പൊന്നോണത്തെ കാത്തിരിക്കുന്നത് പേമാരിയോ

അത്തം കറുത്താൽ ഓണം വെളുക്കും എന്നാണ് മലയാളികളുടെ വിശ്വാസം. കേരളത്തിൽ പലയിടങ്ങളിലും ഇന്നലെ മഴ സജീവമായിരുന്നു. അതുകൊണ്ടുതന്നെ പൊന്നോണ നാളിൽ മഴയ്ക്ക് സാധ്യതയുണ്ട്. ഒഡീഷ തീരത്ത് രൂപപ്പെടുന്ന ന്യൂനമർദ്ദം സംസ്ഥാനത്ത് മഴ സാധ്യത വർധിപ്പിക്കുന്നു. തമിഴ്നാട് തീരത്ത് പതിനഞ്ചാം തീയതി രൂപപ്പെടുന്ന ചക്രവാത ചുഴി കേരളത്തിൽ തിരുവോണനാളിൽ മഴയുണ്ടാകുമെന്ന ആശങ്കയും നിലനിൽക്കുന്നു.

മഴയുടെ ശക്തി ഏറിയും കുറഞ്ഞും ഇടവേളകളോടെ എല്ലാ ജില്ലകളിലും ഇന്ന് മഴ ലഭിക്കും. വടക്കൻ കേരളത്തിൽ താരതമ്യേന മഴ കൂടും. മേഘാവൃതമായ അന്തരീക്ഷം ആയിരിക്കും കേരളത്തിലുടനീളം കാണപ്പെടുക.