ആന്ധ്രയിൽ മുളക് കർഷകർ പ്രതിസന്ധി നേരിടുന്നു 

ആന്ധ്രയിലെ ഗുണ്ടൂര്‍ പരന്നുകിടക്കുന്ന മുളകുപാടം മനോഹരമായ കാഴ്ചയാണ് എന്നാൽ വില ഇടിവും, സര്‍ക്കാര്‍ താങ്ങുവില പ്രഖ്യാപിക്കാത്തതും  കൊണ്ടും,ആന്ധ്രയിലെ മുളകു കർഷകർ  പ്രതിസന്ധി നേരിടുകയാണ്. എരിവും നിറവുമെല്ലാം കൂടുതലുണ്ട് ഗുണ്ടൂര്‍ മുളകിന്. പക്ഷേ അതിന്‍റെ ഗുണമൊന്നും നട്ട് നനച്ച് വളര്‍ത്തുന്ന കര്‍ഷകന് കിട്ടില്ല. ആന്ധ്രയിലെ കാര്‍ഷിക മേഖല പൊതുവെ പ്രതിസന്ധി നേരിടുന്നുണ്ട്. എന്നാൽ മുളക് കർഷകരാണ്  കൂടുതൽ പ്രതിസന്ധി നേരിടുന്നത്.

ജുലൈ–ഓഗസ്റ്റ് മാസങ്ങളില്‍ വിത്തിട്ടാല്‍ മാര്‍ച്ച്–ഏപ്രില്‍ മാസങ്ങളില്‍ വിളവെടുക്കാം. അതിനിടെ മഴ കൂടിയാൽ  കൃഷി നശിക്കും. ഒരേക്കറില്‍ ലഭിക്കുന്ന വിളവിന്‍റെ അളവില്‍ വലിയ കുറവുണ്ടാകും. മാര്‍ക്കറ്റിലെത്തിച്ചാല്‍ വിലയില്ല. വിത്തിന് വില കൂടുതലും. കൂലിയും കൊടുക്കേണ്ടതുണ്ട്.  ഇത് പരിഹരിക്കാൻ സർക്കാർ സഹായം അത്യാവശ്യമാണ്.  വിവിധ വിളകൾ മാറി മാറി കൃഷി ചെയ്ത് രക്ഷപ്പെടാനാകുമോ എന്ന പരീക്ഷണങ്ങളിലാണ് പല കര്‍ഷകരും,