MFOI 2024 Road Show
  1. News

വിലക്കയറ്റവും, വിലയിടിവും പരിഹരിക്കുന്നതിനായി 'ടൊമാറ്റോ ഗ്രാൻഡ് ചലഞ്ച്' ആരംഭിക്കാനൊരുങ്ങി കേന്ദ്രം

രാജ്യത്ത് തക്കാളിയുടെ വിലയിലുള്ള പെട്ടെന്നുള്ള കുതിച്ചുചാട്ടവും, വിലയിടിവും നേരിടാൻ കേന്ദ്ര ഉപഭോക്തൃകാര്യ മന്ത്രാലയം ടൊമാറ്റോ ഗ്രാൻഡ് ചലഞ്ച് ആരംഭിച്ചു.

Raveena M Prakash
Center to launch Tomato Grand Challenge to tackle sudden price hikes
Center to launch Tomato Grand Challenge to tackle sudden price hikes

രാജ്യത്ത് തക്കാളിയുടെ വിലയിലുള്ള പെട്ടെന്നുള്ള കുതിച്ചുചാട്ടവും, വിലയിടിവും നേരിടാൻ കേന്ദ്ര ഉപഭോക്തൃകാര്യ മന്ത്രാലയം ടൊമാറ്റോ ഗ്രാൻഡ് ചലഞ്ച് ആരംഭിച്ചു. തക്കാളിയുടെ ഉത്പാദനം, സംസ്കരണം, സംഭരണം എന്നിവ മെച്ചപ്പെടുത്തുന്നതിനുള്ള നൂതന ആശയങ്ങൾ ക്ഷണിക്കുന്നുവെന്ന് മന്ത്രാലയം അറിയിച്ചു. ഈ ആഴ്ച ടൊമാറ്റോ ഗ്രാൻഡ് ചലഞ്ച് ആരംഭിക്കും, അതിനായി നൂതന ആശയങ്ങൾ ക്ഷണിക്കുന്നുവെന്നും, പ്രോട്ടോടൈപ്പുകൾ സൃഷ്ടിക്കുമെന്ന് കേന്ദ്ര ഉപഭോക്തൃകാര്യ സെക്രട്ടറി രോഹിത് കുമാർ സിംഗ് പറഞ്ഞു. പിന്നീട് ഉള്ളിയുടെ കാര്യത്തിലും ഇത് പോലെ ചെയ്യുമെന്ന് അദ്ദേഹം കൂട്ടിച്ചേർത്തു. 

ഗ്രാമ, നഗരങ്ങളിലെ ഫാമുകളിൽ പ്രീ-പ്രൊഡക്ഷൻ, പ്രാഥമിക സംസ്കരണം, വിളവെടുപ്പിന് ശേഷമുള്ള സംഭരണം, തക്കാളിയുടെ മൂല്യനിർണ്ണയം എന്നിവയ്ക്കുള്ള സാങ്കേതികവിദ്യകൾ വികസിപ്പിക്കുന്നതിന് നൂതനവും ചെലവ് കുറഞ്ഞതുമായ പരിഹാരങ്ങൾ കൊണ്ടുവരാനാണ് ഗ്രാൻഡ് ചലഞ്ച് ലക്ഷ്യമിടുന്നതെന്ന് അദ്ദേഹം പറഞ്ഞു. രാജ്യത്ത് പച്ചക്കറികൾക്ക് മൂല്യവർദ്ധനവ് ഉണ്ടാകുമ്പോൾ നഷ്ടം കുറയ്ക്കുന്നതിനുള്ള സമഗ്രവും, തന്ത്രപരമായ പരിഹാരം കൊണ്ടുവരിക എന്നതാണ് ലക്ഷ്യമെന്ന് അദ്ദേഹം കൂട്ടിച്ചേർത്തു.

