News

കാട്ടുപന്നികൾ ജാഗ്രതൈ! ലക്കിടിയിൽ വിൻഡ് പവർ ഇറങ്ങിയിട്ടുണ്ട്...

കാട്ടുപന്നികൾ ജാഗ്രതൈ! ലക്കിടിയിൽ വിൻഡ് പവർ ഇറങ്ങിയിട്ടുണ്ട്...

എഴുതുന്നത് ഗിരീഷ് അയിലക്കാട്

ജീവിക്കുവാൻ പാടുപ്പെടുന്ന കർഷകർക്ക് വന്യമൃഗങ്ങളെ കൊണ്ടുള്ള ദുരിതം ചില്ലറയൊന്നുമല്ല.

കെട്ടുതാലി വിറ്റും, പലിശക്ക് കടം വാങ്ങിയുമൊക്കെ കൃഷിയിറക്കുന്ന കർഷകരുടെ കൃഷിയിടങ്ങളിൽ കാട്ടുപന്നിയും, മയിലും,കുരങ്ങന്മാരുമൊക്കെ ഉണ്ടാക്കുന്ന കൃഷി നാശങ്ങൾ വളരെ ഭീകരമാണ്. മണ്ണിൽ മല്ലിട്ട കർഷകർക്ക് നെഞ്ച് പൊട്ടുന്ന കാഴ്ചയും!

വന്യമൃഗങ്ങളെ കൊണ്ട് ജീവിതം പൊറുതിമുട്ടിയ കർഷകർക്ക് പാലക്കാട്,ലക്കിടിയിൽ നിന്ന് ഒരാശ്വാസ വാർത്തയുണ്ട്..

കാർഷിക മേഖലക്ക് പ്രതീക്ഷ നല്കി കൊണ്ട്. ലക്കിടിമംഗലം പുലാക്കിൽ അജിഷ് പന്നികളെ തുരത്തിയോടിക്കാൻ വിൻഡ് പവർ എന്ന യന്ത്രം നിർമ്മിച്ചിരിക്കയാണ്.

കാറ്റ് ഗതിക്കനുസരിച്ച് എല്ലാ വശത്തേക്കും തിരിയുന്ന പങ്കയും. പങ്കയുടെ വേഗത്തിനനുസരിച്ച് യന്ത്രത്തിൽ ഘടിപ്പിച്ച സ്റ്റീൽ പ്ലേറ്റിൽ നിന്ന് ശബ്ദം ഉയരുന്ന സംവിധാനവുമാണ് ഇതിനുള്ളത്. യന്ത്രത്തിൽ തന്നെ ശബ്ദം കൂട്ടുന്നതിനും, കുറക്കുന്നതിനുമുള്ള സംവിധാനവുമുണ്ട്.

മനിശ്ശീരിയിൽ മെക്കാനിക്കായ അജീഷ്. സുഹൃത്തും, കർഷകനുമായ ശശിയുടെ ആവശ്യപ്രകാരം വളരെ ചെലവ് കുറഞ്ഞ രീതിയിൽ പരിക്ഷണാർത്ഥം നിർമ്മിച്ച ഉപകരണം ഇപ്പോൾ നാട്ടിലാകെ ചർച്ചയായ് കഴിഞ്ഞിരിക്കുകയാണ്.

കേരളത്തിലുള്ള വിവിധ ഭാഗങ്ങളിൽ നിന്നും ഉപകരണത്തിനായ് ഇപ്പോൾ നിരവധി ഓർഡറുകളാണ് ലഭിച്ചു കൊണ്ടിരിക്കുന്നത്.

പഴയ ഫാൻ പങ്കകളും, ബയറിംഗുകളും, സ്റ്റീൽ പ്ലേറ്റുകളുമൊക്കെ.ഉപയോഗിച്ചു കൊണ്ട് വളരെ ചെലവ് കുറഞ്ഞ രീതിയിൽ ഒരുക്കിയെടുക്കുന്ന യന്ത്രം, ആവശ്യമുള്ളവർക്ക് അജീഷിനെ വിളിക്കാവുന്നതാണ്.

നമ്പർ: അജീഷ്: 9946566671


English Summary: wiled pig attack in agriculture

Share your comments

Subscribe to newsletter

Sign up with your email to get updates about the most important stories directly into your inbox
Krishi Jagran Malayalam Magazine