ക്ലീന്‍ കൊല്ലം  അജൈവമാലിന്യ ശേഖരണത്തിന് പഞ്ചായത്തുകള്‍ ഒരാഴ്ചയ്ക്കകം പദ്ധതികള്‍ സമര്‍പ്പിക്കണം  മന്ത്രി ജെ. മെഴ്‌സിക്കുട്ടിയമ്മ

Thursday, 09 November 2017 10:24 AM By KJ KERALA STAFF
 
ക്ലീന്‍ കൊല്ലം പദ്ധതി  യാഥാര്‍ത്ഥ്യമാക്കാന്‍ അജൈവമാലിന്യ ശേഖരണവുമായി ബന്ധപ്പെട്ട പദ്ധതികള്‍ ഒരാഴ്ചയ്ക്കകം സമര്‍പ്പിക്കാന്‍ തീരദേശത്തെ പഞ്ചായത്ത് പ്രസിഡന്റുമാര്‍ക്ക് മന്ത്രി ജെ. മെഴ്‌സിക്കുട്ടിയമ്മ നിര്‍ദ്ദേശം നല്‍കി. കലക്‌ട്രേറ്റ് കോണ്‍ഫറന്‍സ് ഹാളില്‍ ചേര്‍ന്ന ശുചിത്വ സാഗരം പദ്ധതിയുടെ അവലോകന യോഗത്തിലാണ് അതിവേഗ നടപടികള്‍ക്കുള്ള നിര്‍ദ്ദേശം. ശുചിത്വ സാഗരമടക്കമുള്ള പദ്ധതികള്‍  ക്ലീന്‍ കൊല്ലത്തിന്റെ കുടക്കീഴിലാക്കും. തദ്ദേശ സ്ഥാപനങ്ങള്‍ തനത് ഫണ്ടില്‍ നിന്ന് പണം വിനിയോഗിച്ച് അജൈവമാലിന്യ ശേഖരണം തുടങ്ങണം. തുടര്‍ന്ന് പദ്ധതികള്‍ സമര്‍പ്പിച്ച് അംഗീകാരം നേടി വിനിയോഗിച്ച തുക ക്രമീകരിക്കാം. 
 
കുടുംബശ്രീയും ശുചിത്വമിഷനും ചേര്‍ന്ന് തീരദേശ പഞ്ചായത്തുകള്‍ മുതല്‍ കോര്‍പറേഷന്‍ വരെ അജൈവ മാലിന്യ ശേഖരണത്തിനുള്ള സംവിധാനമുണ്ടാക്കണം. ഇവ പിന്നീട് ശക്തികുളങ്ങര തുറമുഖത്ത് സജ്ജീകരിക്കുന്ന ഷ്രെഡിംഗ് യൂണിറ്റിലെത്തിച്ച് പുനരുപയോഗത്തിന് തയ്യാറാക്കും. ഖരമാലിന്യം ഒരു ഘട്ടത്തിലും ശേഖരിക്കാന്‍ പാടില്ല. അവ അതത് വീടുകളില്‍ തന്നെ സംസ്‌കരിക്കണം. തീരദേശ പഞ്ചായത്തുകളില്‍ നിന്നുള്ള മാലിന്യ ശേഖരണം ഒരാഴ്ചയ്ക്കകം തുടങ്ങണം.  
 
