News

സപ്ലൈകോ വിഷു ഫെയറുകള്‍ക്ക് തുടക്കം

വിഷു പ്രമാണിച്ച് സപ്ലൈകോയ്ക്ക് കീഴിലുള്ള 450 വില്‍പനശാലകളില്‍ പ്രത്യേക വിഷു ഫെയറുകള്‍ ആരംഭിച്ചു. പലവ്യഞ്ജനം, പച്ചക്കറി തുടങ്ങിയവ ഉള്‍പ്പടെയുള്ള നിത്യോപയോഗ സാധനങ്ങള്‍ ന്യായവിലക്ക് ഉപഭോക്താക്കള്‍ക്ക് ലഭ്യമാക്കാന്‍ ലക്ഷ്യമിട്ടുകൊണ്ടാണ് സപ്ലൈകോ സൂപ്പര്‍ മാര്‍ക്കറ്റുകള്‍, പീപ്പിള്‍സ് ബസാറുകള്‍, ഹൈപ്പര്‍ മാര്‍ക്കറ്റ് എന്നിവ കേന്ദ്രീകരിച്ച് വിഷു ഫെയറുകള്‍ ആരംഭിച്ചിട്ടുള്ളത്.

സപ്ലൈകോ വിപണനം ചെയ്യുന്ന ആന്ധ്ര ജയ അരിയുടെ വില 35/ രൂപയില്‍ നിന്ന് 32.50 രൂപയായി കുറയ്ക്കുവാനും സപ്ലൈകോ തീരുമാനിച്ചിട്ടുണ്ട്. അരിയുടെ സംഭരണ വിലയിലുണ്ടായ കുറവ് ആനുപാതികമായി ഉപഭോക്താക്കളിലേക്ക് പകര്‍ന്നു നല്‍കുകയാണ് സപ്ലൈകോ ഇതിലൂടെ ചെയ്തിട്ടുള്ളത്. ജയ അരിക്ക് പൊതു വിപണിയില്‍ 39/ രൂപ വരെയാണ് വില. പൊതു വിപണിയില്‍ 38/  രൂപ വരെ വിലയുള്ള കുറുവ അരി 32/ രൂപക്കാണ് സപ്ലൈകോ വില്‍ക്കുന്നത്.  മട്ട അരി 36/ രൂപക്കും സപ്ലൈകോ വില്പനശാലകളില്‍ ലഭൃമാണ്.  ഇതു കൂടാതെ റേഷന്‍ കാര്‍ഡ് ഒന്നിന് പ്രതിമാസം 10 കിലോഗ്രാം അരി വീതം സബ്‌സിഡി നിരക്കിലും സപ്ലൈകോ വിതരണം ചെയ്യുന്നുണ്ട്.

 

Share your comments

Subscribe to newsletter

Sign up with your email to get updates about the most important stories directly into your inbox