ശിശുദിനാഘോഷം: അമ്പലപ്പുഴ താലൂക്ക്തല കലാമത്സരങ്ങൾ നടന്നു

ആലപ്പുഴ: കലാമത്സരങ്ങൾ അടക്കം കുട്ടികളുടെ വികാസത്തിനുള്ള പരിപാടികളിൽ സാധാരണക്കാരുടെ മക്കൾക്ക് പങ്കെടുക്കാൻ അവസരം സൃഷ്ടിക്കണമെന്ന് പൊതുമരാമത്ത് വകുപ്പു മന്ത്രി ജി. സുധാകരൻ പറഞ്ഞു. ശിശുദിനാഘോഷത്തിന്റെ ഭാഗമായി ജില്ലാ ശിശുക്ഷേമ സമിതിയുടെ നേതൃത്വത്തിൽ നടത്തിയ അമ്പലപ്പുഴ താലൂക്കുതല കലാമത്സരങ്ങൾ ജവഹർ ബാലഭവനിൽ ഉദ്ഘാടനം ചെയ്യുകയായിരുന്നു അദ്ദേഹം. നഗരസഭാധ്യക്ഷൻ തോമസ് ജോസഫ് അധ്യക്ഷത വഹിച്ചു. സ്‌കൂൾ കായികമേളയിൽ ഹാമർ ത്രോയിൽ സ്വർണം നേടിയ ജിത്തു ബിജി വിശിഷ്ടാതിഥിയായി. ജിത്തുവിന് മന്ത്രി ഉപഹാരം സമ്മാനിച്ചു.