Livestock & Aqua

കുളമ്പുരോഗം പടരുന്നു പ്രതിരോധമാർഗങ്ങൾ അറിഞ്ഞിരിക്കാം

കുളമ്പുരോഗം പടരുന്നു

മഴക്കാലമായതോടെ കേരളത്തിൽ  കന്നുകാലികളിൽ കുളമ്പുരോഗം വ്യാപകമായി കാണപ്പെടുന്നു. കേരളത്തിൽ വിവിധയിടങ്ങളിൽ ഇക്കഴിഞ്ഞ ദിവസങ്ങളിൽ കുളമ്പുരോഗ ബാധ വ്യാപകമായി റിപ്പോർട്ട് ചെയ്തിരിക്കുന്നു. ക്ഷീരമേഖലയിൽ കനത്ത പ്രതിസന്ധിക്ക് കാരണമാകുന്ന കുളമ്പുരോഗം പ്രതിരോധിക്കാനുള്ള മാർഗ്ഗനിർദ്ദേശങ്ങൾ കർഷകർ അവലംബിക്കേണ്ടത് അത്യന്താപേക്ഷിതമാണ്.

തണുത്തതും, ഈർപ്പമുള്ളതുമായ കാലാവസ്ഥയിലാണ് വൈറസ് രോഗമായ കുളമ്പുരോഗം കൂടുതൽ വ്യാപിക്കുന്നതായി കണ്ടെത്തിയിരിക്കുന്നത്. രോഗബാധിതരോ, രോഗാണുവാഹകരോ ആയ മൃഗങ്ങളുടെ വിസർജ്യങ്ങളിലൂടെയും, ശരീരസ്രവങ്ങളിലൂടെയും വൈറസ് ധാരാളമായി പുറന്തള്ളപ്പെടുന്നു. അനുകൂല കാലാവസ്ഥയിൽ 60 കിലോമീറ്റർ അകലെയുള്ള പ്രദേശങ്ങളിലേക്ക് വരെ വൈറസ് വ്യാപനം ഉണ്ടാകുന്നു. 
Foot and mouth disease is prevalent in cattle in Kerala during monsoon season. Foot and mouth disease has been widely reported in various parts of Kerala in recent days.

കുളമ്പുരോഗത്തിന്റ പ്രധാന ലക്ഷണങ്ങൾ

 
1. ഉമിനീർ അധികമായി പതഞ്ഞ് പുറത്ത് വരുന്നു.
2.പാലുല്പാദനം ഗണ്യമായി കുറയുന്നു.
3. കടുത്ത പനി
4. തീറ്റ എടുക്കാതിരിക്കുക.
5. ചുണ്ടുകളിലും, മോണയിലും കുമിളകൾ രൂപം കൊള്ളുക.

കുളമ്പുരോഗം -പ്രതിരോധ മാർഗങ്ങൾ

 
1.ആറ് മാസത്തെ ഇടവേളകളിൽ മൃഗസംരക്ഷണ വകുപ്പ് നടത്തുന്ന പ്രതിരോധകുത്തിവെപ്പുകൾ ഉരുക്കൾക്ക് നൽകിയിരിക്കണം.
 
2. രോഗബാധ കണ്ടെത്തിയ പ്രദേശങ്ങളിൽനിന്ന് കന്നുകാലികളെ വാങ്ങുന്നതും വിൽക്കുന്നതും ഒഴിവാക്കണം.
 
3. രോഗമുള്ള പശുക്കൾക്ക്  മറ്റുള്ളവയുമായി സാമീപ്യം ഉണ്ടാവരുത്. തീറ്റയിലൂടെയും, വെള്ളത്തിലൂടെയും, വായുവിലൂടെയും വൈറസ് പകരാൻ സാധ്യത കൂടുതലാണ്.
 
4. ഇതര സംസ്ഥാനത്തുനിന്ന് കൊണ്ടുവരുന്ന മൃഗങ്ങളിൽ നിന്ന് രോഗബാധ ഉണ്ടാകുന്നതായി റിപ്പോർട്ടുകളിൽ പറയുന്നു. അതുകൊണ്ടുതന്നെ ഇതര സംസ്ഥാനത്ത് നിന്ന് കൊണ്ടുവരുന്ന കന്നുകാലികളെ 21 ദിവസം ക്വാറന്റീൻ ചെയ്ത് കുത്തിവെപ്പ് നൽകണം.
5.1% പൊട്ടാസ്യം പെർമാംഗനേറ്റ് ചേർത്ത ലായനി കൊണ്ട് കന്നുകാലികളുടെ കുളമ്പുകൾ വൃത്തിയാക്കുക. തൊഴുത്തും പരിസരവും എപ്പോഴും അണുവിമുക്തമായിരിക്കുവാൻ പ്രത്യേകം ശ്രദ്ധിക്കുക.

English Summary: Prevention of foot-and-mouth disease may be known

Share your comments

Subscribe to newsletter

Sign up with your email to get updates about the most important stories directly into your inbox
Krishi Jagran Malayalam Magazine