കർഷകർക്കായി യശസ്വിനി ആരോഗ്യ ഇൻഷുറൻസ് പദ്ധതി സർക്കാർ വീണ്ടും അവതരിപ്പിച്ചു; എങ്ങനെ അപേക്ഷിക്കാം

കർഷകർക്കായി യെശസ്വിനി ആരോഗ്യ ഇൻഷുറൻസ് പദ്ധതി സർക്കാർ വീണ്ടും അവതരിപ്പിക്കുന്നു. ആദ്യത്തേതിൽ നിന്ന് അൽപ്പം മാറ്റം വരുത്തിയ പദ്ധതി, കർഷക സമൂഹത്തിന് ഗുണമേന്മയുള്ള മെഡിക്കൽ സൗകര്യങ്ങൾ ലഭ്യമാക്കുക എന്ന ലക്ഷ്യത്തോടെയാണ് പുനരാരംഭിച്ചത്. 300 കോടി രൂപയുടെ സാമ്പത്തിക വിഹിതം ഉപയോഗിച്ച് കർഷക സമൂഹത്തിന് ഗുണനിലവാരമുള്ള മെഡിക്കൽ സൗകര്യങ്ങൾ ലഭ്യമാക്കാൻ ആണ് പദ്ധതി ലക്ഷ്യമിടുന്നത്.

എസ്ബിഐ ആരോഗ്യ സഞ്ജീവനി പോളിസി; അഞ്ച് ലക്ഷം വരെ ഹെൽത്ത് ഇൻഷുറൻസ്

കഴിഞ്ഞ ആഴ്ച മുഖ്യമന്ത്രി ബസവരാജ് ബൊമ്മൈ അവതരിപ്പിച്ച സംസ്ഥാന ബജറ്റ് പ്രകാരം, പലിശ സബ്‌സിഡി പദ്ധതി ഈ വർഷം 33 ലക്ഷം കർഷകർക്ക് 24,000 കോടി രൂപ കാർഷിക വായ്പ വിതരണം ചെയ്യാൻ കർണാടക സർക്കാർ പദ്ധതിയിട്ടിട്ടുണ്ട്. ഇവരിൽ 3 ലക്ഷം ഗുണഭോക്താക്കൾ പുതിയ കർഷകരായിരിക്കും,

യശസ്വിനി ആരോഗ്യ ഇൻഷുറൻസ് പദ്ധതി പ്രകാരം കർഷകർക്ക് നൽകുന്ന ചികിത്സാ ആനുകൂല്യങ്ങൾ

യെശസ്വിനി ട്രസ്റ്റ് വ്യക്തമാക്കിയിട്ടുള്ള 800-ലധികം തരത്തിലുള്ള ശസ്ത്രക്രിയകൾ, പങ്കാളിത്തിലുള്ള ആശുപത്രികളുമായി മുൻകൂട്ടി ചർച്ച ചെയ്ത നിരക്കിൽ ഈ സ്കീമിന് കീഴിൽ കവർ ചെയ്യുന്നു.

നായ്ക്കളുടെ കടി, പാമ്പുകടി, കാളയുടെ പ്രഹരം ഏറ്റുള്ള മുറിവുകൾ, വൈദ്യുതാഘാതം, കാർഷിക പ്രവർത്തനത്തിനിടെ ഉണ്ടാകുന്ന അപകടങ്ങൾ തുടങ്ങിയ മെഡിക്കൽ അത്യാഹിതങ്ങൾ ഇതിന്റെ പരിധിയിൽ വരും.

നോർമൽ ഡെലിവറി, ആൻജിയോപ്ലാസ്റ്റി നടപടിക്രമങ്ങൾ, നവജാത ശിശു സംരക്ഷണം എന്നിവയും സ്കീമിന്റെ പരിധിയിൽ വരും.

യശസ്വിനി കാർഡിന് അർഹതയുള്ളത് ആരാണ്?

