ

November 03, 2018

തെങ്ങിനെ ബാധിക്കുന്ന നിരവധികീടങ്ങളിൽ പ്രധാനപ്പെട്ടതാണ് കൊമ്പൻ ചെല്ലി തെങ്ങുകളെ ആക്രമിക്കുന്ന ഇവ വണ്ട് വർഗത്തിൽപ്പെട്ട പറക്കാൻ കഴിവുള്ള ഒരു .ഷഡ്പദമാണിത…

ചേമ്പിനു വിത്തായി തള്ളച്ചേമ്പും പിള്ളച്ചേമ്പും ഉപയോഗിക്കാം.

October 22, 2018

ചെറു ചേമ്പിന്റെ വിളവെടുപ്പിന് ഒരു മാസം മുന്‍പ് ചെടിയുടെ ഇലകള്‍ കൂട്ടിക്കെട്ടി ചുവട്ടില്‍ വളച്ച് മണ്ണിടുകയും നന നിര്‍ത്തുകയും ചെയ്താല്‍ കിഴങ്ങുകള്‍ കൂട…

പച്ചക്കറി കൃഷിക്ക് ചില നാടൻ നുറുങ്ങുകൾ

October 22, 2018

മുളകു വിത്തു പാകമാകുമ്പോള്‍ അതോടൊപ്പം കുറച്ച് അരിപ്പൊടി കൂടി വിതറിയാല്‍ വിത്തു നഷ്ടം ഒഴിവാക്കാവുന്നതാണ്. മുളകിന്റെ കുരുടിപ്പ് മാറ്റുവാന്‍ റബര്‍ ഷീറ…






CopyRight - 2018 Krishi Jagran Media Group. All Rights Reserved.