വനഭൂമിയിൽ മരം മുറിക്കുന്നതിന് അനുമതി; മുൻ ഡിഎഫ്ഒയെ സസ്പെൻഡ് ചെയ്തു

റാന്നി മുൻ ഡിഎഫ്ഒ ഒ ഉണ്ണികൃഷ്ണനെ സർവീസിൽ നിന്ന് സസ്പെൻഡ് ചെയ്തു. വനഭൂമിയിൽ മരം മുറിക്കുന്നതിനും പാറ ഖനനത്തിന് അനുമതി നൽകിയതിനെയും തുടർന്നാണ് സസ്പെൻഡ് ചെയ്തത്. വനം വകുപ്പ് മേധാവിയുടെ റിപ്പോർട്ടിനെ തുടർന്നാണ് നടപടി.

റാന്നി ഡിഎഫ്ഒ ആയിരിക്കെയാണ് ചേതക്കൽ റിസർവ് വനഭൂമിയിൽ സ്വകാര്യ കമ്പനിക്ക് പാറ ഖനനത്തിന് ഉണ്ണികൃഷ്ണൻ അനുമതി നൽകിയത്. ഇതിന് പിന്നാലെ വനത്തിൽ നിന്ന് വൻതോതിൽ മരങ്ങൾ മുറിച്ചിരുന്നു. 72 ലക്ഷത്തോളം രൂപ സർക്കാരിന് നഷ്ടം സംഭവിച്ചെന്നാണ് റിപ്പോർട്ട്.