രുചികരമായ ഭക്ഷണങ്ങൾ ഉണ്ടാക്കാം കറുവപ്പട്ട ഉപയോഗിച്ച്

കറുവപ്പട്ടയുടെ മാസ്മരികമായ സുഗന്ധവും ഊഷ്മള-മധുരവും ഏത് രുചികരവുമായ വിഭവവും തൽക്ഷണം മധുരവും, രുച വർദ്ധിപ്പിക്കും. കറുവയുടെ വിവിധയിനം മരങ്ങളുടെ പുറംതൊലിയിൽ നിന്ന് വേർതിരിച്ചെടുത്ത ഇത് പുരാതന നൂറ്റാണ്ടുകളിൽ ഉപയോഗിച്ചിരുന്ന ആദ്യത്തെ സുഗന്ധവ്യഞ്ജനങ്ങളിൽ ഒന്നാണ്. ആൻറി ഓക്സിഡൻറുകളും ആൻറിബയോട്ടിക് ഗുണങ്ങളും കൊണ്ട് നിറഞ്ഞിരിക്കുന്ന കറുവപ്പട്ട നമുക്ക് ആരോഗ്യപരമായ പല ഗുണങ്ങളും നൽകുന്നു. അത്കൊണ്ട് തന്നെ ഈ ലേഖനത്തിൽ കറുവ ഉപയോഗിച്ചുള്ള പാചകക്കുറിപ്പുകളാണ് എഴുതുന്നത്.

കറുവപ്പട്ട ഉപയോഗിച്ചുള്ള അഞ്ച് പാചകക്കുറിപ്പുകൾ ഇതാ.

കറുവപ്പട്ട റോളുകൾ

മാവ്, കറുവാപ്പട്ട പൊടി, പഞ്ചസാര, ബേക്കിംഗ് പൗഡർ, വെണ്ണ എന്നിവ ഒരുമിച്ച് ഇളക്കുക. പാലും ചേർത്ത് നന്നായി ഇളക്കി മിനുസമാർന്ന മാവ് ഉണ്ടാക്കുക. മറ്റൊരു പാത്രത്തിൽ വെണ്ണ, പൊടിച്ച പഞ്ചസാര, കറുവപ്പട്ട പൊടി എന്നിവ ഒരുമിച്ച് ഇളക്കുക.
കുളച്ചെടുത്ത മാവ് ഉരുട്ടി തുല്യമായി പരത്തുക. അവയെ ചെറിയ സ്ട്രിപ്പുകൾ ആക്കി മുറിച്ച് നന്നായി ചുരുട്ടുക. അവ നെയ് പുരട്ടിയ ട്രേയിൽ വെച്ച് 20 മിനിറ്റ് ബേക്ക് ചെയ്യുക. ചൂടോടെയും ക്രിസ്പിയായും വിളമ്പുക.

കറുവപ്പട്ട ഓട്സ് മഫിനുകൾ

ഈ മഫിനുകൾ ആരോഗ്യകരവും രുചികരവും നാരുകൾ, ആന്റിഓക്‌സിഡന്റുകൾ, പ്രോട്ടീൻ എന്നിവയാൽ നിറഞ്ഞതുമാണ്.
ഓവൻ 325 ഡിഗ്രി വരെ ചൂടാക്കുക. മാവ്, പഞ്ചസാര, ഓട്സ്, ബേക്കിംഗ് പൗഡർ, കറുവപ്പട്ടപ്പൊടി, ഉപ്പ് എന്നിവ ഒരുമിച്ച് ഇളക്കുക.
മറ്റൊരു പാത്രത്തിൽ മധുരമില്ലാത്ത തൈര്, മുട്ട, വാനില എക്‌സ്‌ട്രാക്‌റ്റ്, ഓയിൽ എന്നിവ അടിച്ചെടുത്ത ചേരുവകളുമായി യോജിപ്പിക്കുക. മാവ് മഫിൻ ടിന്നിലേക്ക് ഇട്ട് 15 മിനിറ്റ് ബേക്ക് ചെയ്യുക. ഇത് തണുപ്പിച്ചെടുത്ത ശേഷം വിളമ്പാം.

