Health & Herbs

ശതാവരി 

നമ്മുടെ നാട്ടിൽ സുലഭമായി കണ്ടുവരുന്ന ഒരു ഔഷധ സസ്യമാണ് ശതാവരി. സംസ്‌കൃതത്തിൽ  ഇതിനെ  സഹസ്രവീര്യ എന്ന് അറിയപ്പെടുന്നു. ശതാവരി എന്നാൽ .നൂറു വേരുകൾ എന്നർത്ഥം . അനേകം ഔഷധ ഗുണം ഉള്ളത് കൊണ്ട് ശതാവരിയെ ആയുർവേദത്തിലെ ജീവന പഞ്ചമൂലത്തിൽ ഉൾപ്പെടുത്തുയിരിക്കുന്നു..ഋഗ്വേദത്തിലും ,അഥർവ വേദത്തിലും ശതാവരിയുടെ ഔഷധ ഗുണത്തെ പറ്റി രേഖപ്പെടുത്തിയിട്ടുണ്ട് കിഴങ്ങുവേരുകൾ ഉള്ള ആരോഹി സസ്യമാണിത്.ഇതിൻ്റെ  ഇലകൾ ചെറു മുള്ളുകളായി രൂപാന്തരപ്പെട്ടിരിക്കുന്നു.അയവുള്ളതും ഈർപ്പം ഉള്ളതുമായ എല്ലാ മണ്ണിലും ശതാവരി വളരുന്നു.ഇന്ത്യയിലുടനീളം ഈ സസ്യം കൃഷി ചെയ്യപ്പെടുന്നു.
ശതാവരിയുടെ ഇല,കിഴങ്ങ് എന്നിവയാണ്  ഔഷധ ഗുണമുള്ള ഭാഗങ്ങൾ.ക്ഷയം,പിത്തം,വാതം എന്നിവയ്ക്കും ,മുലപ്പാൽ  വർദ്ധിക്കുന്നതിനും, അത്യുത്തമമാണ് ശതാവരി  ഇത്  ദഹനപ്രക്രിയയെ  ത്വരിതപ്പെടുത്തുന്നു. പ്രതിരോധ ശേഷി വർധിപ്പിക്കുന്നതിനും ശതാവരി നല്ലതാണ്. ആയുർവേദത്തിൽ ശതാവരി പലവിധ ഔഷധ കൂട്ടുകളിലും ഉപയോഗിക്കുന്നു .ശതാവരിഗുളം, ശതാവരി ഘൃതം, സഹജരാദി കുഴമ്പ്, രാസ്നാദി കഷായം എന്നിവയിൽ ഉപയോഗിക്കുന്നു. 
നമ്മുടെ നാട്ടിൽ  പ്രധാനമായും രണ്ടുതരം ശതാവരികളാണ്‌  കണ്ടുവരുന്നത് അസ്പരാഗസ് ഗൊണോക്ലാഡസ്, അസ്പരാഗസ് റസിമോസസ്എന്നീ ഇനങ്ങളാണ്. അസ്പരാഗസ് ഗൊണോക്ലാഡസ് എന്ന ഇനം വളരെ ഉയരത്തിൽ പടർന്നു വളരുന്നവയും മുള്ളുകൾ അല്പം വളഞ്ഞതുമാണ്‌. ജനുവരി - മാർച്ച് മാസങ്ങളിൽ പുഷ്പിക്കുന്നു. അസ്പരാഗസ് റെസിമോസസ് എന്ന വർഗ്ഗം അധികം ഉയരത്തിൽ പടരാത്തവയും നേരെയുള്ള മുള്ളുകൾ ഉള്ളതുമാണ്‌. ജൂൺ - സെപ്റ്റംബർ മാസങ്ങളിൽ പുഷ്പിക്കുന്നു.

Share your comments