ലോകസംരക്ഷണ മേഖലകളുടെ പട്ടികയിൽ അബുദാബിയിലെ അൽവത്ബ വെറ്റ് ലാൻഡ്

അബുദാബിയിലെ അൽവത്ബ വെറ്റ് ലാൻഡ് ഇനി ലോക സംരക്ഷണ മേഖലകളുടെ പട്ടികയിൽ. ദേശാടനക്കിളികളുടെയും,ഫ്ളമിംഗോകളുടെയും കേന്ദ്രമാണ് അൽവത്ബ വെറ്റ് ലാൻഡ്.ഇന്റർനാഷണൽ യൂണിയൻ ഫോർ കൺസർവേഷൻ്റെ ഹരിതപട്ടികയിലാണ് ഇത് ഉൾപ്പെടുന്നത്. നാലായിരത്തിലധികം ഫ്ളമിംഗോകളെക്കൂടാതെ 260 പക്ഷിവർഗങ്ങളും 320 തരം ജന്തുജാലങ്ങളും 35-ൽ അധികം ചെടികളും 16 ഇനം ഉരഗങ്ങളും പത്ത്‌ ഇനം സസ്തനികളും അൽവത്ബ വെറ്റ് ലാൻഡിൽ പരിരക്ഷിക്കപ്പെട്ടുവരുന്നുണ്ട്. ഫ്ളമിംഗോകൾ മുട്ടയിട്ട് അടയിരിക്കുന്നയിടം കൂടിയാണിത്. കഴിഞ്ഞ സീസണിൽ 601 കുഞ്ഞുങ്ങളാണ് ഇവിടെയുണ്ടായത്. ആയിരക്കണക്കിന് സന്ദർശകരാണ് കാഴ്ചകൾ കാണാൻ ഇവിടെ എത്തുന്നത്.