കരുവാരകുണ്ടിലെ മനോഹര ദൃശ്യങ്ങൾ പങ്കുവെച്ച് രാഹുൽ ഗാന്ധി എംപി

മലപ്പുറം ജില്ലയിലെ മലയോര മേഖലയും കരുവാരകുണ്ടിലെ മനോഹര ദൃശ്യങ്ങളും പങ്കുവെച്ച് രാഹുൽ ഗാന്ധി എംപി. കരുവാരകുണ്ടിലെ കേരളകുണ്ട് വെള്ളച്ചാട്ടത്തിന്റെ ദൃശ്യങ്ങളാണ് രാഹുൽ പങ്കുവെച്ചത്. തമിഴ് കവി തിരുക്കുറലിന്റെ വചനങ്ങൾ കുറിച്ചാണ് 'രാഹുൽ ഗാന്ധി വയനാട്' എന്ന ട്വിറ്റർ പേജിലൂടെയാണ് ദൃശ്യങ്ങൾ പങ്കുവെച്ചത്.

മലപ്പുറത്തെ പ്രധാന വെള്ളച്ചാട്ടങ്ങളിലൊന്നാണ് കേരളകുണ്ട് വെള്ളച്ചാട്ടം. നേരത്തെ 2018ലെ പ്രളയത്തിൽ വെള്ളച്ചാട്ടത്തിന് ചെറിയ മാറ്റം സംഭവിച്ചിരുന്നു. കരുവാരകുണ്ട് ഉൾപ്പെടുന്ന വയനാട് ലോക്സഭാ മണ്ഡലത്തിലെ എംപിയാണ് രാഹുൽ ഗാന്ധി.