ഈ പദ്ധതിയിൽ നിന്ന് ആനുകൂല്യങ്ങൾ ലഭിക്കുന്നതിന് ഒരു അപേക്ഷകൻ സഹകരണ സംഘത്തിൽ അംഗമായിരിക്കണം. നേരത്തെ കുടുംബത്തിൽ നിന്ന് ഒരാൾക്ക് മാത്രമേ പദ്ധതിയുടെ പ്രയോജനം ലഭിക്കുമായിരുന്നുള്ളൂ എന്നാൽ ഇപ്പോൾ എല്ലാ കുടുംബാംഗങ്ങൾക്കും യശസ്വിനി കാർഡ് വഴി ആരോഗ്യ സൗകര്യങ്ങൾ ലഭിക്കും എന്നതാണ് പ്രത്യേകത.

യശസ്വിനി ആരോഗ്യ ഇൻഷുറൻസ് പദ്ധതിക്ക് എങ്ങനെ അപേക്ഷിക്കാം?

നിങ്ങൾ ഒരു കർഷകനാണെങ്കിൽ, അപേക്ഷിക്കാനും പദ്ധതിയുടെ പ്രയോജനം നേടാനും ആഗ്രഹിക്കുന്നുവെങ്കിൽ, ചുവടെ നൽകിയിരിക്കുന്ന ഘട്ടങ്ങൾ പാലിക്കുക;

ആദ്യം, സർക്കാരിന്റെ ഔദ്യോഗിക വെബ്‌സൈറ്റിലേക്ക് പോകുക, തുടർന്ന് സ്വയം രജിസ്റ്റർ ചെയ്ത് ആവശ്യമായ വിശദാംശങ്ങൾ പൂരിപ്പിക്കുക. അവസാനമായി, എല്ലാ വിശദാംശങ്ങളും സമർപ്പിക്കുക.

ഹോർട്ടികൾച്ചറൽ വിളകൾക്ക് ഡ്രിപ്പ് ഇറിഗേഷൻ പ്രോത്സാഹിപ്പിക്കുന്നതിന് 90% സബ്‌സിഡി
കൂടാതെ, സംസ്ഥാന ബജറ്റ് പ്രകാരം ഹാവേരി ജില്ലയിൽ ഒരു ലക്ഷം ലിറ്റർ ശേഷിയുള്ള ഒരു മെഗാ പാൽ ഡെയറി സ്ഥാപിക്കാനുള്ള ശ്രമങ്ങൾ നടക്കുന്നുണ്ട്. കാർഷിക യന്ത്രങ്ങളുടെ ഉപയോഗം പ്രോത്സാഹിപ്പിക്കുന്നതിനും ഇന്ധനഭാരം കുറയ്ക്കുന്നതിനുമായി ഏക്കറിന് 250 രൂപ ഡീസൽ സബ്‌സിഡി നൽകുന്ന പുതിയ പദ്ധതി ‘രൈത ശക്തി’യും ബജറ്റിൽ പ്രഖ്യാപിച്ചു.

PM Ayushman Bharat Yojana ; 5 ലക്ഷം രൂപയുടെ ആരോഗ്യ ഇൻഷുറൻസും സൗജന്യ ചികിത്സയും

കൂടാതെ, ചെറുകിട കർഷകർക്ക് കാർഷിക യന്ത്രങ്ങൾ താങ്ങാനാവുന്ന വിലയിൽ ലഭ്യമാക്കുന്നതിന് കർണാടകയിലെ എല്ലാ ഹോബ്ലികളിലേക്കും കൃഷി യന്ത്രധാരേ കേന്ദ്രങ്ങൾ വ്യാപിപ്പിക്കും. ജലസംരക്ഷണത്തിനായി, തോട്ടവിളകൾക്ക് ഡ്രിപ്പ് ഇറിഗേഷൻ പ്രോത്സാഹിപ്പിക്കുന്നതിന് എസ്‌സി, എസ്ടി ഗുണഭോക്താക്കൾക്ക് 90 ശതമാനം സബ്‌സിഡിയും മറ്റ് കർഷകർക്ക് 75 ശതമാനം സബ്‌സിഡിയും നൽകാൻ തീരുമാനിച്ചു.