എം.എഫ്‌.ഒ.ഐ പുരസ്കാരങ്ങൾ; ഒരു അവലോകനം

മില്യണയർ ഫാർമർ ഓഫ് ഇന്ത്യ (എം.എഫ്‌.ഒ.ഐ) പുരസ്കാരങ്ങളുടെ ആശയം കൃഷി ജാഗരണിന്റെ സ്ഥാപകനും എഡിറ്റർ-ഇൻ-ചീഫുമായ ശ്രീ.എം.സി. ഡൊമിനിക്കിന്റെ ചിന്തകളിൽ നിന്ന് ആരംഭിക്കുന്നു. കാർഷികമേഖലയുമായി അടുത്ത ബന്ധം പുലർത്തിയിരുന്ന ഡൊമിനിക്, കർഷകരുടെ വലിയ സംഭാവനകൾക്കും പ്രധാനധാരയിലുണ്ടാകുന്ന അവഗണനയ്ക്കുമിടയിലെ വ്യത്യാസം ശ്രദ്ധിച്ചു. ഈ അവബോധം ചർച്ചകളുടെയും ആലോചനകളുടെയും ഒരു പരമ്പരയ്ക്ക് തന്നെയാണ് തുടക്കമിട്ടത്. ഇന്ത്യയുടെ കാർഷികമേഖലയിലെ നിശബ്ദ നായകരായ കർഷകരെ പ്രശംസിക്കാനും പരിഗണിക്കാനുമായി ഒരു വിപ്ലവകരമായ സംരംഭത്തിന് ഈ ചിന്തകൾ രൂപം നൽകി.

ശ്രീ.എം.സി. ഡൊമിനിക്കിന്റെ ചിന്തകളിൽ ഉരുത്തിരിഞ്ഞു വന്ന ഒരു ചോദ്യം: "ഇന്ത്യയിലെ ഏറ്റവും സമ്പന്നനായ കർഷകൻ ആരാണ്?" എന്നതാണ്. പക്ഷെ ലളിതമായ ഈ ചോദ്യത്തിന് ഉത്തരം കണ്ടെത്താൻ അദ്ദേഹത്തിന് കഴിഞ്ഞില്ല, അതിന്റെ ഉത്തരം തേടിയുള്ള യാത്രയാണ് എം.എഫ്‌.ഒ.ഐ പുരസ്കാരങ്ങൾ എന്ന ആശയത്തിൽ വിരാമമിട്ടത്. കർഷകരുടെ അതുല്യമായ ധൈര്യത്തിന്റെയും വിജയം നേടാനുള്ള പ്രതിബദ്ധതയുടെയും ഒരു പുതിയ കഥ ഇതിലൂടെ ആവിഷ്കൃതമായി. ഡൊമിനിക് തന്റെ യാത്രയിലുടനീളം, കർഷകർ പരസ്പരം അതിജീവിക്കാൻ ശ്രമിക്കുന്നതും അത് സാമൂഹികമായി വിലയിരുത്തപ്പെടാതെ പോകുന്നതും ശ്രദ്ധിച്ചു. അങ്ങനെ ഈ നിശബ്ദ പരിശ്രമം എം.എഫ്‌.ഒ.ഐ അവാർഡുകൾക്ക് രൂപം നൽകി.

കാർഷികമേഖലയെ സമൂഹത്തിന്റെ പ്രധാനധാരയിലേക്ക് കൊണ്ടുവരുക എന്നതാണ് എം.എഫ്‌.ഒ.ഐ അവാർഡുകളുടെ ലക്ഷ്യം. പുത്തൻ കൃഷിരീതികളും ഉറച്ച പ്രതിജ്ഞയും കൈമുതലാക്കി മില്യണർ സ്ഥാനം നേടിയ കർഷകരുടെ കഥകൾ സമർപ്പിക്കുന്നത് മറ്റു കർഷകർക്ക് പ്രചോദനവും പ്രേരണയുമാകുന്നു. എം.എഫ്‌.ഒ.ഐ അവാർഡുകൾ സർക്കാർ കർഷകരുടെ വരുമാനം ഇരട്ടിയാക്കാനുള്ള പദ്ധതികൾക്ക് പിന്തുണ നൽകുന്നു. ചെറിയ കർഷകരെ വിജയത്തിന്റെ മാതൃകകളായി സമർപ്പിച്ച്, ഈ പ്രക്രിയയിലൂടെ എല്ലാ കർഷകനും വിജയം നേടാൻ കഴിവുള്ളവരാണെന്ന് ഇതിലൂടെ ഉറപ്പു വരുത്തുന്നു.

