MFOI 2024 Road Show
  1. News

Aadhar Security: ബെംഗളൂരു കേന്ദ്രം നൽകിയ പ്രസ്താവന കേന്ദ്രം പിൻവലിച്ചു

ഫോട്ടോഷോപ്പിംഗ് വഴിയുള്ള തട്ടിപ്പ് ഒഴിവാക്കുന്നതിനാണ് നിർദ്ദേശം നൽകിയത് എന്നാൽ ഇത് തെറ്റിദ്ധരിക്കപ്പെട്ടു എന്നും കേന്ദ്രം ചൂണ്ടിക്കാട്ടി.

Saranya Sasidharan
Aadhar Security: Center withdraws statement issued by Bangalore Center
Aadhar Security: Center withdraws statement issued by Bangalore Center

ആധാർ കാർഡ് വിവരങ്ങൾ കൈമാറുന്നത് സംബന്ധിച്ച നിർദ്ദശങ്ങൾ പിൻവലിച്ച് കേന്ദ്രസർക്കാർ. ബെംഗളൂരുവിലെ യുഐഡിഎ മേഖല കേന്ദ്രം പുറത്തിറക്കിയ നിർദ്ദേശങ്ങളാണ് റദ്ദ് ചെയ്തത്. ദുരുപയോഗം തടയുന്നതിനായി ആധാർ കാർഡ് വിശദാംശങ്ങൾ ഏതെങ്കിലും സ്ഥാപനവുമായി പങ്കുവയ്ക്കാൻ പൗരന്മാർക്ക് മുന്നറിയിപ്പ് നൽകിക്കൊണ്ടുള്ള പ്രസ് നോട്ട് ആണ് സർക്കാർ ഞായറാഴ്ച പിൻവലിച്ചത്.

ഫോട്ടോഷോപ്പിംഗ് വഴിയുള്ള തട്ടിപ്പ് ഒഴിവാക്കുന്നതിനാണ് നിർദ്ദേശം നൽകിയത് എന്നാൽ ഇത് തെറ്റിദ്ധരിക്കപ്പെട്ടു എന്നും കേന്ദ്രം ചൂണ്ടിക്കാട്ടി.

കൂടാതെ, കേന്ദ്ര ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം പുറപ്പെടുവിച്ച അറിയിപ്പിൽ ആധാർ ഉടമകൾ അത് ഉപയോഗിക്കുന്നതിലും പങ്കിടുന്നതിലും സാധാരണ ജാഗ്രത പാലിക്കാനും നിർദ്ദേശിക്കുന്നു എന്നാണ് പറയുന്നത്. സ്വകാര്യതയും ബയോമെട്രിക് വിവരങ്ങളും സംരക്ഷിക്കുന്ന തരത്തിൽ തന്നെയാണ് ഇതിൻ്റെ പ്രവർത്തനമെന്നും ഇക്കാര്യത്തിൽ ആശങ്ക വേണ്ടെന്നും കേന്ദ്രസർക്കാർ വിശദീകരിച്ചു.

തങ്ങളുടെ ആധാറിന്റെ ഫോട്ടോകോപ്പികൾ ദുരുപയോഗം ചെയ്യപ്പെടാൻ സാധ്യതയുള്ളതിനാൽ ഒരു സ്ഥാപനവുമായും പങ്കിടരുതെന്ന് ജനങ്ങളോട് നിർദ്ദേശിക്കുന്നു. പകരമായി, ആധാർ നമ്പറിന്റെ അവസാന 4 അക്കങ്ങൾ മാത്രം പ്രദർശിപ്പിക്കുന്ന മാസ്ക് ആധാർ ഉപയോഗിക്കാം, എന്നും പ്രസ്താവനയിൽ പറയുന്നു.

“പ്രസ് റിലീസിന്റെ തെറ്റായ വ്യാഖ്യാനത്തിനുള്ള സാധ്യത കണക്കിലെടുത്ത്, അതേ നിലപാട് ഉടനടി പിൻവലിക്കുന്നു.” എന്നും കൂട്ടിച്ചേർത്തു,

നേരത്തെ, യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ) പൗരന്മാരോട് തങ്ങളുടെ ആധാർ കാർഡുകളുടെ ദുരുപയോഗം തടയാൻ 4 അക്കം മാത്രം ഉള്ള മാസ്ക് ആധാർ പങ്കുവയ്ക്കാൻ ആവശ്യപ്പെട്ടിരുന്നു.

യുഐഡിഎഐയുടെ ഔദ്യോഗിക വെബ്‌സൈറ്റായ myaadhaar.uidai.gov.in-ൽ നിന്ന് ഡൗൺലോഡ് ചെയ്യാവുന്ന നിങ്ങളുടെ ആധാർ നമ്പറിന്റെ അവസാന 4 അക്കങ്ങൾ മാത്രം പ്രദർശിപ്പിക്കുന്ന മാസ്ക് ആധാർ ഉപയോഗിക്കാൻ അതോറിറ്റി നിർദ്ദേശിച്ചു.

ഏതെങ്കിലും ആധാർ നമ്പറിനെക്കുറിച്ച് അറിയാൻ myaadhaar.uidai.gov.in/verifyAadhaar എന്നതിൽ പരിശോധിക്കാവുന്നതാണ്. ഓഫ്‌ലൈനായി പരിശോധിച്ചുറപ്പിക്കാൻ, mAadhaar മൊബൈൽ ആപ്ലിക്കേഷനിലെ QR കോഡ് സ്കാനർ ഉപയോഗിച്ച് നിങ്ങൾക്ക് eAadhaar അല്ലെങ്കിൽ ആധാർ PVC കാർഡ് എന്നിവയിൽ QR കോഡ് സ്കാൻ ചെയ്യാമെന്നും, UIDAI അറിയിച്ചു.

