ഡൽഹിയിൽ 10 കോവിഡ്19 കേസുകൾ, പോസിറ്റീവ് നിരക്ക് 0.41% ആയി ഉയർന്നു

ആരോഗ്യ വകുപ്പ് പങ്കിട്ട പുതിയ കണക്കുകൾ പ്രകാരം വ്യാഴാഴ്ച ഡൽഹിയിൽ പുതുതായി 10 കോവിഡ് 19 കേസുകൾ രേഖപ്പെടുത്തി, പോസിറ്റിവിറ്റി നിരക്ക് 0.41 ശതമാനവും ഒരു മരണവും രേഖപ്പെടുത്തി. ബുധനാഴ്ച അഞ്ച് കേസുകളും, ഒരു മരണവും ദേശീയ തലസ്ഥാനത്ത് രേഖപ്പെടുത്തിയത്, 0.19 ശതമാനം പോസിറ്റിവിറ്റി നിരക്കും രേഖപ്പെടുത്തി. പുതിയ കേസുകളോടെ ഡൽഹിയിലെ കോവിഡ് ബാധിതരുടെ എണ്ണം 2,007,112 ആയി ഉയർന്നപ്പോൾ മരണസംഖ്യ 26,521 ആയി ഉയർന്നു.

കഴിഞ്ഞ ദിവസം, ഡൽഹിയിൽ 2,421 ടെസ്റ്റുകൾ നടത്തി. സമർപ്പിത കോവിഡ്19 ആശുപത്രികളിൽ 15 കിടക്കകളും 18 രോഗികളും ഹോം ഐസൊലേഷനിലുമാണ്. ദേശീയ തലസ്ഥാനത്ത് നിലവിൽ സജീവമായ കേസുകളുടെ എണ്ണം 32 ആണ്. മുഖ്യമന്ത്രി കെജ്‌രിവാൾ ഇന്നലെ യോഗം ചേർന്നു. ചൈനയിലും, മറ്റു പല രാജ്യങ്ങളിലും കേസുകളുടെ വർദ്ധനവിന് കാരണമാകുന്ന പുതിയ ഒമൈക്രോൺ സബ് വേരിയന്റ് ബിഎഫ്.7 ഡൽഹിയിൽ ഇതുവരെ കണ്ടെത്തിയിട്ടില്ലെന്നും, ഏത് സാഹചര്യത്തെയും നേരിടാൻ തന്റെ സർക്കാർ പൂർണ സജ്ജമാണെന്നും മുഖ്യമന്ത്രി അരവിന്ദ് കെജ്‌രിവാൾ പറഞ്ഞു.

ഇതുവരെ പരിശോധിച്ച 92 ശതമാനം സാമ്പിളുകളിലും കണ്ടെത്തിയ XBB-യാണ് ഡൽഹിയിലെ പ്രധാന ഉപ വകഭേദമെന്ന് കെജ്‌രിവാൾ ഒരു പത്രസമ്മേളനത്തിൽ പറഞ്ഞു. പല രാജ്യങ്ങളിലും കേസുകൾ വർദ്ധിക്കുന്നതിനിടയിൽ കോവിഡ്19 സാഹചര്യത്തെക്കുറിച്ച് അദ്ദേഹം തന്റെ വസതിയിൽ ഒരു യോഗം വിളിച്ചിരുന്നു. ഇപ്പോൾ ദിവസേനെ 2,500 ടെസ്റ്റുകൾ നടക്കുന്നുണ്ടെന്നും കേസുകളുടെ വർദ്ധനവ് ഉണ്ടായാൽ ഇത് ഒരു ലക്ഷമായി ഉയർത്താൻ കഴിയുമെന്നും അദ്ദേഹം പറഞ്ഞു. ഡൽഹി സർക്കാർ നടത്തുന്ന  LNJP ഹോസ്പിറ്റലിലെ മെഡിക്കൽ ഡയറക്ടർ സുരേഷ് കുമാർ, കോവിഡ് 19 വാക്‌സിൻ മുൻകരുതൽ ഡോസ് എടുക്കണമെന്നും വരാനിരിക്കുന്ന ഉത്സവ സീസണിൽ ജാഗ്രത കൈവിടരുതെന്നും ജനങ്ങളോട് അഭ്യർത്ഥിച്ചു. 

ജപ്പാൻ, ദക്ഷിണ കൊറിയ, ബ്രസീൽ, ചൈന, യുഎസ് എന്നിവിടങ്ങളിൽ കേസുകൾ വർദ്ധിച്ചുകൊണ്ടിരിക്കെ, ഉയർന്നുവരുന്ന വേരിയന്റുകളുടെ ട്രാക്ക് സൂക്ഷിക്കാൻ പോസിറ്റീവ് സാമ്പിളുകളുടെ മുഴുവൻ ജീനോം സീക്വൻസിംഗിനും തയ്യാറെടുക്കാൻ കേന്ദ്രം ചൊവ്വാഴ്ച എല്ലാ സംസ്ഥാനങ്ങളോടും കേന്ദ്ര ഭരണ പ്രദേശങ്ങളോടും ആവശ്യപ്പെട്ടിരുന്നു. രാജ്യത്ത് പ്രചരിക്കുന്ന പുതിയ വകഭേദങ്ങളെ, സമയബന്ധിതമായി കണ്ടെത്താനും ആവശ്യമായ പൊതുജനാരോഗ്യ നടപടികൾ സ്വീകരിക്കാനും, അങ്ങനെ ഇത് ഒരു വലിയ പകർച്ചവ്യാധിയായി പടരാതിരിക്കാനും ഇത് സഹായിക്കുമെന്ന് സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും അയച്ച കത്തിൽ കേന്ദ്ര ആരോഗ്യ സെക്രട്ടറി രാജേഷ് ഭൂഷൺ പറഞ്ഞു.

ബന്ധപ്പെട്ട വാർത്തകൾ: ഗോതമ്പ് വിളയ്ക്ക് അനുയോജ്യമായതാണ് നിലവിലെ താപനില: സർക്കാർ