Farm Tips

കീടങ്ങളെ തുരത്താനും ,ജൈവവളമായും ഉപ്പ് , മുടി, ഉണക്ക മത്സ്യം

കീടങ്ങളെ തുരത്താനും ,ജൈവവളമായും ഉപ്പ് , മുടി, ഉണക്ക മത്സ്യം എന്നിവ  ഉപയോഗിക്കാം. ഉപ്പും ,മുടിയും, ഉണക്ക മത്സ്യവും  നല്ല ജൈവവളങ്ങളും കീടനാശിനികളുമാണ്. ഇവ പ്രത്യേക രീതിയില്‍ ഉപയോഗിച്ചാല്‍ അടുക്കളത്തോട്ടത്തില്‍ പ്രശ്‌നക്കാരാവുന്ന കീടങ്ങളെ തുരത്തുകയും  ചെടികളെ ആരോഗ്യത്തോടെ വളര്‍ത്തുകയും ചെയ്യാം.

മുടി പച്ചക്കറികള്‍, പഴവര്‍ഗങ്ങള്‍, അലങ്കാരച്ചെടികള്‍ ഇവയ്ക്ക്  നല്ലൊരു വളമാണ്  ചെടിക്കു ചുറ്റും വൃത്താകൃതിയില്‍ തടമെടുത്ത് അലങ്കാര ചെടികള്‍ക്ക് അരക്കിലോ, ഫല വൃക്ഷങ്ങള്‍ക്ക് ഒരു കിലോ എന്നിങ്ങനെ അളവിൽ  അതിലിട്ട് മൂടുക.

എലിയെ കൊന്നൊടുക്കാനായി ഉണക്കച്ചെമ്മീന്‍ വറുത്തു പൊടിച്ച് അല്‍പ്പം സിമന്റുമായി കൂട്ടിച്ചേര്‍ത്തു കൃഷിയിടത്തിൻ്റെ  പല ഭാഗത്തായി വയ്ക്കുക.

salt

ചിരട്ടയില്‍ എണ്ണയെടുത്ത് തിരിയിട്ടു കത്തിച്ചു പറമ്പില്‍ വയ്ക്കുക. ഇതിനു നാലുവശവും ഗ്രീസ് പുരട്ടിയ കടലാസ് തൂക്കിയിടുക. കീടങ്ങള്‍ വന്ന് ഇതില്‍ ഒട്ടിപ്പിടിക്കും.

പറമ്പില്‍ ഉറുമ്പു ശല്യം കൂടുതലായി കണ്ടാല്‍ കല്ലുപ്പ് ഇട്ട് ഇവയെ അകറ്റാം. പൊടിയുപ്പ് ഉപയോഗിച്ചാലും ഇതേ പ്രയോജനം കിട്ടും. ഉറുമ്പുള്ള തെങ്ങിന്റെയും വാഴയുടേയും ചുവട്ടിലും ഉറുമ്പിന്‍ കൂട്ടിലും ഉപ്പ് വിതറുക.

ഫല വര്‍ഗ്ഗങ്ങളുടെ വിളവു കൂട്ടാന്‍ സാധാരണ വളങ്ങള്‍ക്കു പുറമെ മത്സ്യാവശിഷടങ്ങളും മത്സ്യം കഴുകിയ വെള്ളവും ചുവട്ടില്‍ നിന്നും ഒന്നരയടി മാറ്റി കുഴി കുത്തി അതൊലൊഴിച്ചു മൂടുക.

Share your comments

Subscribe to newsletter

Sign up with your email to get updates about the most important stories directly into your inbox