കൂടാതെ, ലൈസൻസില്ലാത്ത സ്വകാര്യ സ്ഥാപനങ്ങൾ കാർഡിന്റെ പകർപ്പുകൾ ശേഖരിക്കാനോ സൂക്ഷിക്കാനോ അനുവാദമില്ല.

യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയിൽ നിന്ന് യൂസർ ലൈസൻസ് നേടിയ സ്ഥാപനങ്ങൾക്ക് മാത്രമേ വ്യക്തിയുടെ ഐഡന്റിറ്റി സ്ഥാപിക്കുന്നതിന് ആധാർ ഉപയോഗിക്കാൻ കഴിയൂ എന്ന് സർക്കാർ വ്യക്തമാക്കിയിരുന്നു.

ആധാർ പിവിസി

എം-ആധാർ (M-Aadhaar), ഇ-ആധാർ(e-aadhaar) എന്നിവ കൂടാതെ യുഐഡിഎഐ അവതരിപ്പിച്ച ഏറ്റവും പുതിയ ഫോമാണ് ആധാർ പിവിസി.അത് എടിഎം അല്ലെങ്കിൽ ഡെബിറ്റ് കാർഡ് പോലെ എളുപ്പത്തിൽ കൊണ്ടു നടക്കാനും കഴിയും. ഈ ആധാർ പിവിസി കാർഡ് താരതമ്യേന മോടിയുള്ളതാണ്, നല്ല പ്രിന്റിംഗ് നിലവാരവും ലാമിനേഷനും ഉണ്ട്, കൊണ്ടുപോകാൻ സൗകര്യപ്രദമാണ്, കൂടാതെ QR കോഡ് വഴി ഓഫ്‌ലൈനായി വളരെ എളുപ്പത്തിൽ പരിശോധിക്കാനും കഴിയും.

ആധാർ പിവിസി കാർഡ് ഡൗൺലോഡ് ചെയ്യുന്നതിനുള്ള നടപടികൾ

നിങ്ങളുടെ ആധാർ നമ്പറോ എൻറോൾമെന്റ് ഐഡിയോ ഉപയോഗിച്ച് യുഐഡിഎഐ വെബ്സൈറ്റ് വഴി നിങ്ങൾക്ക് ആധാർ പിവിസി കാർഡ് എളുപ്പത്തിൽ ഓർഡർ ചെയ്യാം, ഘട്ടങ്ങൾ ഇവയാണ്:

ഘട്ടം 1: യുഐഡിഎഐയുടെ വെബ്സൈറ്റിൽ uidai.gov.in മൈ ആധാർ വിഭാഗത്തിലെ ഓർഡർ ആധാർ പിവിസി കാർഡിൽ ക്ലിക്ക് ചെയ്യുക

ഘട്ടം 2: നിങ്ങളുടെ മൊബൈൽ നമ്പർ UIDAI-ൽ രജിസ്റ്റർ ചെയ്തിട്ടുണ്ടെങ്കിൽ, നിങ്ങളുടെ ആധാർ നമ്പറും OTP-യും ഉപയോഗിച്ച് myAadhaar-ലേക്ക് ലോഗിൻ ചെയ്യുക. നിങ്ങളുടെ മൊബൈൽ നമ്പർ യുഐഡിഎഐയിൽ രജിസ്റ്റർ ചെയ്തിട്ടില്ലെങ്കിൽ, രജിസ്റ്റർ ചെയ്യാത്ത/ഇതര മൊബൈൽ നമ്പർ ഉപയോഗിച്ച് നിങ്ങൾക്ക് പിവിസി ആധാർ കാർഡിനായി അഭ്യർത്ഥിക്കാം.

ഘട്ടം 3: സ്‌ക്രീനിൽ പ്രദർശിപ്പിച്ചിരിക്കുന്ന പേര്, ജനനത്തീയതി, ലിംഗഭേദം, വിലാസം എന്നിവ പോലുള്ള നിങ്ങളുടെ ജനസംഖ്യാപരമായ വിശദാംശങ്ങൾ പരിശോധിച്ച് സമർപ്പിക്കുക ബട്ടണിൽ ക്ലിക്കുചെയ്യുക

ഘട്ടം 4: നിങ്ങളുടെ അഭ്യർത്ഥന സ്ഥിരീകരിച്ച് 50 രൂപ അടയ്ക്കുക.

ഘട്ടം 5: എസ്എംഎസായി സർവീസ് റിക്വസ്റ്റ് നമ്പർ നിങ്ങൾക്ക് ലഭിക്കും. കൂടാതെ സ്ക്രീനിൽ ഡിജിറ്റൽ സിഗ്നേച്ചർ ഉള്ള രസീതും കാണിക്കും.

ഭാവി റഫറൻസിനായി നിങ്ങൾക്ക് അക്‌നോളജ്‌മെന്റ് സ്ലിപ്പും ഡൗൺലോഡ് ചെയ്യാം.

ബന്ധപ്പെട്ട വാർത്തകൾ : ആധാർ കാർഡ് എങ്ങനെ അപ്ഡേറ്റ് ചെയ്യാം; വിലാസം മാറ്റുന്നതിനുള്ള ഘട്ടങ്ങൾ പരിശോധിക്കുക

English Summary: Aadhar Security: Center withdraws statement issued by Bangalore Center

Like this article?

Hey! I am Saranya Sasidharan. Did you liked this article and have suggestions to improve this article? Mail me your suggestions and feedback.

Share your comments

Subscribe to our Newsletter. You choose the topics of your interest and we'll send you handpicked news and latest updates based on your choice.

Subscribe Newsletters

Latest News

More News Feeds