Organic Farming

വിത്തിന്റെ ഗുണമേന്മ വർദ്ധിപ്പിക്കാൻ വീട്ടിൽ ചെയ്യാവുന്ന എളുപ്പവഴി

വിത്തിന്റെ കിളിർപ്പ് ശേഷി പരിശോധിക്കുവാൻ നിരവധി മാർഗങ്ങൾ കർഷകർ ലഭിക്കാറുണ്ട്. എന്നാൽ വീട്ടിൽ തന്നെ ഇരുന്ന് വിത്തിന്റെ കിളിർപ്പ് ശേഷി മനസ്സിലാക്കി കൃഷി ഒരുക്കുവാൻ ഒരു എളുപ്പവഴിയുണ്ട്.

Priyanka Menon Updated 6 May, 2022 5:26 PM IST

കിളിർപ്പ് ശേഷി പരിശോധിക്കുന്ന വിധം

ആദ്യമായി ഒരു പാത്രത്തിനേക്കാൾ അൽപം കൂടി വലിപ്പമുള്ള പ്ലാസ്റ്റിക് ഷീറ്റ് തറയിലോ ടേബിളിലോ വിരിക്കുക. പ്ലാസ്റ്റിക് ഷീറ്റ് തെരഞ്ഞെടുക്കുമ്പോൾ അല്പം കട്ടികൂടിയത് തെരഞ്ഞെടുക്കാൻ പ്രത്യേകം ശ്രദ്ധിക്കണം. അതിനുശേഷം പത്രക്കടലാസ് വെള്ളത്തിൽ മുക്കി ഈർപ്പം ഇല്ലാതാക്കിയതിനുശേഷം പ്ലാസ്റ്റിക് ഷീറ്റിന് മുകളിൽ വിരിക്കുക.

There are several ways in which farmers can test the germination capacity of seeds. But there is an easy way to prepare the crop by sitting at home and understanding the germination capacity of the seed.

ചെറിയ വിത്തുകൾക്ക് പത്രക്കടലാസ് മാത്രം മതിയാകും. അതിനുശേഷം 50 വിത്ത് കടലാസിനു മുകളിൽ ക്രമമായി തുല്യ അകലത്തിൽ നിർത്തണം. 10 എണ്ണം വീതമുള്ള അഞ്ചു വരിയായി നിരത്തുന്നത് ഉത്തമമായ രീതിയാണ്. അതിനുശേഷം പത്രക്കടലാസ് വെള്ളത്തിൽ മുക്കി ഈർപ്പം ഇല്ലാതാക്കിയതിനുശേഷം വിത്തിന് മുകളിലൂടെ വിരിക്കുക. പത്രത്തിൻറെ നീളത്തിൽ കവിഞ്ഞുള്ള പ്ലാസ്റ്റിക് ഷീറ്റിന്റെ ഭാഗം പത്രത്തിനു മുകളിലായി മടക്കി വയ്ക്കുക. അതിനുശേഷം പത്രം പ്ലാസ്റ്റിക് ഷീറ്റോടുകൂടി ഒരു തൂവാല മാതിരി ചുരുട്ടുക.

ബന്ധപ്പെട്ട വാർത്തകൾ:വിത്തുകൾക്കായിമാത്രം കൃഷിചെയ്യാം, പണമുണ്ടാക്കാം

പിന്നീട് ഓരോ റബർബാൻഡ് മുകളിലും താഴെയുമായി ഇടുക. ഇത് വെളിച്ചം നല്ല രീതിയിൽ ലഭിക്കുന്ന ഒരു മുറിയിൽ വയ്ക്കണം. നെല്ലിന് ഇപ്രകാരം 8 തവണ ചെയ്താൽ കിളിർത്തു ശതമാനം കൃത്യമായി മനസ്സിലാക്കാൻ സാധിക്കുന്നു. കുറച്ച് വിത്തു മാത്രമാണ് കൃഷിക്ക് ഒരുക്കുന്നതെങ്കിൽ ഒരുതവണ ചെയ്താൽ മതിയാകും. ഈർപ്പം കുറയുന്നതിനനുസരിച്ച് ചെറുതായി പത്രം നനച്ചു കൊടുക്കുക. 14 ദിവസത്തിനുശേഷം നെല്ലിൽ മുളച്ച വിത്തുകളുടെ എണ്ണം കൂടിവരുന്നു. ശരാശരി 80% ഉണ്ടെങ്കിൽ വിത്ത് ഗുണമേന്മയുള്ളത് ആണെന്നും മനസ്സിലാക്കാം.

ബന്ധപ്പെട്ട വാർത്തകൾ: ഓരോ പച്ചക്കറിക്കും അനുവർത്തിക്കേണ്ട വ്യത്യസ്തമായ കൃഷിരീതികൾ