News

വനിതകളുടെ നേതൃത്വത്തില്‍ യന്ത്രവത്കൃത നെല്‍കൃഷി

മഹിളാ കിസാന്‍ ശാക്തീകരണ്‍ പരിയോജന പദ്ധതിയുടെ ഭാഗമായി എറണാകുളം കൂവപ്പടിയില്‍ യന്ത്രവത്കൃത നെല്‍കൃഷിക്ക് തുടക്കമായി. ദേശീയ ഗ്രാമീണ ഉപജീവന ദൗത്യത്തിന്റെ ഭാഗമായി കേന്ദ്രസര്‍ക്കാര്‍ സംസ്ഥാന സര്‍ക്കാരിന്റെ സഹകരണത്തോടെ നടപ്പിലാക്കുന്ന ദാരിദ്ര്യലഘൂകരണ പദ്ധതിയാണ് എം.കെ.എസ്.പി.
യന്ത്രവത്കൃത കൃഷി സമ്പ്രദായങ്ങളില്‍ വനിതകള്‍ക്ക് പരിശീലനം നല്‍കി, നെല്‍കൃഷി പുനരുദ്ധരിക്കുകയാണ് പദ്ധതിയുടെ മുഖ്യ ലക്ഷ്യം. സ്ത്രീകളുടെ വരുമാനം വര്‍ദ്ധിപ്പിക്കുക, പാഴ്‌നിലങ്ങളെ കൃഷിയോഗ്യമാക്കുക, ജൈവകൃഷി പ്രോത്സാഹിപ്പിക്കുക, ഭക്ഷ്യസുരക്ഷ ഉറപ്പുവരുത്തുക, കര്‍ഷക തൊഴിലാളിക്ഷാമം പരിഹരിക്കുക എന്നിവയും പദ്ധതി ലക്ഷ്യമിടുന്നു.
 
നെല്‍കൃഷിയുടെ വിളവെടുപ്പ് വരെയുള്ള ഘട്ടം യന്ത്രത്തിന്റെ സഹായത്തോടെ പൂര്‍ത്തിയാക്കുന്നതിനുള്ള പരിശീലനമാണ് നല്‍കുന്നത്. നടീല്‍ വരെയുള്ള പരിശീലനമാണ് നിലവില്‍ പൂര്‍ത്തിയാക്കിയിരിക്കുന്നത്. കഴിഞ്ഞ രണ്ടു വര്‍ഷങ്ങളില്‍ പ്രതിവര്‍ഷം കുറഞ്ഞത് 40 ദിവസമെങ്കിലും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ പണിയെടുത്തിട്ടുള്ള 18 നും 50 നും മദ്ധ്യേ പ്രായമുള്ള വനിതകളാണ് പദ്ധതിയുടെ ഗുണഭോക്താക്കള്‍. 40 വനിതകള്‍ക്ക് യന്ത്രവത്കൃത നെല്‍കൃഷിയില്‍ പരിശീലനം നല്‍കി. യന്ത്രങ്ങള്‍, പരിശീലനത്തിനുള്ള ചെലവ് എന്നിവ എം.കെ.എസ്.പി നിര്‍വഹിക്കും. 
 

Share your comments