News

കേരള വിപണി കീഴടക്കാൻ തമിഴ്നാട് തേങ്ങ

coconut from tamil nadu

തമിഴ്നാട്ടിൽ നിന്നും കേരളത്തിലെക്കുള്ള തേങ്ങ വരവു വർധിക്കുന്നു.ഇത് ലക്ഷക്കണക്കിന് ചെറുകിട, ഇടത്തരം നാളികേര കർഷകരെ പ്രതിസന്ധിയിലാക്കുന്നു. കഴിഞ്ഞ വർഷം തേങ്ങയ്ക്ക്കിലോഗ്രാമിനു 45 രൂപ വരെ ലഭിച്ചിരുന്ന കർഷകർക്ക് ഇപ്പോൾ ലഭിക്കുന്നതു ശരാശരി 24 – 26 രൂപ മാത്രം. കിലോഗ്രാമിന് ഏകദേശം 20 രൂപ നൽകിയാണു കച്ചവടക്കാർ തമിഴ്നാടൻ തേങ്ങ വാങ്ങുന്നതത്രെ. സംസ്ഥാനത്ത് തെങ്ങുകൃഷി 5 ലക്ഷം ഹെക്ടർ സ്ഥലത്താണു. പണിക്കൂലിയും തെങ്ങുകയറ്റക്കൂലിയും നൽകാനുള്ള തുക പോലും തേങ്ങ വിറ്റാൽ കിട്ടില്ലെന്നു കർഷകർ പറയുന്നു. തമിഴ്നാടൻ തേങ്ങയുടെ കൊപ്രയിൽ നിന്ന് 35 – 45 % വെളിച്ചെണ്ണയേ ലഭിക്കൂ.

അതുകൊണ്ടു തന്നെ അവ വീടുകളിലെ നിത്യോപയോഗത്തിനാണ് ഉപയോഗിക്കുന്നത്. അതാകട്ടെ, കോടികളുടെ വിപണിയാണ്. നിലവിൽ, 25.71 രൂപയാണു ഒരു കിലോഗ്രാം തേങ്ങയുടെ താങ്ങുവില.താങ്ങുവില 30 രൂപയായെങ്കിലും ഉയർത്തിയില്ലെങ്കിൽ വൻ നഷ്ടം നേരിടേണ്ടിവരുമെന്ന് കർഷകർ ആശങ്കപ്പെടുന്നു.കേന്ദ്ര സർക്കാർ ഈ വർഷം ജനുവരിയിലാണു താങ്ങുവില പ്രഖ്യാപിച്ചത്. ഇനി, അടുത്ത വർഷമേ താങ്ങുവില സാധ്യതയുള്ളൂവെന്നാണു സൂചന. അങ്ങനെയെങ്കിൽ കർഷകരക്ഷയ്ക്കു സംസ്ഥാന സർക്കാർ തന്നെ രംഗത്തിറങ്ങേണ്ടിവരും.


Share your comments