തക്കാളിയുടെ കാര്യത്തിൽ, നല്ല സംഭരണവും സംസ്കരണവും ഉണ്ടെങ്കിൽ പെട്ടെന്നുള്ള കുതിച്ചുചാട്ടവും വിലയിടിവും നേരിടാൻ സാധിക്കും. ബഫർ പോലെ, ഒരു സ്ഥിരതയുള്ള സംവിധാനം ഉണ്ടായിരിക്കണമെന്ന് അദ്ദേഹം കൂട്ടിച്ചേർത്തു. ഇതിനായി വിളകളുടെ വിത്തിന്റ നവീകരണം, പ്രാഥമിക സംഭരണം, വിളവെടുപ്പിനു ശേഷമുള്ള വിവരങ്ങൾ, വിള വിവരങ്ങൾ എന്നിവ ആവശ്യമാണെന്നും സിംഗ് പറഞ്ഞു. ഒന്നാമതായി, മെച്ചപ്പെട്ട തക്കാളി ഇനങ്ങൾ, ഉൽപ്പാദന സാങ്കേതികവിദ്യ, മഴക്കാലത്തിന് അനുയോജ്യമായ രീതികൾ, വരണ്ടതും ഈർപ്പമുള്ളതുമായ കാലാവസ്ഥ, സംസ്കരണം, മെച്ചപ്പെട്ട പഴങ്ങളുടെ ഷെൽഫ് ആയുസ്സ്, യന്ത്രവൽകൃത വിളവെടുപ്പ് എന്നിവ വികസിപ്പിക്കുകയും ചെയ്യുന്നു. 

രണ്ടാമത്തേത് വിള ആസൂത്രണം, കർഷകർക്കുള്ള മാർക്കറ്റ് ഇന്റലിജൻസ്, കർഷകർ/നഴ്സറികൾ/വ്യാപാരികൾ/ഉപഭോക്തൃ ഇന്റർഫേസ്, ഉൽപ്പാദന രീതികൾ മുതലായവയ്ക്കുള്ള ഇന്റർഫേസ് പ്ലാറ്റ്ഫോമുകൾ എന്നിവയുമായി ബന്ധപ്പെട്ട വിവര സംവിധാനങ്ങൾ രൂപകൽപ്പന ചെയ്യുകയും പ്രചരിപ്പിക്കുകയും ചെയ്യുന്നു. മൂന്നാമത്തേത്, വിളവെടുപ്പ്, ഗതാഗതം എന്നിവയിൽ വിളവെടുപ്പിന് ശേഷമുള്ള നഷ്ടം കുറയ്ക്കുന്നതിനുള്ള വിളവെടുപ്പിന് ശേഷമുള്ള ചികിത്സകളും നൂതനമായ പാക്കേജിംഗ് പരിഹാരങ്ങളുമാണ്. നാലാമത്തേത് നൂതന സംഭരണ സാങ്കേതികവിദ്യകളും ദീർഘകാല സംരക്ഷണത്തിനുള്ള പരിഹാരങ്ങളും, പച്ചക്കറികൾ നശിക്കുന്നതുമൂലമുള്ള പരിഭ്രാന്തി വിൽപന കുറയ്ക്കുന്നതിനുള്ള പരിഹാരവുമാണ്.

ബന്ധപ്പെട്ട വാർത്തകൾ: കർണാടകയുടെ അന്ന ഭാഗ്യ പദ്ധതിയ്ക്ക് അരി നൽകാൻ വിസമ്മതിച്ച് കേന്ദ്രം

Pic Courtesy: Pexels.com

English Summary: Center to launch Tomato Grand Challenge to tackle sudden price hikes

Like this article?

Hey! I am Raveena M Prakash. Did you liked this article and have suggestions to improve this article? Mail me your suggestions and feedback.

Share your comments

Subscribe to our Newsletter. You choose the topics of your interest and we'll send you handpicked news and latest updates based on your choice.

Subscribe Newsletters

Latest News

More News Feeds