2023-ലെ വിജയകരമായ ആദ്യ പതിപ്പിനു ശേഷം, 2024 ഡിസംബർ 1 മുതൽ 3 വരെ പൂസ, ഐ.എ.ആർ.ഐ മേളഗ്രൗണ്ടിൽ നടത്തപ്പെടുന്ന എം.എഫ്‌.ഒ.ഐ രണ്ടാം പതിപ്പ്, ഈ വർഷം, എം.എഫ്‌.ഒ.ഐയിൽ കൂടുതൽ വ്യാപകമായ അജണ്ടയും രാജ്യാന്തര കർഷകരയും ഉൾപ്പെടുത്തിയിരിക്കുന്നു.

75000+ നാമനിർദ്ദേശങ്ങൾ: ഇന്ത്യയുടെ വിവിധ കാർഷികമേഖലകളിൽ നിന്ന് സമ്പന്നമായ-പുരോഗമന കർഷകരും പങ്കെടുക്കുന്നു.
1000 പുരസ്കാരങ്ങൾ: 300 ലധികം വിഭാഗങ്ങളിൽ 1000 കർഷകർക്ക് പ്രത്യേക അംഗീകാരം നൽകും.
കിസാൻ ഭാരത് യാത്ര: കർഷക പങ്കാളിത്തം വർദ്ധിപ്പിക്കുന്നതിന് എം.എഫ്‌.ഒ.ഐ അവാർഡുകളുടെ പ്രചരണാർത്ഥം നാടെങ്ങും റോഡ്ഷോ നടത്തുന്നു.
400+ സമൃദ്ധ് കിസാൻ ഉത്സവങ്ങൾ: പ്രാദേശിക അവബോധവും പരിശീലനവും വാഗ്ദാനം ചെയ്യാൻ പ്രത്യേക പരിപാടികൾ.
ഗ്ലോബൽ ഫാർമർ ബിസിനസ് നെറ്റ്‌വർക്കിംഗ്: ലോകമെമ്പാടുമുള്ള കർഷകരെ ബന്ധിപ്പിക്കാൻ ഒരു വേദി.

ആഗോള അംഗീകാരവും ദേശീയ പ്രചാരണങ്ങളും നേടി എം.എഫ്‌.ഒ.ഐ കർഷകരുടെ സാമ്പത്തിക ശാക്തീകരണത്തിനും പരിസ്ഥിതി സംരക്ഷണത്തിനും പുതിയ മാർഗങ്ങൾ തുറക്കുന്നു.