സി. ഡി. എസ്. ചെയര്‍പെഴ്‌സന്‍മാര്‍, എ. ഡി. എസ്. മാര്‍, അയല്‍ക്കൂട്ടം പ്രസിഡന്റുമാര്‍, റസിഡന്റ്‌സ് അസോസിയേഷന്‍ സെക്രട്ടറിമാര്‍, പ്രസിഡന്റുമാര്‍,  വ്യാപാരിവ്യവസായി സംഘടനാ നേതാക്കള്‍, സ്റ്റുഡന്റ് പൊലിസ് കെഡറ്റ്, വിദ്യാലയ മേധാവികള്‍, എന്‍.എസ്. എസ്. യൂണിറ്റുകള്‍, പൊതുമരാമത്ത്  ദേശീയപാത വിഭാഗങ്ങള്‍, ഉള്‍നാടന്‍ ജലഗതാഗത വകുപ്പ്, ടൂറിസം വകുപ്പ്,  തദ്ദേശ സ്വയംഭരണ സ്ഥാപനങ്ങള്‍ എന്നിവയുടെയെല്ലാം സജീവ പങ്കാളിത്തം നവംബര്‍ 10 ന് ടൗണ്‍ഹാളില്‍ ചേരുന്ന ക്‌ളീന്‍ കൊല്ലം സംഘാടക സമിതി യോഗത്തില്‍ ഉറപ്പാക്കണം.  ഡിസംബര്‍ 10 മുതല്‍ 31 വരെ നടക്കുന്ന ശുചിത്വയജ്ഞത്തില്‍  പൊതുജനങ്ങളുടെ സമ്പൂര്‍ണ്ണ സഹകരണവും സഹായവും മന്ത്രി അഭ്യര്‍ത്ഥിച്ചു. 
 
ഓരോ പഞ്ചായത്തും മാലിന്യ നിര്‍മാര്‍ജനത്തിനുള്ള മാതൃകാ പദ്ധതികള്‍ സമര്‍പ്പിക്കണമെന്ന് ജില്ലാ കലക്ടര്‍ ഡോ. എസ്. കാര്‍ത്തികേയന്‍ ആവശ്യപ്പെട്ടു. ഹരിതകേരളം പദ്ധതി സമ്പൂര്‍ണ്ണമാക്കാനുള്ള പ്രവര്‍ത്തനങ്ങള്‍ക്കാണ് ഊന്നല്‍ നല്‍കേണ്ടതെന്നും അദ്ദേഹം ഓര്‍മ്മിപ്പിച്ചു. 
 
എ. ഡി. സി. ജനറല്‍ വി. സുദേശന്‍, ശുചിത്വ മിഷന്‍ കോര്‍ഡിനേറ്റര്‍ ജി. സുധാകരന്‍, സ്‌പെഷ്യല്‍ പ്രൈവറ്റ് സെക്രട്ടറി കെ. അനില്‍കുമാര്‍, ഹാര്‍ബര്‍ എഞ്ചിനീയറിംഗ് സൂപ്രണ്ടിംഗ് എഞ്ചിനീയര്‍ കൃഷ്ണന്‍ എന്നിവര്‍ യോഗത്തില്‍ പങ്കെടുത്തു. 
 

Comments



More from Krishi Jagran

ജൈവപച്ചക്കറി ബ്രാന്‍ഡില്‍ പുറത്തിറങ്ങുന്ന 11.2 ശതമാനത്തിലും കീടനാശിനിയെന്ന് റിപ്പോര്‍ട്ട്

ജൈവപച്ചക്കറി ബ്രാന്‍ഡില്‍ പുറത്തിറങ്ങുന്ന 11.2 ശതമാനത്തിലും കീടനാശിനിയെന്ന് റിപ്പോര്‍ട്ട് ജൈവപച്ചക്കറി എന്ന ബ്രാന്‍ഡില്‍ വില്പ്പനയ്‌ക്കെത്തുന്നതില്‍ 11.2 ശതമാനത്തിലും കീടനാശിനിയെന്ന് കേരള കാര്‍ഷികസര്‍വ്വകലാശാല നടത്തിയ പരിശോധന റിപ്പോര്‍ട്ട്. പച്ചക്കറികളില്‍ പലതിലും അടങ്ങിയിട്ടുള്ള കീടനാശിനികള്‍ ഉഗ്ര…

