വാർഷിക ഷെയർഹോൾഡർമാരുടെ മീറ്റിംഗിൽ, ഇന്ത്യൻ ശതകോടീശ്വരനും വ്യവസായിയുമായ ഗൗതം അദാനി ഒരു പുതിയ ഊർജ്ജ ബിസിനസിൽ 70 ബില്യൺ ഡോളർ നിക്ഷേപിക്കുന്നതായി അറിയിച്ചു,
ഇത് ഇന്ത്യയെ എണ്ണ ഇറക്കുമതി ചെയ്യുന്നവരിൽ നിന്ന് ഗ്രീൻ ഹൈഡ്രജന്റെ കയറ്റുമതിക്കാരായി മാറ്റും.
ഇന്ത്യയിൽ നടത്തുന്ന നിക്ഷേപങ്ങളിൽ നിന്ന് ഞങ്ങൾ ഒരിക്കലും പിൻമാറിയിട്ടില്ലെന്നും, ഇപ്പോൾ 70 ബില്യൺ യുഎസ് ഡോളർ ഊർജ്ജ ബിസിനസിൽ ചെലവഴിക്കുകയാണെന്നും അദ്ദേഹം വ്യക്തമാക്കി.
കാലാവസ്ഥാ വ്യതിയാനത്തെക്കുറിച്ച് പ്രഭാഷണം നടത്തിയപ്പോൾ, പകർച്ചവ്യാധിയും ഊർജ്ജ പ്രതിസന്ധിയും ഉണ്ടായിട്ടും പുനരുപയോഗിക്കാവുന്ന ഊർജ്ജങ്ങൾ ത്വരിതപ്പെടുത്തിയ ചുരുക്കം ചില രാജ്യങ്ങളിൽ ഒന്നാണ് ഞങ്ങളെന്ന് അദ്ദേഹം പറഞ്ഞു.
പല വികസിത രാജ്യങ്ങളും പുനരുപയോഗ ഊർജ ലക്ഷ്യങ്ങൾ പിന്തുടരുന്നത് താൽക്കാലികമായി നിർത്തിയ സമയത്താണ് ഞങ്ങൾ അങ്ങനെ ചെയ്തതെന്നും അദാനി കൂട്ടിച്ചേർത്തു.
2015 മുതൽ ഇന്ത്യയുടെ പുനരുപയോഗ ഊർജത്തിനുള്ള ശേഷി ഏകദേശം 300% വർധിച്ചിട്ടുണ്ടെന്നും അദ്ദേഹം വ്യക്തമാക്കി. അദാനി ഗ്രൂപ്പിൻ്റെ പുനരുപയോഗ ഊർജത്തിലെ വൈദഗ്ധ്യം ഹരിത ഊർജത്തെ ഭാവിയിലെ ഇന്ധനമാക്കാനുള്ള ഞങ്ങളുടെ ശ്രമങ്ങളെ വളരെയധികം സഹായിക്കും.
ഇന്ത്യയെ എണ്ണ, വാതക കയറ്റുമതിയിൽ ആശ്രയിക്കുന്നത് കുറയ്‌ക്കാനുള്ള ഓട്ടത്തിൽ അദാനി ഗ്രൂപ്പ് മുന്നിലാണെന്നും ഒരു ദിവസം ശുദ്ധമായ ഊർജത്തിന്റെ മൊത്തം കയറ്റുമതിക്കാരായി മാറാനുള്ള സാധ്യതയുണ്ടെന്നും അദ്ദേഹം അവകാശപ്പെട്ടു.
Share your comments