News

15-ാമത് റബ്ബര്‍ കോണ്‍ഫറന്‍സിന് ആതിഥ്യം വഹിക്കാനൊരുങ്ങി ചൈന

rubber
15-ാമത് ആഗോള റബ്ബര്‍ കോണ്‍ഫറന്‍സ് തെക്കന്‍ ചൈനയിലെ ഹൈനാന്‍ പ്രവിശ്യയിലുള്ള ഹൈക്കോവില്‍ നടക്കും. ഡിസംബര്‍ 12-14 വരെയായിരിക്കും ഇത് നടക്കുക. ലോകത്താകമാനം റബ്ബര്‍ ഉല്‍പ്പാദനത്തില്‍ മുന്നിട്ടു നില്‍ക്കുന്ന 25 രാജ്യങ്ങളില്‍ നിന്നായി വിദഗ്ദ്ധരും എഴുന്നൂറോളം അതിഥികളും പരിപാടിയില്‍ പങ്കെടുക്കും.
 
പരിപാടിയില്‍ പ്രകൃതിദത്ത റബ്ബര്‍, റബ്ബര്‍ ഉല്‍പ്പന്നങ്ങള്‍ എന്നിവയുടെ വികസന പദ്ധതികള്‍ക്കും മറ്റുമായി ചര്‍ച്ചകള്‍ സംഘടിപ്പിക്കും. ചൈനയില്‍ ആദ്യമായാണ്‌ ഇത്തരത്തിലുള്ള ഒരു ആഗോള കോണ്‍ഫറന്‍സിന് കളമൊരുങ്ങുന്നത്. 
 
ഹൈനാനിലെ പ്രധാന സാമ്പത്തിക സ്രോതസ്സാണ് റബ്ബര്‍. 2018ല്‍ 360,000 ടണ്ണോളം റബ്ബര്‍ ആണ് ഉല്‍പ്പാദിപ്പിക്കപ്പെട്ടത്. റബ്ബര്‍ മേഖലയിലെ ഹൈടെക് വികസനത്തിന് ഈ അന്താരാഷ്‌ട്ര പരിപാടി വഴി സാധിക്കുമെന്നാണ് കരുതുന്നതെന്ന് സംഘാടകര്‍ പറഞ്ഞു.

English Summary: 15th Global Rubber Conference in China

Share your comments

Subscribe to newsletter

Sign up with your email to get updates about the most important stories directly into your inbox

Just in