November 17, 2018

ചെലവില്ലാ കൃഷിയുടെ പ്രചാരകന്‍ സുഭാഷ് പലേക്കര്‍ തലസ്ഥാനത്ത് കൃഷി ഉദ്യോഗസ്ഥരുമായി മുഖാമുഖം

ചെലവില്ലാ കൃഷിയുടെ പ്രചാരകന്‍ സുഭാഷ് പലേക്കര്‍ തലസ്ഥാനത്ത് കൃഷി ഉദ്യോഗസ്ഥരുമായി മുഖാമുഖം സീറോ ബഡ്ജറ്റ് നാച്ച്വറല്‍ ഫാമിംഗിന്റെ പ്രചാരകന്‍ സുഭാഷ് പലേക്കര്‍ നവംബര്‍ 16 ന് തലസ്ഥാനത്ത് കൃഷി ഉദ്യോഗസ്ഥരുമായി മുഖാമുഖം പരിപാടിയില്‍ പങ്കെടുക്കും. രാവിലെ 10 മണിക്ക് മന്ത്രി അഡ്വ. വി.എസ്. സുനില്‍കുമാര്‍ തിരുവ…

November 16, 2018

ജൈവചെമ്മീന്‍ കൃഷി: കുഫോസ്- സ്വിസ് പദ്ധതി നടപ്പിലാക്കാന്‍ ധാരണ

ജൈവചെമ്മീന്‍ കൃഷി: കുഫോസ്- സ്വിസ് പദ്ധതി നടപ്പിലാക്കാന്‍ ധാരണ കയറ്റുമതി ലക്ഷ്യമിട്ട് കേരളത്തില്‍ ജൈവ രീതിയില്‍ നാരന്‍ ചെമ്മീന്‍ കൃഷി ചെയ്യാന്‍ സ്വിറ്റ്‌സര്‍ലന്‍ഡും കേരള ഫിഷറീസ് സമുദ്രപഠന സര്‍വകലാശാലയും (കുഫോസ്) ധാരണയായി. സ്വിറ്റ്‌സര്‍ലന്‍ഡിലെ ഏറ്റവും വലിയ ജൈവ ഭക്ഷ്യോത്പാ…

November 16, 2018


FARM TIPS

കൊമ്പൻചെല്ലിയെ തുരത്താൻ

November 03, 2018

തെങ്ങിനെ ബാധിക്കുന്ന നിരവധികീടങ്ങളിൽ പ്രധാനപ്പെട്ടതാണ് കൊമ്പൻ ചെല്ലി തെങ്ങുകളെ ആക്രമിക്കുന്ന ഇവ വണ്ട് വർഗത്തിൽപ്പെട്ട പറക്കാൻ കഴിവുള്ള ഒരു .ഷഡ്പദമാണിത…

ചേമ്പിനു വിത്തായി തള്ളച്ചേമ്പും പിള്ളച്ചേമ്പും ഉപയോഗിക്കാം.

October 22, 2018

ചെറു ചേമ്പിന്റെ വിളവെടുപ്പിന് ഒരു മാസം മുന്‍പ് ചെടിയുടെ ഇലകള്‍ കൂട്ടിക്കെട്ടി ചുവട്ടില്‍ വളച്ച് മണ്ണിടുകയും നന നിര്‍ത്തുകയും ചെയ്താല്‍ കിഴങ്ങുകള്‍ കൂട…

പച്ചക്കറി കൃഷിക്ക് ചില നാടൻ നുറുങ്ങുകൾ

October 22, 2018

മുളകു വിത്തു പാകമാകുമ്പോള്‍ അതോടൊപ്പം കുറച്ച് അരിപ്പൊടി കൂടി വിതറിയാല്‍ വിത്തു നഷ്ടം ഒഴിവാക്കാവുന്നതാണ്. മുളകിന്റെ കുരുടിപ്പ് മാറ്റുവാന്‍ റബര്‍ ഷീറ…






CopyRight - 2018 Krishi Jagran Media Group. All Rights Reserved.