സർക്കാർ ഫാമുകളിൽ നിന്നും കോഴികുഞ്ഞുങ്ങളെ   വാങ്ങാം -  വഞ്ചിക്കപെടാതിരിക്കാം 

കേരളത്തിൽ എല്ലാ ജില്ലകളിലും വളർത്തു പക്ഷികളെയും മൃഗങ്ങളെയും വിൽക്കുന്ന നിരവധി ഫാമുകൾ ഉണ്ട്. കൂടാതെ വഴിയോര കച്ചവടക്കാരും വാഹനങ്ങളിൽ കുഞ്ഞുങ്ങളെ കൊണ്ടുനടന്നു വിൽക്കുന്നവർ  മുഖേനയും കോഴി, താറാവ്, കാട എന്നിവയെ വാങ്ങാൻ ലഭിക്കും. യഥാർത്ഥത്തിൽ കൊള്ള ലാഭമുണ്ടാക്കുകയാണ് ഇവർ ചെയ്യുന്നത് സർക്കാർ ഫാമുകളിൽ കോഴികുഞ്ഞുങ്ങളെയും താറാവിന് കുഞ്ഞുങ്ങളെയും  ന്യായമായ വിലയ്ക്ക് ലഭിക്കുമ്പോൾ സ്വകാര്യ കച്ചവടക്കാർ കൂടുതൽ വില ഈടാക്കിയാണ്  സാധാരണക്കാർക്ക് കുഞ്ഞുങ്ങളെ നൽകുന്നത് കൂടാതെ യഥാസമയം വാക്സിനേഷനുകളോ മരുന്നുകളോ നല്കപെടാത്ത കുഞ്ഞുങ്ങൾ അധിക ദിവസം കഴിയുന്നതിനു മുൻപേ ചത്ത് പോകുകയും ചെയ്യും ഇത് പലരും പറഞ്ഞു കേട്ടിട്ടുള്ള അവരുടെ സ്വന്തം അനുഭവമാണ്. 

നല്ലയിനം കോഴികുഞ്ഞുങ്ങളെയും താറാവുകുഞ്ഞുങ്ങളെയും വിൽക്കപ്പെടുന്ന സർക്കാർ  പൗള്‍ട്രിഫാമുകളെ കുറിച്ചുള്ള ധാരണയില്ലായ്മയാണ് പല കർഷകരെയും ഇത്തരത്തിൽ  വഞ്ചിതരാക്കുന്നത്. യഥാസമയങ്ങളിൽ കുത്തിവെപ്പുകളും മരുന്നുകളും നൽകി ശരിയായ  പരിപാലനരീതികൾ  പിന്തുടർന്ന് ആരോഗ്യത്തോടെ വിൽക്കപ്പെടുന്ന കുഞ്ഞുങ്ങൾ  സർക്കാർ ഏജൻസികളിൽ  നിന്നു ലഭിക്കാൻ ഏതൊരു കർഷകനും അവകാശമുണ്ട് . സ്വകാര്യ ഫാമുകൾ  വൻതോതിൽ സമൂഹമാധ്യമങ്ങൾ വഴിയും അല്ലാതെയും  പരസ്യങ്ങൾ നൽകി ഉപഭോക്താക്കളെ ആകര്ഷിക്കുമ്പോൾ സർക്കാർ സംവിധാനങ്ങളും കൂടുതൽ അകാര്യക്ഷമമായി പ്രവർത്തിക്കണം . തദ്ദേശസ്വയംഭരണ  സ്ഥാപനങ്ങളും സർക്കാർ വെബ്സൈറ്റുകളും ഇതിനായി കൂടുഹൽ ശ്രദ്ധ നൽകിയാൽ മാത്രമേ ഇത് സാധ്യമാകൂ. നല്ലയിനം കുഞ്ഞുങ്ങളെ ലഭിക്കുന്ന വിവിധ ജില്ലകളിലെ ഏതാനും വിലാസങ്ങൾ താഴെ കൊടുത്തിരിക്കുന്നു .