കോഴിക്കോട് ജില്ലയിലെ കൂരാച്ചുണ്ടിൽ പക്ഷിപ്പനി ബാധയുണ്ടെന്ന റിപ്പോർട്ടിനെ തുടർന്ന് അയച്ച സാമ്പിളുകളുടെ പരിശോധനാ ഫലം ഇന്ന് ലഭിക്കും. കാളങ്ങാലിയിലെ സ്വാകാര്യ കോഴിഫാമിൽ കോഴികൾ കൂട്ടത്തോടെ ചത്തതിനെ തുടർന്നാണ് സാമ്പിളുകൾ പരിശോധനയ്ക്ക് അയച്ചത്. ഭോപ്പാലിലേക്ക് അയച്ച സാമ്പിളുകളുടെ ഫലമാണ് ഇന്ന് ലഭിക്കുക. നേരത്തെ കേരളത്തിൽ രണ്ട് സാമ്പിളുകളിൽ പരിശോധിച്ചതിൽ ഒരെണ്ണം പോസിറ്റീവായിരുന്നു.
മുൻകരുതലുകളുടെ ഭാഗമായി നേരത്തെ ഫാമിന്റെ പത്ത് കിലോമീറ്റർ ചുറ്റളവിൽ നിരീക്ഷണം ശക്തമാക്കിയിരുന്നു. കൂടാതെ കളക്ടർ അടിയന്തിര യോഗം വിളിക്കുകയും ചെയ്തിരുന്നു.
Share your comments