ഞങ്ങളുടെ മുൻ എം.എഫ്‌.ഒ.ഐ പരിപാടികളിൽ പങ്കെടുത്ത ആദരണീയ വ്യക്തിത്വങ്ങൾ

ജൂലൈ 2023-ൽ നടന്ന എം.എഫ്‌.ഒ.ഐ അവാർഡുകളുടെ കർട്ടൻ റെയ്‌സർ

• ശ്രീ പർഷോത്തം രൂപാല: കേന്ദ്ര മത്സ്യബന്ധനം, മൃഗസംരക്ഷണം, ക്ഷീരോൽപാദന മന്ത്രി
• പ്രൊഫ. രമേശ് ചന്ദ്: നീതി ആയോഗ് അംഗം
• ഡോ. അശോക് ദൽവായ്, ഐ.എ.എസ്: എൻ.ആർ.എ.എ (നാഷണൽ റൈൻഫെഡ് ഏരിയ അതോറിറ്റി) സി.ഇ.ഒ
• ഡോ. തരൺ ശ്രിധർ, ഐ.എ.എസ്: മൃഗസംരക്ഷണ, ക്ഷീരവകുപ്പിന്റെ മുൻ കേന്ദ്ര സെക്രട്ടറി
• പ്രൊ. മോനി മദസ്വാമി: മുൻ ഡി.ജി., ദേശീയ ഇന്ഫർമാറ്റിക്സ് സെന്റർ (എൻ.ഐ.സി), ഇന്ത്യയുടെ സർക്കാർ

ഡിസംബർ 2023-ലെ എം.എഫ്‌.ഒ.ഐ പുരസ്കാരദാന ചടങ്ങ്

• ശ്രീ ആചാര്യ ദേവവ്രത്: ഗുജറാത്ത് ഗവർണർ
• ശ്രീ നിതിൻ ഗഡ്കരി: കേന്ദ്ര റോഡ് ഗതാഗത ഹൈവേയ്‌സ് മന്ത്രി
• ശ്രീ പർഷോത്തം രൂപാല: കേന്ദ്ര മത്സ്യബന്ധന, മൃഗസംരക്ഷണ, ക്ഷീരോൽപാദന മന്ത്രി
• ശ്രീമതി. സധ്വി നിരഞ്ജൻ ജ്യോതി: കേന്ദ്ര സഹമന്ത്രി, ഗ്രാമവികസന വകുപ്പ്
• ശ്രീ പി. സദാശിവം: മുൻ ചീഫ് ജസ്റ്റിസ് ഓഫ് ഇന്ത്യ, മുൻ കേരള ഗവർണർ
• ഹിസ്എക്സലൻസി കെൻനത്ത് ഫെലിക്സ് ഹചിൻസ്കി ഡ നോബ്രെഗ: ബ്രസീൽ അംബാസിഡർ
• മിസ്റ്റർ മിച്ചൽ വാൻ എർക്കൽ: നെതർലാൻഡ്സ് എംബസിയുടെ കൃഷിസംരക്ഷണ കൗൺസിലർ
• ഹിസ്എക്സലൻസി മനോജ് നർദോസിംഗ്: സെക്രട്ടറി ജനറൽ, ആഫ്രിക്ക-ഏഷ്യൻ ഗ്രാമീണ വികസന സംഘടന (AARDO)
• മിസ്റ്റർ കോൺറാഡ് നാന കോജോ അസിയിഡു: ഘാന ഹൈകമ്മീഷനിലെ ഫസ്റ്റ് സെക്രട്ടറി, വ്യാപാരം, സംസ്കാരം & ടൂറിസം

പ്രശസ്തമായ ജൂറി അംഗങ്ങൾ:
എം.എഫ്‌.ഒ.ഐ അവാർഡുകൾ നിശ്ചയിക്കുന്ന പ്രമുഖ പാനലിൽ ഉൾപ്പെട്ടവർ:

• പ്രൊഫ. രമേശ് ചന്ദ്: നിതി ആയോഗ് അംഗം
• ശ്രീ പി. സദാശിവം: മുൻ ചീഫ് ജസ്റ്റിസ് ഓഫ് ഇന്ത്യ, മുൻ കേരള ഗവർണർ
• ഡോ. അശോക് ദൽവായ്, ഐ.എ.എസ്: എൻ.ആർ.എ.എ (നാഷണൽ റൈൻഫെഡ് ഏരിയ അതോറിറ്റി) സി.ഇ.ഒ
• ഡോ. പി. ചന്ദ്രശേഖര: ഡയറക്ടർ ജനറൽ, സിർഡാപ്പ്
• ഡോ. തരൺ ശ്രിധർ, ഐ.എ.എസ്: മൃഗസംരക്ഷണ, ക്ഷീരവകുപ്പിന്റെ മുൻ കേന്ദ്ര സെക്രട്ടറി
• ആർ.എസ്. സോഡി: പ്രസിഡന്റ്, ഇന്ത്യൻ ഡയറി അസോസിയേഷൻ

ഇത് കർഷകരുടെ നേട്ടങ്ങളെ അംഗീകരിക്കുന്നതിലേക്കും കൃഷി മേഖലയുടെ പ്രാധാന്യം ഉയർത്തിക്കാട്ടുന്നതിലേക്കുമുള്ള ഒരു പ്രധാന പടിയായി മാറിയിരിക്കുന്നു.

