പോരാട്ടത്തിലൂടെ സമൃദ്ധിയിലേക്ക്: മഹീന്ദ്ര ARJUN 605 DI PP യുമായി ഒരു ജാട്ട് കുടുംബത്തിന്റെ പ്രചോദനാത്മകമായ യാത്ര

ഓരോ വിജയത്തിനു പിന്നിലും പോരാട്ടത്തിന്റെയും പ്രതീക്ഷയുടെയും ദൃഢനിശ്ചയത്തിന്റെയും ഒരു കഥയുണ്ടാകും. രാജസ്ഥാന്റെ ആത്മാവിന്റെയും പ്രതിരോധശക്തിയുടെയും കഥയാണിത് - കുറഞ്ഞ വരുമാനത്തിൽ തുടങ്ങിയ ഒരു ലളിതമായ ജാട്ട് കുടുംബം, വിജയകരമായ കൃഷിവ്യവസായത്തിന്റെ നേതൃത്വം വഹിക്കുന്നതിലേക്ക് ഉയർന്ന അത്ഭുതകരമായ യാത്ര. മഹീന്ദ്ര ട്രാക്ടറുകൾ, പ്രത്യേകിച്ച് മഹീന്ദ്രയുടെ ARJUN 605 DI PP, ഈ ശ്രദ്ധേയമായ പരിവർത്തനത്തിന്റെ നാഴികക്കല്ലായി മാറി.

ആരംഭകാലം - രണ്ടു നേരം ഭക്ഷണം പോലും ബുദ്ധിമുട്ടായിരുന്ന കാലം
അത്താഴം കഴിക്കാൻ ഉണ്ടാകുമോ എന്ന് പോലും ഉറപ്പില്ലാതിരുന്ന ആ കാലം ഈ കുടുംബത്തിലെ മകൻ ഇപ്പോഴും ഓർക്കുന്നു. പൊതുപരിപാടികളിൽ പങ്കെടുക്കുമ്പോൾ ധരിക്കാനുള്ള ഷർട്ടു പോലും അവന്റെ പിതാവിന് മറ്റുള്ളവരിൽ നിന്ന് കടം വാങ്ങേണ്ടി വന്നു. ദാരിദ്ര്യം ഓരോ ചുവടിലും വെല്ലുവിളിയായിരുന്നു, എങ്കിലും അവൻ ഒരിക്കലും തളർന്നില്ല.

അവരുടെ ഭാവി മാറ്റിമറിച്ച മഹീന്ദ്ര ട്രാക്ടറിലുള്ള വിശ്വാസം
അദ്ദേഹത്തിന്റെ പിതാവ് ധീരമായ ഒരു ചുവടുവെപ്പ് നടത്തി; ആദ്യമായി ഒരു മഹീന്ദ്ര ട്രാക്ടർ വാങ്ങി. അതിനുള്ള തുക കണ്ടെത്തുന്നതിനായി അമ്മയും മുത്തശ്ശിയും അവരുടെ ആഭരണങ്ങൾ പണയപ്പെടുത്തേണ്ടി വന്നു. ട്രാക്ടറിനൊപ്പം, ഒരു മെതി യന്ത്രവും കൂടി വാങ്ങി. കുടുംബത്തിന്റെ ഭാവി മാറ്റിമറിച്ച ഈ തീരുമാനം; ട്രാക്ടർ കൃഷി എളുപ്പമാക്കുക മാത്രമല്ല, പുതിയൊരു വരുമാന മാർഗം കൂടിയായി മാറി.

കഠിനാധ്വാനവും ഉയർന്ന ആത്മവിശ്വാസവും
1992-ൽ, പിതാവിന് ഹിന്ദുസ്ഥാൻ സിങ്കിൽ ഒരു ജോലി ലഭിച്ചു. അദ്ദേഹം ശമ്പളം സ്വരുക്കൂട്ടി വച്ച് മറ്റൊരു ട്രാക്ടർ കൂടി വാങ്ങി. ക്രമേണ, അവരുടെ കാർഷിക പ്രവർത്തനങ്ങൾ വികസിച്ചു, കൂടെ മഹീന്ദ്ര ട്രാക്ടറുകളുടെ എണ്ണവും. ഇന്ന്, കുടുംബത്തിന് നിരവധി ട്രാക്ടറുകൾ സ്വന്തമായുണ്ട്, കൂടാതെ സമീപ ഗ്രാമങ്ങളിലെ ആളുകൾക്ക് തൊഴിലും നൽകാൻ ഈ കുടുംബത്തിന് സാധിക്കുന്നു.

ARJUN 605 DI PP: മാറ്റത്തിന്റെ യഥാർത്ഥ ശക്തി
മഹീന്ദ്ര ARJUN 605 DI PP ട്രാക്ടർ അവരുടെ കൃഷിയിൽ വിപ്ലവകരമായ മാറ്റം കൊണ്ടുവന്നു. ഇതിനായി താഴെപ്പറയുന്ന ഘടകങ്ങൾ അവരെ സഹായിച്ചു.

• ശക്തമായ 60 HP എഞ്ചിൻ
• 1800 കിലോഗ്രാം ഹൈഡ്രോളിക് ലിഫ്റ്റിംഗ് ശേഷി
• 9 HP PTO പവർ - ഹെവി ഉപകരണങ്ങൾ പ്രവർത്തിപ്പിക്കാൻ അനുയോജ്യമാണ്
• mBoost സാങ്കേതികവിദ്യ - കുറഞ്ഞ ഇന്ധനത്തിൽ കൂടുതൽ പവർ
• 400 മണിക്കൂർ സർവീസ് ഇടവേളയും 6 വർഷത്തെ വാറന്റിയും
• ഏറ്റവും പ്രധാനമായി - ചൂട് രഹിത സുഖപ്രദമായ ഇരിപ്പിടങ്ങൾ

കൃഷിയിൽ മാത്രമല്ല, ജീവിതത്തിലും സ്ഥിരതയുടെയും വിശ്വാസ്യതയുടെയും പ്രതീകമായി ഈ ട്രാക്ടർ മാറി.

അദ്ദേഹത്തെപ്പോലുള്ള നിരവധി കർഷകർക്ക് ഒരു പ്രചോദനം

ഇന്ന് ഈ കുടുംബം കൃഷി മാത്രമല്ല, പെട്രോൾ പമ്പും നടത്തുന്നു, ചുറ്റുമുള്ള ആളുകൾക്ക് തൊഴിൽ നൽകുന്നു. അച്ഛൻ ഇപ്പോഴും ജോലിയിലാണ്, മകൻ ബിസിനസ്സ് കൈകാര്യം ചെയ്യുന്നു.

"ഞങ്ങളുടെ കഠിനാധ്വാനം, മഹീന്ദ്ര ട്രാക്ടറുകളുടെ പിന്തുണ, ഒരിക്കലും മരിക്കാത്ത ഞങ്ങളുടെ മനോഭാവം - ഇതാണ് ഞങ്ങളുടെ വിജയത്തിന്റെ അടിത്തറ." അദ്ദേഹം പറയുന്നു.