News

ഗ്രേറ്റ് ബന്യൻ ട്രീ @ 255 

കൊല്‍ക്കത്തഇന്ത്യയിലെ അത്ഭുതങ്ങളിലൊന്നായ ആല്‍മരത്തിന് (ഗ്രേറ്റ് ബന്യൻ ട്രീ) ഇപ്പോള്‍ വയസ്സ് 255. ഏറ്റവുമധികം സ്ഥലത്ത് പടര്‍ന്നു കിടക്കുന്ന മരമെന്ന ഗിന്നസ് റെക്കോര്‍ഡും ഈ ആൽമരത്തിന് സ്വന്തമായുണ്ട് . വര്‍ഷംത്തോറും വളര്‍ന്നുകൊണ്ടിരിക്കുന്ന ഈ ആല്‍മരം ഇന്ത്യയിലെ ഏറ്റവും വലിയ മരങ്ങളിലൊന്നാണ്.ഈ ആൽമരം കൊല്‍ക്കത്തയിലാണ് സ്ഥിതി ചെയ്യുന്നത്. ഹൗറയിലെ ആചാര്യ ജഗദീഷ് ചന്ദ്ര ബോസ് ഇന്ത്യന്‍ ബൊട്ടാണിക്  ഗാര്‍ഡനിലാണിത് സ്ഥിതി ചെയ്യുന്നത്    അതിവേഗം വളര്‍ന്ന് കൂടുതല്‍ സ്ഥലത്തേക്ക് പടരുന്നതിനാല്‍ വാക്കിങ് ട്രീ അഥവാ ചലിക്കുന്ന മരം എന്നൊരു പേരും ഇതിനുണ്ട്.മരത്തിൻ്റെ സംരക്ഷകരായ ബൊട്ടാണിക്കല്‍ സര്‍വ്വേ ഓഫ് ഇന്ത്യയാണ് ഈ പേര് നല്കിയത്.

മൊത്തത്തില്‍ അഞ്ച് ഏക്കര്‍ സ്ഥലത്തായാണ് ഈ ആല്‍മരം വ്യാപിച്ചു നില്‍ക്കുന്നത്.ശക്തമായ രണ്ടു കൊടുങ്കാറ്റുകള്‍ അതിജീവിച്ച ചരിത്രം ഉണ്ടെങ്കിലും അതിൻ്റെ  ഫലത്താല്‍ ഇതിൻ്റെ  തായ്ത്തടി നഷ്ടമായിരുന്നു. എങ്കിലും ഊന്ന് വേരുകള്‍ നല്കിയ ബലത്തിലാണ് വൃക്ഷം ഇന്നും നിലനില്‍ക്കുന്നത്. നാലായിരത്തോളം ഊന്നുവേരുകളുള്ള ഈ മരത്തിന് ഗേറ്റ് വേ ഓഫ് ഇന്ത്യയുടെ അത്രയും ഉയരമുണ്ടെന്നാണ് കണക്കാക്കുന്നത്.486 മീറ്റര്‍ ചുറ്റളവില്‍ ഈ മരത്തിൻ്റെ  ഏറ്റവും ഉയരം കൂടിയ ശിഖരത്തിന് ഏകദേശം 25 മീറ്റര്‍ ഉയരമാണുള്ളത്. 1985 ലാണ് മൂന്ന് ഏക്കര്‍ സ്ഥലത്തായി പടര്‍ന്നു കിടന്ന ഈ ആല്‍മരത്തിന് ചുറ്റുമായി വേലിയൊരുക്കിയത്. 

great Banyan tree

സൂര്യപ്രകാശത്തിൻ്റെ  ലഭ്യത തേടി കിഴക്കോട്ടാണ് ഈ മരം സഞ്ചരിച്ചുകൊണ്ടിരിക്കുന്നത്. ഗാര്‍ഡൻ്റെ പടിഞ്ഞാറു ഭാഗം കെട്ടിടങ്ങളും റോഡുകളുമുള്ള തിരക്കേറിയ ഇടമാണ്. മരം അവിടേക്ക് പോകാതെ ശാന്തമായ കിഴക്കുഭാഗമാണ് വളരാന്‍ തിരഞ്ഞെടുത്തതെന്നാണ് ഇവിടുത്തെ വിദഗ്ദര്‍ പറയുന്നത് ഭീമാകാരനായ ഈ വൃക്ഷത്തെ സംരക്ഷിക്കാന്‍ 13 ജീവനക്കാരെയാണ് ഗാര്‍ഡന്‍ ഒരുക്കിയിരിക്കുന്നത്. 

ഈ ഗ്രേറ്റ് ബന്യന്‍ ട്രീയുടെ ഉത്ഭവത്തെക്കുറിച്ചോ, എങ്ങനെ ഇവിടെ എത്തി എന്നതിനെക്കുറിച്ചോ കൃത്യമായ വിവരങ്ങള്‍ ഇപ്പോഴും ലഭ്യമല്ല. എന്നാൽ  19-ാം നൂറ്റാണ്ട് മുതലുള്ള പല സഞ്ചാര കൃതികളിലും ഈ മരത്തെക്കുറിച്ച് വിവരിക്കുന്നുണ്ട്.

Share your comments

Subscribe to newsletter

Sign up with your email to get updates about the most important stories directly into your inbox