കറുവപ്പട്ട പാൻകേക്കുകൾ

കറുവാപ്പട്ടയുടെ സുഗന്ധമുള്ള ഈ മൃദുവായതും രുചികരമായതുമായ പാൻകേക്കുകൾ നിങ്ങളുടെ രാവിലത്തെ പ്രഭാതഭക്ഷണത്തിന് അനുയോജ്യമാണ്. ശുദ്ധീകരിച്ച മൈദ, ബേക്കിംഗ് പൗഡർ, കറുവപ്പട്ട പൊടി എന്നിവ ഒരുമിച്ച് ഇളക്കിയെടുക്കുക. ഈ ചേരുവകളിലേക്ക് വാനില എസ്സെൻസ്, എണ്ണ, വെള്ളം, പാൽ, ഉരുകിയ വെണ്ണ എന്നിവ ചേർത്ത് എല്ലാം നന്നായി യോജിപ്പിക്കുക. ശേഷം മാറ്റി വയ്ക്കുക. സ്വർണ്ണ തവിട്ട് വരെ പാൻകേക്ക് ബാറ്റർ വേവിക്കുക.
അതിനു മുകളിൽ ഷുഗർ സിറപ്പ് ഒഴിച്ച് ചൂടോടെ വിളമ്പുക.

കറുവപ്പട്ട കുക്കികൾ

വെണ്ണയും പഞ്ചസാരയും ഒരുമിച്ച് ഇളക്കുക. ഇതിലേക്ക് വാനില എക്സ്ട്രാക്‌റ്റും മുട്ടയും ചേർത്ത് നന്നായി ഇളക്കുക.
കറുവപ്പട്ട പൊടി, ബേക്കിംഗ് പൗഡർ, മൈദ എന്നിവ മറ്റൊരു പാത്രത്തിൽ അടിച്ച് മിശ്രിതവുമായി യോജിപ്പിക്കുക.
ഒരു മണിക്കൂർ തണുപ്പിക്കുക. കുഴച്ച മിശ്രിതം ചെറിയ ഉരുളകളാക്കി കറുവപ്പട്ട-പഞ്ചസാര എന്നീ പൊടിച്ചെടുത്ത മിക്‌സിൽ പുരട്ടുക.
ഒരു കുക്കി ട്രേയിൽ വയ്ക്കുക, 10-12 മിനിറ്റ് ബേക്ക് ചെയ്യുക. ആസ്വദിക്കൂ!

ബന്ധപ്പെട്ട വാർത്തകൾ : ഓട്സ് പാൽ: ആരോഗ്യ ഗുണങ്ങൾ എന്തൊക്കെ? എങ്ങനെ ഉണ്ടാക്കാം

കറുവപ്പട്ട റൈസ്

നിങ്ങൾക്ക് പ്ലെയിൻ റൈസ് കഴിച്ച് ബോറടിക്കുന്നുവെങ്കിൽ, അതിൽ കുറച്ച് കറുവപ്പട്ട ചേർക്കുക, അതിന് നല്ല രുചി ലഭിക്കും. വെണ്ണയിൽ ഉള്ളി, ഗ്രാമ്പൂ, കറുവപ്പട്ട എന്നിവ വേവിക്കുക. ഇതിലേക്ക് നീളൻ അരി ചേർത്ത് നന്നായി ഇളക്കുക. കറുവപ്പട്ട, ബേ ഇല, ഉപ്പ്, കുരുമുളക്, ഉണക്കമുന്തിരി, വെള്ളം എന്നിവ ചേർത്ത് തിളപ്പിക്കുക.
10-15 മിനിറ്റ് കൂടുതൽ വേവിക്കുക. ഉപ്പും കുരുമുളക് പൊടിയും ചേർത്ത് ചൂടോടെ വിളമ്പുക.

ബന്ധപ്പെട്ട വാർത്തകൾ : കുട്ടികൾക്കായി തയ്യാറാക്കാം പനീർ റെസിപ്പികൾ