News

സുകന്യ സമൃദ്ധി യോജന പുതിയ പരിഷ്കാരങ്ങളിലൂടെ

2015ൽ  ഭാരത  സർക്കാർ നടപ്പാക്കിയ മഹത്തായ പദ്ധതി സുകന്യ സമൃദ്ധി യോജന പുതിയ കെട്ടിലും മട്ടിലും അവതരിച്ചിരിക്കുന്നു .ബേട്ടി ബച്ചാവോ ബേട്ടി പടാവോ   പദ്ധതിയുടെ ഭാഗമാണ് സുകന്യ സമൃദ്ധി യോജന . സാധാരണക്കാരായ  മാതാപിതാക്കൾക്ക് ഒരു പെൺ കുട്ടി ജനിച്ചാൽ അവരെ വളർത്താനും പ0ന ചിലവിനും വിവാഹത്തിനുമായി സമ്പാദ്യത്തിന്റെ വലിയൊരു ഭാഗം ചിലവാക്കേണ്ടി വരുന്നു    .ഇത്തരക്കാർക്ക് വേണ്ടിയാണ് സർക്കാർ ഈ മഹത്തായ പദ്ധതിക്ക് രൂപം കൊടുത്തിരിക്കുന്നത് .ഒരു പെൺ കുട്ടി ജനിച്ചതു മുതൽ 10 വയസ്സ് പൂർത്തിയാകുന്നത് വരെ  മാതാപിതാക്കൾക്ക് ഈ പദ്ധതിയിൽ അംഗത്വം എടുക്കാം .പെൺകുട്ടിയുടെ പത്ത് വയസ്സ് വരെ മാതാപിതാക്കൾക്കും 10 വയസ്സിന് ശേഷം പെൺ കുട്ടികൾക്കും ഈ അക്കൗണ്ട് കൈകാര്യം  ചെയ്യാം .ഏതെങ്കിലും പോസ്റ്റാഫീസ് ശാഖകളിലോ  പൊതുമേഖലാ ബാങ്കുകളിലോ നേരിട്ട് ചെന്ന് ഇതിൽ അംഗത്വം എടുക്കാം .

തുടക്കത്തിൽ വാർഷിക വരിസംഖ്യ ആയിരം രൂപയായിരുന്നു .എന്നാൽ ഇപ്പോൾ വാർഷിക വരിസംഖ്യ 250 ആക്കി കുറച്ചിട്ടുണ്ട്  . തുച്ഛ വരുമാനക്കാർക്കും ഇതിൽ അംഗത്വം എടുക്കുന്നതിന് വേണ്ടിയാണ് വരിസംഖ്യയിൽ കുറവ് വരുത്തിയിരിക്കുന്നത്  . ഒരു വർഷത്തിൽ  250 രൂപ മുതൽ ഒന്നര ലക്ഷം രൂപ വരെ അംഗങ്ങൾക്ക് അക്കൗണ്ടിൽ നിക്ഷേപിക്കാം  .നൂറിന്റെ ഗുണിതങ്ങളായിട്ട് എത്ര തവണകളായിട്ടും പണം നിക്ഷേപിക്കാം .കുടിശിക വരികയാണെങ്കിൽ പലിശ ഈടാക്കുന്നതായിരിക്കും . കുടിശിക തീർത്താൽ വീണ്ടും അക്കൗണ്ട് മുന്നോട്ട് കൊണ്ട് പോവുകയും ചെയ്യാം .പദ്ധതിയിൽ ചേർന്ന് 14 വർഷം വരെ മാത്രമേ പണം നിക്ഷേപിക്കേണ്ടതായി വരുന്നുള്ളൂ . 21 വർഷമാണ് ഈ പദ്ധതിയുടെ കാലാവധി  . പെൺ ക്കുട്ടിക്ക് 18 വയസ്സ് പൂർത്തിയായി കഴിഞ്ഞാൽ നിക്ഷേപിച്ച തുകയുടെ 50 ശതമാനം  പിൻവലിക്കാം  .കാലാവധിക്ക് മുൻപ് പെൺകുട്ടിയുടെ വിവാഹം വരുകയാണെങ്കിൽ മതിയായ രേഖകൾ ഉണ്ടെങ്കിൽ പണം മുഴുവനായും പിൻവലിക്കാം .ഒരു കുടുംബത്തിലെ 2 പെൺക്കുട്ടികൾക്കേ ഈ ആനുകൂല്യം ലഭിക്കുകയുള്ളൂ .ആദ്യത്തെ കുട്ടിക്കും രണ്ടാമത് ഇരട്ടക്കുട്ടികളാണെങ്കിൽ മൂന്നാമത്തെ കുട്ടിക്കും അംഗത്വം എടുക്കാം .


Share your comments

Subscribe to newsletter

Sign up with your email to get updates about the most important stories directly into your inbox