വിവിധ രാജ്യങ്ങളിൽ നിന്ന് എംബസികളും വ്യവസായ നേതാക്കളുമായുള്ള പങ്കാളിത്തം ഈ സംരംഭം അന്തർദേശീയ തലത്തിൽ ശ്രദ്ധ നേടുന്നു. കൂടാതെ, ഇന്ത്യയിലെ വിവിധ സംസ്ഥാനങ്ങളിൽ നിന്നുള്ള കർഷകർ, ഉദ്യോഗസ്ഥർ, മറ്റു പ്രമുഖ വ്യക്തിത്വങ്ങൾ എന്നിവരുടെ ശക്തമായ പങ്കാളിത്തം കൃഷിയേയും അതിന്റെ നൂതന സാധ്യതകളും പരിചയപ്പെടുവാനും പങ്കുവയ്ക്കുവാനും സഹായകമാകുന്നു. MFOI 2023 ലെ തിരഞ്ഞെടുക്കപ്പെട്ട രണ്ടു കർഷകർക്ക്, ബ്രസീലിലെ കാർഷിക പരിശീലനപരിപാടിയിൽ പങ്കെടുക്കാൻ ബ്രസീൽ എംബസി മുഖേന സൗജന്യ ചെലവിൽ യാത്ര ചെയ്യാനുള്ള അവസരം നൽകിയത് എം.എഫ്‌.ഒ.ഐ അവാർഡുകളുടെ ഏറ്റവും വലിയ സവിശേഷതകളിലൊന്നായിരുന്നു.

കൃഷിയേയും കർഷകവിജയഗാഥകൾ ആചരിക്കുന്നതിലുപരി, എം.എഫ്‌.ഒ.ഐ അവാർഡുകൾ നയതന്ത്രബന്ധങ്ങൾ ശക്തിപ്പെടുത്തുകയും മേക്ക് ഇൻ ഇന്ത്യ പ്രചാരണത്തെ പ്രോത്സാഹിപ്പിക്കുകയും ചെയ്യുന്നു. "മേക്ക് ഇൻ ഇന്ത്യ" പ്രോത്സാഹിപ്പിച്ച് ഇന്ത്യയുടെ എല്ലാ കോണുകളിലും യാത്ര ചെയ്ത് റോഡ് ഷോയുടെ ഉദാഹരണം കൃഷിയെയും ദേശീയ വികസനത്തിന്റെയും ഊർജിതത്വത്തെ അതിന്റെ സാധ്യതകൾ തികച്ചും തെളിയിക്കുന്നു.

അംഗീകാരം നൽകുന്നതിനതീതമായി, എം.എഫ്‌.ഒ.ഐ അവാർഡുകൾ കർഷകരെ അവരുടെ സമൂഹത്തിൽ മാറ്റത്തിന് പ്രവർത്തിക്കുന്ന പ്രേരകശക്തികളായി മാറ്റുന്നു. ജലസംരക്ഷണം, മണ്ണിന്റെ ആരോഗ്യ സംരക്ഷണം, സുസ്ഥിര കൃഷിരീതികൾ എന്നിവയെ മേധാവിത്വത്തിലാക്കി, ഈ സംരംഭം പരിസ്ഥിതി സംരക്ഷണത്തിന്റെയും സാമൂഹിക ഉത്തരവാദിത്തത്തിന്റെയും ഒരു വ്യാപകമായ പ്രസ്ഥാനത്തിന് തുടക്കമിടുന്നു.